Aisea 12 - Chuukese Bible

Echö kölün kilisou 12.1-6

¹ Lon ena rän eman me eman epwe apasa, “Üa kilisou ngonuk, ai Samol mi Lapalap. Ewer, ka song ngeniei, nge om song a kul seniei, ka pwal achipaei.

² Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”

³ Iwe, oupwe üfi koluk fän pwapwa seni ewe chönüttun kolukun manau.

⁴ Lon ena rän oupwe apasa, “Ousipwe kilisou ngeni ewe Samol mi Lapalap o köri pwe epwe alisikich. Ousipwe asilefeili lein chon ekewe mwü meinisin mine a föri o aronga ngeniir pwe itan a tekia.

⁵ Ousipwe kölün mwareiti ewe Samol mi Lapalap, pun a föri föför mi amwarar, nge chon fanüfan meinisin repwe silei usun.

⁶ Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”