Genesis 10 - Chahta Holisso Holitopa 1886

¹ Ilʋppak osh Noah ushi ʋhleha, Shem, Ham, micha Chafelh aiena ka̱ isht annoa holisso hoke: yohmi ka̱ yʋmmak okʋt oka falama ʋt a̱ya ha yak o̱ ushi ʋt im aiasha tok.

² Chafelh ushi ʋhleha hʋt, Kome, micha Makok, micha Matai, micha Chafan, micha Tubal, micha Meshek, micha Tilas ak atok.

³ Mikma Kome ushi ʋhleha hʋt, Ashkenas, micha Lifalh, micha Tokamah ak atok.

⁴ Mikma Chafan ushi ʋhleha hʋt, Elishah, micha Tashish, Kittim, micha Totanim ak atok.

⁵ Yakohmi kak osh i̱ yakni Chentail i̱ yakni tashaiyi puta ka̱ ilap aiokla achʋfa im anumpa achʋfa cha, in chuka achʋfa ishtatiaka aiyukalit ita kʋshkoa tok.

⁶ Mikma Ham ushi ʋhleha hʋt Kush, micha Mislaim, micha Fut, micha Kenan ak atok.

⁷ Mikma Kush ushi ʋhleha hʋt Seba, micha Hafilah, micha Sabtah, micha Laamah, micha Sabteka ak atok: mikma Laamah ushi ʋhleha hʋt Sheba micha Tetan ak atok.

⁸ Mihma Kush ʋt Nimlot a̱ tobachi tok: atok o̱ yʋmmak osh hatak palʋmmi tobʋt ishit ma̱ha̱ya tok.

⁹ Chihowah itikba ya̱ hatak owʋtta fehna yosh ahanta tok: yohmi tok mak o̱ hatak owʋtta fehna mak osh Chihowah itikba hikia Nimlot atok mak o̱ chohmi hoke, achi beka tok.

¹⁰ Yohmi ka̱ im apehlichika ishtia ʋmmona kʋt Shina yakni taloha Babel, micha Elek, micha Akkat, micha Kalneh ak atok.

¹¹ Yakni yʋmmak o̱ Asha ʋt kohchʋt ia hosh Ninefeh, micha tʋmaha holihta Lehobolh, micha Kalah ya̱ ikbi cha,

¹² Ninefeh, micha Kalah iti takla ak o̱ Lesen a̱ ai ikbi tok: mih mak osh tʋmaha holihta chito atok.

¹³ Mihma Mislaim ʋt Lutim, micha Anamim, micha Lehabim, micha Naftuhim,

¹⁴ Micha Pahlusim, micha Kasluhim (yʋmmak o̱ Filistim okla hʋt a kohcha tok,) micha Kaftolim aiena ka̱ tobachi tok.

¹⁵ Mikma Kenan ʋt ushi akni fehna Siton, micha Helh,

¹⁶ Micha Chebusait, micha Amolait, micha Kikasait,

¹⁷ Micha Hifait, micha Akait, micha Sinait,

¹⁸ Micha Afatait, micha Semalait, micha Hamahlait aiena ka̱ tobachi tok: atuk o̱ i̱ himmakma Kenanait okla in chuka achʋfa ʋhleha hʋt ita fimimpa tok.

¹⁹ Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.

²⁰ Ilʋppa puta kak osh Ham ushi ʋhleha ilap in chuka achʋfa ishtatiaka aiyukali, anumpa aiachʋfa, okla talohʋt ilap i̱ yakni aiyukali aiasha mak oke.

²¹ Mihma Ebe im ʋlla ʋhleha moma ka̱ i̱ki, akni Chafelh a̱ itibapishi Shem ak kia ʋlla ʋt im aiasha tok.

²² Shem im ʋlla ʋhleha hʋt Elam, micha Asshu, micha Afaksat, micha Lut, micha Alam ak atok.

²³ Mikma Alam im ʋlla ʋhleha hʋt Us, micha Hul, micha Kehle, micha Mash ak atok.

²⁴ Mihma Afaksat ʋt Salah ya̱ tobachi tok: mihma Salah hʋt Ebe ya̱ tobachi tok.

²⁵ Atuk o̱ Ebe ʋt ushi tuklo hosh im ashwa tok: achʋfa kʋt hohchifo kʋt Pelek atok: yʋmma i̱ nitak ak o̱ yakni ʋt itakʋshkoa tok: mikma itibapishi hohchifo kʋt Choktan atok.

²⁶ Mihmʋt Choktan ʋt Almotat, micha Shelef, micha Hasamafelh, micha Chelah,

²⁷ Micha Hatolam, micha Usal, micha Tiklah,

²⁸ Micha Obal, micha Abimael, micha Sheba,

²⁹ Micha Ofa, micha Hafilah, micha Chobab aiena ka̱ tobachi tok: ilʋppa puta kak osh momʋt Choktan a̱ ushi ʋhleha hatok.

³⁰ Mihmʋt abinili kʋt Mesha ak o̱ aiʋhlit ia hosh, hʋshi akochaka nʋnih Sefa ak o̱ ont ai ʋhli tok.

³¹ Ilʋppa puta kak osh Shem ushi ʋhleha ilap in chuka achʋfa ishtatiaka aiyukali, anumpa aiachʋfa okla talohʋt ilap i̱ yakni aiyukali aiasha mak oke.

³² Ilʋppa puta kak osh Noah im ʋlla ʋhleha in chuka achʋfa puta ilap ishtatiaka aiyukali okla taloha mak oke: micha oka falama ʋt a̱ya ha ya̱ ilʋppa puta tok ak o̱ oklushi puta kʋt yakni ya̱ itakʋshkoa tok.