Забур 4 - Делан Йозанаш

ГӀо доьхуш дина доӀа

¹ Эшарш локхучу тобанан куьйгалхочуьнга: Даудан хӀара назма мерз-пондаршца лакха езаш ю.

² Сан дог Хьоьга кхойкхучу хенахь, дӀахазахьа со, сан бакъволу Дела. Хала киртиг тӀехӀоьттича, Ахь гӀо дора суна, хӀинца а хилахьа соьца дика, сан доӀанна жоп лохьа.

³ ХӀай нах! Мел дукха Ӏан дохку шу, Со сийсаз а веш? Эрна хӀуманаш а дезаш, харцдерг а лоьхуш, мел лела дохку шу?

⁴ Хаалаш, Везачу Эло къастийна Шена тешаме берш. Цундела со Шега кхойкхуш хезаш ву Иза.

⁵ Шаьш дарделлачу хенахь къинош ма летадойла аша. Цунах лаьцна кӀоргге ойланаш аша елаш, шайн меттахь дӀатийна шаьш Ӏачу хенахь.

⁶ Везачу Элана лерина нийса сагӀанаш цӀеначу даггара дахалаш, Цунах тешна хилалаш.

⁷ Дукха наха хоьтту: «Хьан гойтур ю вайна дикалла?» Хьан юьхь тӀера серло тхуна лепийла, Веза Эла!

⁸ Сан дог а дузуш, Ахь суна делла ирс церан чул дукха ма ду, кӀа а, чагӀар а церан шортта делахь а.

⁹ Меттахь Ӏуьллучу хенахь паргӀат наб йо ас, Веза Эла. Хьо воцучо цхьаммо а кхерам боцуш ва̄ха ца вуьту со.