Забур 3 - Делан Йозанаш

ГӀо дехарх долу доӀа

¹ Дауда шен кӀантах Абушаламах ша ведда лелла хан дагайоуьйту назма.

² Веза Эла! Ма дебна сан мостагӀий! Дукхахберш суна дуьхьал гӀевттина.

³ Цара сох лаьцна олу: «Делера кӀелхьарвалар хир дац цунна».

⁴ Амма Ахьа, Веза Эла, турсо санна, со ларво. Хьо ду Сан дозалла, Ахь ойу сан сий!

⁵ Ас доггах кхойкху Везачу Эле, Шен безачу лам тӀера Цо жоп ло суна.

⁶ Со вуьжу, наб йо ас, гӀотту со, Везачу Эло со ларвойла а хууш.

⁷ Сайна го бинчу эзарнаш мостагӀех кхералур вац со.

⁸ ГӀаттахьа, Веза Эла! Ваккхахьа со кӀелхьара, сан Дела! Ахь сан мостагӀийн яххьаш йоха ма йо, зуламе гӀуллакхаш дечеран цергаш ма оту.

⁹ Везачу Элера ду кӀелхьардовлар. Хьан халкъана тӀехь хуьлийла Хьан декъалдар.