Забур 22 - Делан Йозанаш

Веза Эла сан Ӏу ву

¹ Даудан назма. Веза Эла сан Ӏу ву. Суна мел оьшуш дерг хир ду сан.

² Цо сийначу бай тӀехь дӀа а вижаво, тийначу хи тӀе а вуьгу со.

³ Сан синна ницкъ а луш, Шен цӀеран дуьхьа со нийсачу новкъа воккху Цо.

⁴ Ӏожаллин ӀиндагӀ долчу тогӀи чухула со дӀагӀахь а, вонах кхоьрур вац со, хӀунда аьлча Хьо соьца ву. Хьан некъан Ӏасано синтем ло суна.

⁵ Сан мостагӀашна а гуш, суна хьалха кхача биллина Ахь. Сан коьртах даьтта хьаькхна Ахь. Сан кад а тӀех буьзна бу.

⁶ Дикалла а, безам а хуьлийла соьца сан дахаран дерриг а деношкахь, тӀаккха Везачу Элан цӀа чохь сайн тӀейогӀу хан чекхйоккхур ю ас.