Забур 150 - Делан Йозанаш

Хастамаш бе Везачу Элана

¹ Хастам бу Везачу Элана! Хастамаш бе Шен дезачу цӀа чохь волчу Далла, хастамаш бе Шен ондачу стигалшкахь волчу Цунна.

² Хастамаш бе Цунна Цуьнан сийлахьчу гӀуллакхийн дуьхьа, хастамаш бе Цунна Цуьнан чӀогӀачу возаллин дуьхьа.

³ Хастамаш бе Цунна турбин озаца, хастамаш бе Цунна тайп-тайпанчу мерз-пондаршца.

⁴ Хастамаш бе Цунна жиргӀанашца а, хелхаршца а, хастамаш бе Цунна дечиг-пондаршца а, шедагашца а.

⁵ Хастамаш бе Цунна шина а куьйгаца тӀедетташ долчу негӀаршца, хастамаш бе Цунна зевнечу цӀастанан негӀаршца.

⁶ Хаставойла Веза Эла садаӀар мел долчу хӀумано. Хастам бу Везачу Элана!