Забур 149 - Делан Йозанаш

Хастам баран йиш

¹ Хастам бу Везачу Элана! Лакха Везачу Элана керла эшар, хастам бу Цунна тешаме болчеран гуламехь.

² Исраилан халкъ шаьш Кхоьллинчух даккхийдеш хуьлийла. Цийонан бахархой шайн Паччахьах баккхийбойла.

³ Хастайойла цара Цуьнан цӀе, хелха а бовлуш, локхийла цара Цунна эшарш, жиргӀанаш а тухуш, дечиг-пондарш тӀехь.

⁴ ХӀунда аьлча Везачу Эло Шен халкъах дезар оьцу. Мискачеран Цо сийдо уьш кӀелхьарбахарца.

⁵ Далла тешаменаш оцу сийлаллех баккхийбойла, шаьш бийшинчохь а уьш баккхийбойла.

⁶ Церан багахь Далла хастамаш хуьлийла, ткъа церан карахь шина а агӀор ира долу тур хуьлийла.

⁷ Кхечу халкъашна бекхам бархьама а, къаьмнашна таӀзар дархьама а хуьлийла иза.

⁸ Иштта церан паччахьаш, гӀоьмеш а тоьхна, набахти чу бохкархьама а, царна уллорачу хьалдолчу нахана буржалш тохархьама а хуьлийла иза.

⁹ Царна хьакъ доллу кхел ярхьама а хуьлийла иза. Цунна тешаме болчу массарна а иза сийлаллина хир ду. Хастам бу Везачу Элана!