Забур 14 - Делан Йозанаш

Далла лууш дерг

¹ Даудан назма. Веза Эла! Хьан хӀусамехь Ӏан хьенан ю бакъо? Хьан безачу лома тӀехь ваха хьенан ю бакъо?

² Иза дан бакъо ю, цӀеначу новкъахула а лелаш, бакъахьараниг а деш, даггара билггал бакъдерг олуш волчун.

³ Иза дан бакъо ю, цхьанна а мотт а ца бетташ, шена тешаме волчунна зуламе дерг а ца деш, шен уллораниг емал а ца веш волчун.

⁴ Иза дан бакъо ю, Везачу Эло дӀатеснарг бӀаьрга ван а ца везаш, амма Везачу Элах кхоьруш болчеран сийдеш волчун. Шена цунах зен хилахь а, ша цунна хьалха чӀагӀо йинехь, шен дашана тӀера волуш воцучун.

⁵ Иза дан бакъо ю, шен дети совдаккхархьама, иза духалург луш воцучун а, бехке воцучух кхаьънаш схьаоьцуш воцучун а. Цу тайпана лелаш верг даима а лаьттар ву.