Доладалар 10 - Делан Йозанаш

Нохьин кӀентийн тӀаьхье

¹ ХӀара ду Нохьин кӀентийн Шимин а, Хьамин а, Япатан а тӀаьхьенах хилларг. Лаьттахь хи тӀедалар хиллачул тӀаьхьа церан иштта тӀаьхье хилира.

² Япатан кӀентий бара: Гомар, МагӀогӀ, Мадай, Яван, Тубал, Машах, Тирас.

³ Гомаран кӀентий бара: Ашкиназ, РипӀат, ТогӀарма.

⁴ Яванан кӀентий бара: Элша, Таршаш, Хитам, Доданам.

⁵ ГӀайренаш тӀехь баха охьахевшинарш массо а Япатан кӀентийн тӀаьхьенах бара. ХӀора кӀентан а шен долахь латта а дара. ХӀора доьзал а алсамболуш, тайп-тайпана къаьмнаш кхолладелира, шен-шен буьйцу мотт а болуш, дӀахӀиттира уьш.

⁶ Хьамин кӀентий бара Хуша, Мисар, ПӀатӀа, КанаӀан.

⁷ Хушин кӀентий бара Себа, Хьавил, СабтӀа, РуӀман, Сабтехьа. РуӀманан кӀентий бара Шеба а, Даддан а.

⁸ Ткъа Хушин вара Намрад цӀе йолуш кӀант, иза чӀогӀа ницкъ болуш кӀант а вара.

⁹ Иза Везачу Элана гергахь воккха таллархо вара, цундела цуьнца дустуш адамашна олуш ду: «Иза, Намрад санна, Везачу Элана гергахь воккха таллархо ву».

¹⁰ Намрад-пачхьалкхана юкъайогӀуш хилла юьхьенца Бавел, Эрахь, Аккад. Уьш ерриш ШанӀар-аренна тӀехь яра.

¹¹ Иштта цу махкара ваьлла Ашур. Цо хӀиттийна Нунав-гӀала а, Рехьабат-гӀала а, Калахь а,

¹² Расан а цӀераш йолу гӀаланаш а. Нунав-гӀалина а, йоккха йолчу Калахь-гӀалина а юккъехь яра Расан-гӀала.

¹³ Мисарх бевлла лудамхой, Ӏанамхой, лахӀабхой, наптухьхой,

¹⁴ патӀрусхой, шех пӀелаштамхой схьабевлла волу каслахӀамхой, каптӀархой.

¹⁵ КанаӀанан кӀентий хӀорш бара: дуьххьарлера доьзалхо волу ЦӀадан, цул тӀаьхьа хилла волу Хьета.

¹⁶ Иштта КанаӀанах схьабевлла: явсайхой, эмархой, гӀиргӀашахой,

¹⁷ хьаьвихой, Ӏаьркхахой, синахой,

¹⁸ арвадихой, цӀемархой, хьаматхой. Цул тӀаьхьа КанаӀанан тӀаьхье дӀасаяьржира.

¹⁹ КанаӀанхойн мохк баьржина бара къилбаседехьа йолчу ЦӀадан-гӀалара дуьйна къилбехьа йолчу ГӀарар-гӀала тӀекхаччалц, ткъа кхузара малхбалехьара Ӏази-гӀалара дуьйна малхбузера Седам а, Ӏамор а гӀаланашна тӀекхаччалц, иштта Удам а, ЦӀабайма а гӀаланашкара дуьйна ЛашаӀ-гӀала тӀекхаччалц.

²⁰ Иштта яра Хьамин тӀаьхье шайн доьзалшца а, буьйцучу меттанашца а, бехачу мехкашца а, къаьмнийн декъадаларца а.

Шимин тӀаьхье

²¹ Шима Япатан воккхаха волу ваша вара. Шимин тӀаьхьенах цхьаъ вара Ӏебар. Иза дерриге а Ӏебархойн тайпа долийнарг вара.

²² Шимин кӀентий бара Ӏейлам, Ашур, Арпахшад, Луда, Арам.

²³ Араман кӀентий ӀуцӀа, Хьула, ГӀетӀар, Маша а бара.

²⁴ Арпахшадан кӀант вара Селахь, ткъа Селахьан кӀант вара Ӏебар.

²⁵ Ӏебаран ши кӀант вара: цхьана кӀентан цӀе ПалагӀ яра, хӀунда аьлча иза вехачу хенахь лаьтта тӀехь адам декъадалар а, дӀасадаржар а хилла. ПалагӀан вешин цӀе Якхтан яра.

²⁶ Якхтанан а хилира кӀентий: Алмадад, ШалапӀ, Хьацармават, Ярахь,

²⁷ ХӀайдарам, Узал, Дикхалла,

²⁸ Ӏобал, Абумаил, Шеба,

²⁹ Апар, Хьавил, Ябаб. Уьш берриш Якхтанан кӀентий бара.

³⁰ Церан Ӏар дара Мешаъ-махкана а, малхбалехь долчу лаьмнашна а юккъехь долчу лаьтта тӀехь. Ткъа Мешаъ-мохк Сепар-мехкан лаьмнашца бозалуш бара.

³¹ Иштта яра Шимин тӀаьхье шайн доьзалшца а, буьйцучу меттанашца а, бехачу мехкашца а, къаьмнийн декъадаларца а.

³² Иштта яра Нохьин кӀентийн доьзалийн тӀаьхье шен тайп-тайпанана къаьмнашна декъадаларца. Царех даьлла массо а лаьтта тӀехь дӀасадаьржина къаьмнаш, Дала дерриге а латта хьулдеш даийтинчу хил тӀаьхьа кхолладелла долу.