LEVI 11 - SAOPOBÜ LAI (BSI)

Shaulabü Meisiau

¹ Bunyubouei Mosa si Aron to laukei,

² Israel shousi shuong to lenshi, kaodaka langkeibü meisiau yoa kanei shaulabü habü ho ki,

³ meisiau yoa ai ong haak pheinyinan ki, hoba youjishou paangnyinan ki hoba shat nyaingaida kho kanei shaula thükkei.

⁴ Kheiyingasikei shatnyaibü hoba haak pheinyinbü yoa habü ho kanei ashaujan, ut, aieilausi hoei shat nyaida lausikei haak apheinyinkei, ho kan shanga asaopobü ki.

⁵ Sanshou, khei hoei shat nyaida lausikei haak ayembei ho kan shanga asaopobü.

⁶ Hobaje langyuk, khei hoei shat shauda lausikei haak ayembei, ho kan shanga asaopobü.

⁷ Hobaje uk, khei ho haak pheinyinbü lausikei shat anyaida, ho kan shanga asaopobü.

⁸ Khübüeibü phe kanei ashaujan, hoba khübü haibü manga kanei temeiti; khübü kho kan shanga asaopobü.

⁹ Deia kibü pendou yoa habü ho kanei shaula thükkei; deia yungnyua, hoba shumanga ai ong kaak hoba kou yeman ki, khübü kho kanei shaula thükkei.

¹⁰ Lausikei yungnyua, shumanga, hoba deia pongyobü pendou hoba deia lang kibü pendou, kaak ayembü hoba kou üangbü pendou kan junga mangsenlabü ki.

¹¹ Hobaje khübü kho kan thedanga jemtenlabü kilabü, kanei khübü phe ashaujan, hoba khübü haibü mang kan thedanga mangsenlabü kilabü haang.

¹² Deia kibü ainei kaak si kou aki kho kan shanga shalabü ki.

¹³ Au yoa kanei habü ho mangsenjan, habü ho ashaujan, khübü kho mangsenlabü; wekekshou, aulu, hoba ngao shaubü aulu.

¹⁴ Aulu hamshang, lolenshang, den lulua;

¹⁵ aukhomakmak phang weko,

¹⁶ hoba ostrik, ukhoungba, tüngtüngbangbang,

¹⁷ hoba ukhoungba hanbou, Kormorant au, hoba ukhoungba yaangbou.

¹⁸ Molo phadak, ngau shaubü pelikan au, hoba hogon;

¹⁹ hoba stork au, heron au, phang lulu, mühghaüaunak, hoba pak.

²⁰ Kaak yembü pendou you lei pendouei paialonga kan junga kho mangsenlabü ki.

²¹ Kheiyingsikei kaakyeman you lei pendouei paibü laobouei kaoa tomjung haula nakshang you thüka tokei you nyi yeman ki kanei shaula thükkei.

²² Khübü yoka kanei habü ho shaula thükkei; koksüng phang den lulu.

²³ Lausikei kaak yeman paibü laobou you lei yembei khübü kan thedanga mangsenlabü ki.

²⁴ Khübü khoei kan lulu asaopoko aplabü; aoyouei khübü haibü mang to meitilaje nangnak sühko asaopoko aplabü.

²⁵ Ao- youei khübü haibü sungan junglaje haoeibü neisimei sakjan, hoba nangnakko asaopoko kilabü.

²⁶ Meisiau laobou haak pheinyinan ki lausikei maisho aphein- yinko ki, ayingsi shat ashauda, kho kan shanga asaopobü ki; müt weko aoyouei khübü to meitilaje asaopoko kilabü;

²⁷ hoba you leiei paibü meisiau yoa laobouei ong youmaangei paida, kan shanga khübü kho asaopobú ki; aoei khübü haibü manga meitilaje nangnakko hao asaopoko kilabü.

²⁸ Hobaje aoyouei khübü haibü mang hean khünda jembü neisimei sakjan, hoba nangnakko asaopoko kilabü, kan thedanga khübü kho asaopobü ki.

²⁹ Hobaje kaoa nongeiko paibü yoa kan shanga asaopobü habü ho ki; kongi, hoba yepuk hoba jisang haoen den lulu,

³⁰ chemsou, tangkabü jisang, auteikokbou, litnyusalimong, khapthung.

³¹ Hong- yobü yoa habü ho kan shanga asaopobü ki, aoyouei khübü haibü to meitilaje nangnakko asaopoko kilabü.

³² Hobaje habü haibü mangei aito ong meioulaje kho asaopoko aplabü, bu kümbü to yingsikei, ayingsi neito meito yingsikei, ayingsi nyungkai to yingsikei ai ong denche kümsilei shanga jungeida kho deia jinjan hoba kho nangnakko asaopoko kilabü, kho phaia ong hinseilabü.

³³ Hobaje khübü ka laobou thamchak to che ongkei atlaje khünei ai ong kilaje asaopoko kilabü hoba kanei kho phetnyinjan.

³⁴ Khünei kibü shausiyung pendou laobou ka dei louda, asaopoko yeilabü, hoba yunglabü pendou laobou chak ka yungda kho asaopoko kilabü.

³⁵ Hobaje ajanjan pendoua haibü mang takübü cheei ongkei meioua longa asao- poko kilabü, wentek kaangbü yingasikei, ayingsi chak yingsikei netla yeiko jangnyinjan, khübü kho asaopobü hoba kan shanga asaopobü kilabü.

³⁶ Khei yingasikei dei khuan phobü ayingsi deithung ainei dei khuan phokei kho saopobü kilabü; lausikei aoei khübü haibü manga meitilaje asaopoko aplabü.

³⁷ Khübü haibü mang ka che lilabü thüka atousi kho asaopoko ki.

³⁸ Lausikei lilabü thüka dei saangan kiteia longa hoba khübü haibü mang at kho thüka atoua longa kho kan shanga asaopobü kilabü.

³⁹ Hobaje kanei shaubü meisiau at haisi aoei haibü mang to meitilaje hao nangnakko asao- poko kilabü.

⁴⁰ Aoyouei haibü mang kho shaulaje haoei jembü neisimei sakjan, hoba nangnakko asaopoko kilabü, tokei aoei haibü mang kho künlaje haoei jembü neisimei sakjan, hoba chasem sühko asaopoko kilabü.

⁴¹ Kaoa shoongaibü meisiau hanbü pendou mangsenlabü ki, kho ashaujan.

⁴² Ai ong shimungei kaoa satko paida hoba ai ong you leiei paida ayingsi ai ong you juong yembei khübü kho kanei ashaujan, aieilausi haoen mangsenlabü ki.

⁴³ Kan jembü lolo shoongyo shanyoko paibü meisiau aieikei mangsenlabü teyei ayingsi khübü khoei kan ashalabü lele kan lolo asaopoko teyei.

⁴⁴ Aishanga ngo kaneibü Bunyubou Mühghaü; kan lolo saüenan sao- poko kishi, aieilausi ngo saopobü. Kao thea shoongyo nuyoko kibü meisiau aieikei kan ashatijan.

⁴⁵ Aieilausi kaneibü Mühghaü yingla Ijep kaodak ka leiyenbou ngo Bunyubou, hibü kan saopotham kishi, aieilausi ngo saopobü.

⁴⁶ Meisiau hoba ausiyuk hoba deia nuyobü langkibü meisiau pendou shanga ngühkhüm ho ki.

⁴⁷ Hinseibü si ihinseibü hoba shaulabü si ashaulabü meisiau ham kanglanga lulu yeitikuda.