Génesis 10 - Tsimane

Noétyiꞌ vóshiꞌ in

¹ Ọij sánacdyeꞌ p̂eyacsebiꞌ tịj muꞌin vóshiꞌ in Semtyiꞌ muꞌ judyeyaꞌ Camtyiꞌ muꞌ judyeyaꞌ Jafetytyiꞌ muꞌ chimeꞌ, muꞌin nash Noétyiꞌ ạvaꞌ muꞌ. Aty jiyiꞌyaꞌ mọꞌ bänedyeꞌ chat muꞌin qui ạvaꞌyeban in.

² Uts nash Jafetytyiꞌ ạvaꞌ muꞌin: Gomer, Magog, Madai, Javán, Tubal, Mesec judyeyaꞌ Tiras, meꞌ meꞌ tịj muꞌin.

³ Uts nash Gomertyiꞌ ạvaꞌ muꞌ: Askenaz, Rifat, judyeyaꞌ Togarma, meꞌ meꞌ tịj muꞌin.

⁴ Uts nash Javántyiꞌ ạvaꞌ muꞌ: Elisa, Tarsis, Quitim, judyeyaꞌ Rodanim, meꞌ meꞌ tịj muꞌin.

⁵ Muꞌin na vóshiꞌ Jafetytyiꞌ muꞌ paiꞌ paiꞌ bäꞌyi in, sinve mar in ĉụiꞌsiꞌĉaĉan jac bäꞌyi in, judyeyaꞌ ĉụiꞌsiꞌĉaĉan p̂eyacdyeꞌ p̂eyaqui in.

⁶ Uts nash Camtyiꞌ ạvaꞌ muꞌ: Cus, Mizraim, Fut judyeyaꞌ Canaán, meꞌ meꞌ tịj muꞌin.

⁷ Uts nash Custyiꞌ ạvaꞌ muꞌ: Seba, Havila, Sabta, Raama judyeyaꞌ Sabteca, meꞌ meꞌ tịj muꞌin. Uts nash Raamatyiꞌ ạvaꞌ muꞌ: Seba judyeyaꞌ Dedán.

Muꞌ Nimrod

⁸ Cus ạvaꞌyi muꞌ Nimrod. Muꞌ Nimrod mujuꞌchaty ayoꞌ shupqui úcheꞌ jaccheꞌ.

⁹ Ayoꞌ yi paj qui ferdyeꞌtumtyiꞌ däräijtyiꞌ muꞌ Nimrod. Mọꞌdyes tiyacchutiꞌ muntyis p̂eyacdyeꞌ in, jéte in tyi chuc chịj däräijtyiꞌ: "Ayoꞌ yi paj qui chịj däräijtyiꞌ shupqui, jeñej Nimrod jiquej", jéte muntyiꞌ in.

¹⁰ Tashcheꞌ muꞌ vạjpedyeꞌ bäꞌyedyeꞌ ayoꞌbuꞌyi, Sinarĉansiꞌ bäꞌyedyeꞌ, tịj mọꞌin: Babel, Erec, Acad judyeyaꞌ Calne.

¹¹ Muꞌĉantyiꞌ shupqui Asur, muꞌ jämꞌtyeꞌ vạjpedyeꞌ bäꞌyedyeꞌ in, tịj mọꞌin: Nínive, Rehobot-ir, Cala

¹² judyeyaꞌ därsiꞌ bäꞌyedyeꞌ Resén. Mọꞌ Resén chidyiꞌĉanyaꞌ Nínive judyeyaꞌ Cala.

Yoctyiꞌ vóshiꞌ Noétyiꞌ muꞌ

¹³ Uts nash Mizraimtyiꞌ vóshiꞌ muꞌ: muꞌin ludeo in judyeyaꞌ anameo in, lehabita in, naftuhita in,

¹⁴ patruseo in, caslunita in judyeyaꞌ caftorita in, meꞌ meꞌ in. Caftor jiquej vóshiꞌ nash muꞌin filisteoty in.

¹⁵ Muꞌ Canaán ạvaꞌyi muꞌ Sidón tashchety ạvaꞌ muꞌ, judyeyaꞌ Het chimeꞌ.

¹⁶ Uts nash Canaántyiꞌ vóshiꞌ muꞌ: Muꞌin jebuseo in, amorreo in, gergeseo in,

¹⁷ heveo in, araceo in, sineo in

¹⁸ arvadeo in, zemareo in, judyeyaꞌ hamateo in, meꞌ meꞌ in. Jäquiꞌve Canaántyiꞌ vóshiꞌ in jiꞌpaiꞌcati in, moch buꞌban in.

¹⁹ Därsiꞌ jac shupquiꞌ muꞌin, Sidónyaꞌ tiyacchutiꞌ jätisve tyeiꞌ chaꞌsheꞌ mọꞌ jac Gerar, c̣hẹiꞌyaꞌ mọꞌ bäꞌyedyeꞌ Gaza, judyeyaꞌ chimeꞌ pamꞌve tyeiꞌ mọꞌ jac chaꞌsheꞌ mọꞌ bäꞌyedyeꞌ Sodoma, judyeyaꞌ Gomorra, judyeyaꞌ Admah judyeyaꞌ Zeboim, c̣hẹiꞌyaꞌ mọꞌ bäꞌyedyeꞌ Lasa, meꞌquiꞌ buꞌyiꞌ muꞌinsiꞌ jac muꞌin Canaántyiꞌ vóshiꞌ muꞌ.

²⁰ Räj uts Camtyiꞌ vóshiꞌ muꞌ, muꞌin ĉụiꞌsiꞌĉaĉan jac bäꞌyi in judyeyaꞌ ĉụiꞌsiꞌĉaĉan p̂eyacdyeꞌ p̂eyaqui in.

Semtyiꞌ vóshiꞌ muꞌ

²¹ Sem chimeꞌ ạvaꞌyi, muꞌ nash tashchety vojity muꞌ Jafetytyiꞌ. Muꞌ Heber räjtumdye ạvaꞌ muꞌ muꞌin Semtyiꞌ vóshiꞌ muꞌ.

²² Semtyiꞌ ạvaꞌ muꞌ: Elam, Asur, Arfaxad, Lud, judyeyaꞌ Aram, meꞌ meꞌ tịj muꞌin.

²³ Aramtyiꞌ ạvaꞌ muꞌ: Uz, Hul, Geter judyeyaꞌ Mas, meꞌ meꞌ tịj muꞌin.

²⁴ Arfaxadtyiꞌ ạvaꞌ muꞌ: Sala, judyeyaꞌ muꞌ Salaty ạvaꞌ muꞌ: Heber.

²⁵ Muꞌ Heber päräꞌ ạvaꞌ muꞌ, yoctyiꞌ Peleg tịj muꞌ ĉaĉaij na aty meꞌsiꞌ pạrejti in jacchety muntyiꞌ in. Yoctyiꞌ Hebertyiꞌ ạvaꞌ muꞌ tịj muꞌ Joctán.

²⁶ Uts nash Joctántyiꞌ vóshiꞌ muꞌ: Almodad, Selef, Hazar-mavet, Jera,

²⁷ Adoram, Uzal, Dicla,

²⁸ Obal, Abimael, Seba,

²⁹ Ofir, Havila judyeyaꞌ Jobab, meꞌ meꞌ in muty vóshiꞌ Joctántyiꞌ.

³⁰ Därsiꞌ muꞌinsiꞌ jac in, Mesayaꞌ tiyacchutiꞌ mọꞌ jac chipamꞌvedye tyeiꞌ mọꞌ, chaꞌsheꞌ mọꞌ jac Sefar, pamꞌvety mụcuꞌ mọꞌcheꞌ jac mọꞌ Sefar.

³¹ Räj Semtyiꞌ vóshiꞌ muꞌ, ĉụiꞌsiꞌĉaĉan jac bäꞌyi in judyeyaꞌ ĉụiꞌsiꞌĉaĉan p̂eyacdyeꞌ p̂eyaqui in.

³² Meꞌ meꞌ in Noétyiꞌ vóshiꞌ muꞌ, ĉụiꞌtyiꞌtutum chätidyeꞌ sánac tịj muꞌin judyeyaꞌ ĉụiꞌsiꞌĉaĉan jac bäꞌyi in. Aty jiyiꞌ bänedyeꞌ, chat qui ĉụiꞌ mọmoꞌ paiꞌ buꞌban jaccheꞌ in, ĉụiꞌsiꞌĉaĉan jac bäꞌyi in.