تئطوسا 3 - کتاب مقدس به زبان آذربایجانی جنوبی - گویشیتارییا لایئق بئر حیات 1 اولارا خاطیرلا کی، ریئسلر و قودرت صاحئبلرئنه موطئع اولسونلار، ائطاعت الهسئنلر و هر جور یاخشی ائش اوچون حاضیر اولسونلار. 2 هچ کئمه ائفتئرا آتماسینلار، داعواچی اولماسینلار، حلئم اولوب بوتون ائنسانلار قاباغیندا تواضؤعکار اولسونلار. 3 چونکی بئز ده بئر زامان آنلاماز، ائطاعتسئز، آلدانمیش، جوربهجور شهوتلر و عیشلره اسئر ائدئک و حیاتیمیزی خباثت، پاخیلّیق و نئفرتده کچئردئب، بئربئرئمئزدن نئفرت اله یئردئک. 4 آمّا او زامان کی، نئجات ورنئمئز تارینین مهرئبانلیغی و اونون ائنسانلارا اولان محبّتی ظاهئر اولدی، 5 او بئزی صالحلئکده الهدئیئمئز عمللرئن اساسینا یوخ، بلکی اؤز مرحمتئنه گؤره تزه خئلقتئن یوماغی و موقدّس روحون تزه الهدئیی ائنن نئجات وردی؛ 6 او روحی، نئجات ورنئمئز عئسا مسئحئن واسئطهسی ائنن بئزئم اوستوموزه بول-بول تؤکدی 7 اله کی، اونون فیضی ائنن صالح ساییلیب، ابدی حیاتینین اومئدئنه گؤره وارئث اولاق. 8 بو سؤز، اعتئمادا لایئقدئر؛ و بو شیلرئن حاقّیندا سندن ائستهیئرم کی، یقئنلئک ائنن دانیشاسان، اِله کی، تارییا ائنانانلار یاخشی ائشلره مشغول اولسونلار. بو ائشلر ائنسانلار اوچون یاخشی و فایدالیدیر. 9 آمّا عاغیلسیز جرّی-بحثلردن، نسئلنامهلردن، داعوادان و شرئعت اوستونده اولان بحثلردن اؤزونی اوزاق ساخلا، چونکی فایداسیز و دَیَرسئزدئر. 10 فئرقه یارادان آدامی بئرئنجی و ائکئنجی ائخطاردان سورا ردّ اله. 11 بئلئرسن کی، بله آدام یولونی آزیب و اؤزی-اؤزونی محکوم الهیئب، گوناه الهیئر. آخیرکی نصئحتلر 12 آرتئماس یا دا تئخئکوسی سنئن یانینا گؤندَردئیئمده اللش کی، نئکوپولئس شهرئنه منئم یانیما گلهسن، چونکی قیشی اوردا کچئرتمهیه قرار ورمئشم. 13 دئقّت اله کی، وکئل زئناس و آپّولوس یولا چیخاندا هچ بئر شیلری اَسکئک اولماسین. 14 قوی بئزئمکئلر ده اؤیرنسئنلر کی، ضروری احتئیاجلاری رفع الهمک اوچون یاخشی ائشلره مشغول اولسونلار کی، ثمرهسئز اولماسینلار. 15 من ائنن اولانلارین هامیسی سنه سالام گؤندَرئر. بئزی ائماندا سِوَنلره سالام یتئر. فیض سئزئن هامیز ائنان اولسون. |
@ 2024 Korpu Company