وحی 2 - کتاب مقدس به زبان آذربایجانی جنوبی - گویشیاِفِسوسداکی کئلئسایا 1 21افسوسداکی کئلئسانین ملهیئنه یاز: «یدّی اولدوزی صاغ الئنده توتان، یدّی قیزیل چیراقدان آراسیندا یرئیَن بله دیئر: 2 سنئن ائشلهرئندن، سنئن زحمتئندن و سنئن تحمّول الهین صبرئندن خبرئم وار. بئلئرم کی، شرور آداملارا تاب گتئره بئلمئرسن و حواری اولمادیقلاری حالدا، اؤزلرئنی حواری چاغیرانلاری ائمتاحان الهدئن و اولارین یالانچی اولدوغونی بئلدئن. 3 بئلئرم کی تحمّولون وار و آدیمین خاطئری اوچون تاب گتئرئبسن و یورولماییبسان. 4 آمّا سنده بو ائرادی گؤرورم کی، باشلانیشداکی محبّتئندن اوزاقلاشیبسان. 5 بونا گؤره هاردان دوشدویونی خاطیرلا، تؤوبه اله و اوّلده الهدئکلرئنه عمل اله؛ اگر تؤوبه اله مئیهسن، سنئن یانینا گلئب، چیراقدانینی یرئندن گؤتورهرم. 6 آمّا گئنه سن ده بو دا وار کی، نئکولاچیلارین عمللرئندن نئفرت الهیئرسن کی، من ده نئفرت الهیئرم. 7 «قولاغی اولان، قوی اشئتسئن کی، موقدّس روح کئلئسالارا نه دیئر. قالئب گلنه بونی عطا الئیهجهیم کی، تارینین جنّتئنده اولان حیات آغاجیندان یسئن. اسمئرناداکی کئلئسایا 8 «اسمئرنادا اولان کئلئسانین ملهیئنه یاز: «بئرئنجی و آخیرینجی اولان، اؤلوب و تزهدن دئرئلن بله دیئر: 9 سنئن چکدئیئن عذاب و یوخسوللوغوندان خبرئم وار. آمّا سن دؤولتلیسن! یهودی اولدوقلارینی ائدّئعا الهینلرئن کوفروندن ده خبرئم وار کی، اولار یهودی دیئللر، بلکی شیطانین بئر عئبادتگاهیدیرلار. 10 چکهجهیئن عذابلاردان قورخما. باخ، ائبلئس عنقرئب سئزلردن بعضئلرئنی زئندانا آتاجاق، اِله کی، سئز ائمتاحانا دوشهسئز و اون گون عذاب آلتیندا اولاسیز. آمّا اؤلومهجک وفالی قالین و من سئزه حیات تاجینی ورهرم. 11 «قولاغی اولان، قوی اشئتسئن کی، موقدّس روح کئلئسالارا نه دیئر. قالئب گلن ائکئنجی اؤلومدن هچ ضرر گؤرمهیهجک. پِرقامومداکی کئلئسایا 12 «پِرقامومداکی کئلئسانین ملهیئنه یاز: «ائکی آغیزلی ائتی قیلینجی اولان بله دیئر: 13 ساکئن اولدوغون یردن خبرئم وار، شیطانین تختئنئن اوردا اولدوغی یرده. بونونان بله، منئم آدیمی برک ساخلادین و آرازدا، شیطانین ساکئن اولدوغی یرده، اؤلدورولن وفالی شاهئدئم آنتئپاسین گونلرئنده بله منه اولان ائمانی ائنکار الهمهدئن. 14 «آمّا سنده بئر نچه ائراد گؤرورم، چونکی سنئن یانیندا بعضئلر وار کی، بلعامین تعلئمئنی توتوبلار. او، بالاغا اؤیرتدی کی، ائسرایئل اوغوللارینین قاباغینا بئر بودرهمه داشی قویسون کی، بوتلره تقدئم اولونان شیلردن یسئنلر و عئفّتسئز عمللرالهسئنلر. 15 یانیندا بعضئلر ده وار کی، همن شکئلده نئکولاچیلارین تعلئمئنی توتوبلار. 16 بونا گؤره، تؤوبه اله، یوخسا سنئن یانینا تزلئک ائنن گلئب، آغزیمین قیلینجی ائنن اولار ائنان جنگ الئیهجهیم. 17 «قولاغی اولان، قوی اشئتسئن کی، موقدّس روح کئلئسالارا نه دیئر. قالئب گلنه، من گئزلی ساخلانان مانّادان ورهجهیم. اونا آغ بئر داش و اونون اوستونده یازیلمیش تزه بئر آد دا ورهجهیم کی، اونی آلان آدامدان باشقا هچ کس اونی بئلمئر. تئیاتئراداکی کئلئسایا 18 «تئیاتئراداکی کئلئسانین ملهیئنه یاز: «تارینین اوغلی، گؤزلری اود آلووی کئمی اولان، آیاقلاری دا پاریلدایان بورونجه بنزهین بله دیئر: 19 سنئن عمللرئندن، محبّتئندن، ائمانیندان، خئدمتئندن و تحمّولوندن خبرئم وار و بوندان دا کی، آخیرکی عمللرئن اوّلکی عمللرئندن داها آرتیق دیر. 20 آمّا سنده بئر ائراد گؤرورم کی، سن اؤزونی نبئیه چاغیران او ائزِبِل آروادی، تحمّول الهیئرسن و او تعلئم ورئب، اؤزلرئنی منئم قوللوغوما ورنلری یولدان آزدیریر، اِله کی، اولار عئفّتسئز عمللر الهیئب بوتلره تقدئم اولونموش شیلری ییئرلر. 21 اونا مؤهلت وردئم کی، تؤوبه الهسئن، آمّا اؤز عئفّتسئزلئیئندن تؤوبه اله مهیی ائستهمئر. 22 باخ، من اونی ناخوشلوق دؤشهیئنه آتاجاغام، اونونان زئنا الهینلری ده بؤیوک بئر عذابا سالاجاغام، مگر اونون عمللرئندن تؤوبه الئیهلر. 23 اونون اؤولادلارینی وبا ائنن اؤلدورهجهیم و بوتون کئلئسالار بئلهجکلر کی، فئکئرلری و اورَکلری آراشدیران منم و سئزلردن هر بئرئزه عمللرئزه گؤره عوض ورهجهیم. 24 آمّا سئزه، تئیاتئرادا اولان قالانلارا کی، بو تعلئمی توتمورلار و شیطانین درئن شیلرئنی بئلمهیئبلر، نجه کی، دیئرلر، سئزه داها بئر یوک قویمورام. 25 آنجاق من گلنه کئمی، نهیئن وار دیر، برک توت. 26 « قالئب گلنه، منئم عمللرئمی آخیراجاق ساخلایانا عطا الئیهجهیم کی، مئلّتلر اوستونه حاکئمئیّتی اولسون. 27 « و او، کوزهگرئن قابلاری قیریلیب تئکه-تئکه اولان کئمی، اولارا دمئر عصا ائنن حؤکمرانلیق الئیهجک، نجه کی، من اؤزوم ده حاکئمئیّتی آتامدان آلمیشام. 28 و اونا سحر اولدوزونی ورهجهیم. 29 قولاغی اولان، قوی اشئتسئن کی، موقدّس روح کئلئسالارا نه دیئر.“ |
@ 2024 Korpu Company