۲تئموتاعوسا 4 - کتاب مقدس به زبان آذربایجانی جنوبی - گویشی1 تاری و مسئح عئسانین حوضوروندا کی، اؤلولر و دئرئلری موحاکئمه اِلئیهجک، سنی اونون ظوهور و پادشاهلیغینا آند ورئرم: 2 کلامی اعلان اله، واخت-بِواخت حاضیر اول، بؤیوک صبر و نصئحت ائنن ائصلاح اله، توبئخ اله، تشوئق اله. 3 چونکی اِله بئر زامان گلهجک کی، اولار آرتیق صحئح تعلئمه دؤزمهیهجکلر؛ آمّا قولاقلاری قاشینان حالدا، اؤز هوسلرئنه موطابئق موعلّئملر ییغاجاقلار 4 و قولاقلارینی حقئقتدن دؤندَرئب، افسانهلره اوز گتئرهجکلر. 5 آمّا سن هر شیده آییق اول؛ چتئنلئیه دؤز، بئر موبشّئرئن ائشئنی گؤر و خئدمتئنی یرئنه یتئر. 6 چونکی من آرتیق ائچمه تقدئمه سی کئمی تؤکولموشم و منئم رحلت زامانیم یتئشئب. 7 یاخشی ساواشی ساواشمیشام، دؤوری آخیرینا یتئرمئشم، ائمانی حئفظ الهمئشم. 8 گلن گونلرده منئم اوچون صالحلئک تاجی حاضیرلانیب کی، رب، او صالح داور او گونده اونی منه جایئزه ورهجک؛ آنجاق تک منه یوخ، بلکی اونون ظوهورونی سِوَن هامییا. شخصی سئفارئشلر 9 اَللش کی، منئم یانیما تز گلهسن. 10 چونکی دئماس بو حاضیر دونیانین سوگئسی اوچون منی ترک الهیئب و تسالونئک شهرئنه گدئب؛ کرئسکئس قالاتئیا منطقه سئنه، تئطوس دا دالماتئیا منطقهسئه گدئب. 11 بئر تک لوقا یانیمدادیر. مرقوسی گؤتور و اؤزون ائنن گتئر، چونکی منه خئدمت اوچون فایدالیدیر. 12 تئخئکوسی اِفِسوسا گؤندَرمئشم. 13 گلنده تروآسدا کرپوسون یانیندا قویدوغوم ردانی، کئتابلاری، خوصوصَن ده طومارلاری گتئر. 14 مئسگر ائسکندر منه چوخ پئسلئک الهدی؛ رب اونا عمللرئنه گؤره عوض ورهجک. 15 شخصن اوندان موواظئب اول، چونکی بئزئم تعلئمه شئدّت ائنن ضئدّ دوردی. 16 بئرئنجی دئفاعیمدا هچ کس منئم آرخامدا دورمادی؛ هامی منی ترک الهدی. اولماسین کی، بو اولارین آیاقینا یازیلسین. 17 آمّا رب من ائنن دوروب، منه قووّت وردی، اِله کی، منئم واسئطم ائنن ائنجئلئن اعلانی کامئل بئر شکئلده یرئنه یتئشسئن و بوتون قیرییهودئلر اونی اشئتسئنلر و من آصلانین آغزیندان قورتولدوم. 18 رب منی هر پئس عملدن قورتاریب، امن-آمانلیقدا اؤز گؤیدهکی پادشاهلیغینا گتئرهجک. اونا ازلدن ابدهجک شؤوکت اولسون. آمئن! آخیرکی سالاملار 19 پرئسکا و اکئلایا و اونسئفوروسون اِو اهلئنه سالام یتئر. 20 اِراستوس قورئنتده قالدی، آمّا تروفئموسی مئلئتوسدا ناخوش بوراخدیم. 21 اللش کی، قیشدان قاباق گلهسن. یوبولوس سنه سالام گؤندَرئر، هم ده پودِنس، لئنوس، کلودئیا و بوتون قارداشلار. 22 رب سنئن روحون ائنان اولسون. فیض سئز ائنن اولسون. |
@ 2024 Korpu Company