۱تسالونئکلیلره 5 - کتاب مقدس به زبان آذربایجانی جنوبی - گویشیربّئن گونی 1 زامانلار و واختلار حاقّیندا، قارداشلار، احتئیاجیز یوخدور کی، هچ بئر شی سئزه یازیلسین. 2 چونکی سئز اؤزوز یاخشی بئلئرسئز کی، ربّئن گونی گجه گلن اوغری کئمی گلهجک. 3 آداملار «سالاماتلیق وار، امن-آمانلیق وار» دئین واخت، هلاکت بئردن اولارین اوستونه گلهجک، نجه کی، دوغماق آغریسی بویلی بئر آروادی توتور. و قاچا بئلمهیهجکلر. 4 آمّا سئز، قارداشلار، قارانلیقدا دیئلسئز کی، او گون سئزی اوغری کئمی یاخالاسین. 5 چونکی سئز هامیز ائشیغین اوغوللاری و گوندوزون اوغوللاریسیز. بئز نه گجهدن ائک، نه ده قارانلیقدان. 6 بونا گؤره اؤزگهلر کئمی یاتمایاق، گلئن اویاق و آییق قالاق. 7 چونکی یاتانلار گجه یاتیرلار، کفلهنَنلر ده گجه کفلهنئرلر. 8 آمّا بئز، گوندوزونکی اولدوغوموزا گؤره، گلئن آییق قالاق، ائمان و محبّت زئرِهئنی گِیک، باشیمیزا دا نئجات اومئدئنی دَبئلقه کئمی قویاق. 9 چونکی تاری بئزی قضب اوچون یوخ، بلکی ربّئمئز عئسا مسئحئن واسئطهسی ائنن نئجاتا نایئل اولماق اوچون تعیئن الهیئب. 10 او کی، بئزئم اوچون اؤلدی کی، ائستر اویاق اولاق، ائستر یاتمیش، اونونان بئرلئکده یاشایاق. 11 بونا گؤره ده بئربئرئزی تشوئق الهیئب، بئربئرئزی بئنا اِله یئن، نجه کی، ائندی ده الهیئرسئز. آخیر سؤزلر و سالاملار 12 آمّا، قارداشلار، سئزدن خاهئش الهیئرئک کی، آرازدا زحمت چکنلره و ربده سئزه باشچی اولانلارا و سئزه نصئحت الهینلره حؤرمت اِله یئن. 13 و ائشلری اوچون اولارا محبّتده چوخ بؤیوک احتئرام گؤرسهدئن. بئربئرئز ائنن صولح و سالاماتلیق ائچئنده یاشایین. 14 قارداشلار، سئزه یالواریریق کی، ائنظئباطسیز اولانلارا نصئحت اِله یئن، جورعتسئزلری تشوئق اِله یئن، ضعئفلره کؤمک الهیئن، هامییا نئسبت صبئرلی اولون. 15 دئقّتلی اولون کی، هچ کئم یامانلیق عوضئنه یامانلیق اله مهسئن، آمّا همئشه بئربئرئزئن و بوتون ائنسانلارین یاخشیلیغینی آختارین. 16 همئشه سوئنئن؛ 17 دائم دوعا الهیئن؛ 18 هر شی اوچون شوکور اِله یئن، چونکی بو، مسئح عئسادا اولان سئزلر اوچون تارینین ائرادهسیدئر. 19 روحی سؤندورمهیئن؛ 20 نبئلئک سؤزلرئنه حقارت ائنن باخمایین، 21 هر شیی ائمتاحانا چکئن؛ یاخشی اولانی برک توتون. 22 هر جور شردن اوزاق دورون. 23 صولح و سالاماتلیق تاریسی، اؤزی سئزی تامامن تقدئس الهسئن و ربّئمئز عئسا مسئحئن گلئشئنده روحوز، جانیز، و بدنئز تقصئرسئز حئفظ اولونسون. 24 سئزی دعوت الهین وفالیدیر و بونی دا اِلئیهجک. 25 قارداشلار، بئزئم اوچون دوعا الهیئن. 26 بوتون قارداشلاری موقدّس اؤپوش ائنن سالاملایین. 27 سئزی ربّه آند ورئرم کی، بو نامه نی بوتون قارداشلارا اوخویاسیز. 28 ربّئمئز عئسا مسئحئن فیضی سئز ائنن اولسون. |
@ 2024 Korpu Company