۱یوحنّا 1 - کتاب مقدس به زبان آذربایجانی جنوبی - گویشیحیات سؤزی 1 حیات سؤزی حاقّیندا سئزه اعلان الهیئرئک؛ ازلدن بری وار اولانین حاقّیندا، اونی اشئتدئیئمئز، گؤزلرئمئز ائنن گؤردویوموز، باخدیغیمیز و اَللرئمئز ائنن حئسّ الهدئیئمئز حاقّیندا. 2 حیات ظاهئر اولوندی. بئز اونی گؤردوک و اونا شهادت ورئرئک. سئزه ابدی حیاتی اعلان الهیئرئک کی، آتا ائنن بئرلئکده ائدی و بئزه ظاهئر اولوندی. 3 بئز سئزه گؤردویوموز و اشئتدئیئمئزی اعلان الهیئرئک کی، سئزئن ده بئز ائنن رفاقتئز اولسون؛ و بئزئم رفاقتئمئز آتا و اونون اوغلی عئسا مسئح ائنن دئر. 4 بولاری سئزه یازیریق کی، شادلیغیمیز کامئل اولسون. نوردا یاشایین 5 مسئحدن اشئتدئیئمئز و سئزه اعلان الهدئیئمئز خبر بودور کی، تاری نوردور و اوندا قارانلیق اصلا یوخدور. 6 اگر دیئرئک کی، «اونونان رفاقتئمئز وار»، حال بو کی، قارانلیقدا گزئرئک، یالان دانیشیریق و حقئقته عمل اله مئرئک. 7 آمّا اگر اونون نوردا اولدوغی کئمی، بئز ده نوردا گزئرئک، اوندا بئربئرئمئز ائنن رفاقتئمئز وار و اونون اوغلی عئسا مسئحئن قانی بئزی هر گوناهدان تمئزلهیئر. 8 اگر گوناهسیز اولدوغوموزی ائدّئعا الهیئرئک، اؤزوموزی آلدادیریق و بئزده دوغرولوق یوخدور. 9 اگر گوناهلاریمیزا اعتئراف الهیک، او وفالی و عادئل دئر، اله کی بئزئم گوناهلاریمیزی بئزه باغیشلاسین و بئزی هر پئسلئکدن تمئزلهسئن. 10 اگر دئیک کی، گوناه اله مه مئشئک، اونی یالانچی گؤرسدئرئک و اونون سؤزی بئزده یوخدور. |
@ 2024 Korpu Company