Tuima 17 - WEN GBAŊKA

¹ Pɔɔl ale Silas yaa ŋman va Amfipolise ale Apoloniya tɛŋsaŋa po a taam cheŋ Tesalonika tɛŋka. Juuma tuka yeri dinyi ale jam bo dula.

² Pɔɔl yaa ga jo ase wa nyiem ale a nye diila. Wa jam bo dula ka Vuusum Daa ŋata a sak ba a nyini Wen Gbaŋka po,

³ tɔgi Gbaŋka wieŋa kie a sak ba ayen ku sak ba ayen ku jam a fɛ kama ayen Kirisitawa ale nam abe wa ŋman yiti kum po, <>

⁴ Juuma ale wom nna la ba yaa sum siak ayen Pɔɔl ale a biisi diila ka wensie a pai badek a gum chaab ale Pɔɔl ale Silas po. Girik demma mɛ yegayega baai ale a chali Wen la, ale nipooba gela baai ale chim nuru kpienta la bala meena jam siak kama a maa va ba.

⁵ Alege Juuma yaa jam a dɛ nyuri. Ba yaa tigsi gaasa nyam yabaŋa po, ate ba tigsi nuru boari a nye wɔkwɔk. Ba jam cheŋ Jeesin yenni a gisi Pɔɔl ale Silas ayen ba ta ba jam te nuruma.

⁶ Alege ba ale jam nye dila ale ge ba an nya ba la, ba yaa yik Jeesin dek ale Kirisita bisaŋa gela a vuuri a ta ba jam tɛŋka kpaŋŋa jigi a nuemu ate ku a jueli a weeni ayen, <

⁷ ate Jeesin yaa basi ate ba bo wa yenni po. Ba meena a kaasi ka Aroom tɛŋka naab kpioŋku Siiza sinsaŋŋa. Ba a weeni kama ayen naab kpioŋ ku choa ale boro. Wa yuei ale Yeezu.>>

⁸ Tɛŋka po kpaŋŋa ale nuruma ale wom nna la, ku yaa puuri ba sue.

⁹ Kpaŋŋa yaa basi ate Jeesin ale mbala a tuni ligra ŋaai ale magsi ba tuni la, ale basi ba ate ba yaa cheŋ.

¹⁰ Tɛŋ ale jam sobri la, Kirisita bisaŋa a yaa basi ate Pɔɔl ale Silas a cheŋ Beria tɛŋka. Ba ale jam paari dula la, ba yaa ga jo Juuma Tuka Yenni po.

¹¹ Tɛŋ kala demma a jam zunchoŋ Tesalonika demma de ale Wen wamaŋsaŋa womka kama. Ba kasim jam lak ba tue meena nalimnyiini kama a wom wamaŋsaŋa. Daa meena ba a karim ale a zamsi Wen gbaŋka wieŋa kama ayen ba nya ase Pɔɔl ale a biisi diila ka wensie ya.

¹² Juuma yega a jam ta siaka kama ale wamaŋsaŋa. Girik tɛŋka nipooma yega baai ale chim nuru kpienta la ale Girik demma nidoama a jam maa ta siaka kama.

¹³ Alege Juuma baai ale jam bo Tesalonika la ale wom ayen Pɔɔl sak Wen wanni Beria tɛŋka mɛ po la, ba yaa ŋman jam dula mɛ a yik nuruba a nyo jigi yeŋ a paasi ba ayen ba ta daanika a jam.

¹⁴ Ku an bola beniya ale ge ate Beria Kirisita bisaŋa yaa basi ate Pɔɔl a cheŋ nya kpiemu kunkɔŋni, alege Silas ale Timoti a wari Beria.

¹⁵ Nuru baai ale jam ta Pɔɔl a cheŋ ayen ba basi la, a jam ta wa a cheŋ paari ka Atens ale ge pilim ŋmani Beria. Pɔɔl jam te ba ka tuntomiŋ ayen ba weeni Silas ale Timoti ayen ba dan nya suik yɔgyɔgla de ba jam wa jigi.

¹⁶ Pɔɔl ale jam bo Atens tɛŋka a limisi Timoti ale Silas la, wa yaa jam nya ale bɔgta a kasim jam sueri tɛŋka de po meena. Nya kude a yaa jam te wa suipuurum nna yegayega.

¹⁷ Dila wa yaa jaa nak nanpaga tuka diinaŋa po ale Juuma ale baai ale kan daa Juuba ale ta siaka la, wa jam a nye dila kama yabaŋa po ale baai ale jam bo dula la.

¹⁸ Ba gela mɛ jam ka Ɛpikuriba ale Sitooyik dem, ba jam ka sagrɔba a tu chaab ale ba. Ba gela yaa weeni ayen, <> Ba gela ayen, <> Dii la wa a mooli ka Yeezu ale wa kum po yitika wie.

¹⁹ Ba yaa yik Pɔɔl a ta cheŋ Ariyapagus jigi ayen, <

²⁰ Ti wom ka wie wachansa, ti a yaali ayen fi weeni ŋa kiri a sak ti.>>

²¹ Atens demma ale nicham baai ale maa bo tɛŋka po dula la a nyiem kasim a yaali ayen ka ba a weeni chaab abe ba a wom mɛ wa paala ale popola paala wie. Ba nyiem ŋman ka wari a nye a gum nna po.

²² Pɔɔl yaa yiti zaani Ariyapagus nuruma niŋ a weeni ba ayen, <

²³ Dii nyiŋla, mi ale kasim va tɛŋka po a taam la, mi nya jigi ŋaai meena ate ni a kaab la ale bɔgta ate ni se zaani a ŋmarisi kunyi nyiŋ ayen, Ni be basi ate m weeni a sak ni ayen Wen dii ate ni a te di zula alege ni zɛ di la, ka Wen dila ate yɔgyɔgla de mi a biisi di wari a sak ni.

²⁴ Wa ka Wen dii ale nye tɛŋka meena ale jaabuuri meena ale bo ka po la. Wa ka waai ale ka wenŋmazuk ale tɛŋzuk Naawen la. Wa abe an bo daa yie ŋaai ate nurubisa sɛ la po.

²⁵ Yaase nuruba a pai ba nisima a tom a te wa, ase wa a yaali jaab ba jigi la. Dii nyiŋ la ka wala dek ale a te nuru biik meena nyuvuri ale vuusum ale jaabuuri meena.

²⁶ Wa liŋ nye ka nuru yeŋ, a yaa va nuru wala nyiŋ a nye nuru boari tɛŋzuk de meena. Ka wadek mɛ abe ale poli diipo ate tɛŋsa tɔgatɔgaka tɛŋzuk de ale boro a beni la. Wala dek me abe le daani tɛŋ banaŋa a te tɛŋsa tɔgatɔgaka tɛŋzuk de,

²⁷ ayen ba a gisi Wen, yiila ŋaai po ate ba le gisi a nya wa la. Wa an yalima ale ti wanyi meena.

²⁸ Ka wa nyiŋ ate ti vua boro a cheŋ ase nama dek wamagsimaŋa ale weeni dii la, wensie tama sum ka wa ŋaaŋbisa.

²⁹ Tama abe dan ka Wen bisa, ku a fɛ kama ayen ti kan a poli ayen wa a neensi ka kuta yaase tintana ate nurubiik a pai wadek yam a peesi ba la.

³⁰ Dila powa nurubiik an jam miŋ Wen chagi ya. Wa an jam te nurubiik waalika ase ku ale magsi ayen wa te ba diila. Alege yɔgyɔgla de, wa yaa weeni nurubiik meena jigi meena kama ayen ba tagri basi ba wabaata tuimaŋa tomka.

³¹ Boan nyiŋŋa, wa dak ka dai ayen dai dila danni abe wa pai nuru wanyi ate wa lueri ayen wa va wala nyiŋ a bo tɛŋzuk de meena wensie buusa. Nuru wala abe ale wa nak a yiti kum po ayen ku basi ate nuru meena seba chak nalimnyiini ku le sum nye kama.>>

³² Nuruma ale wom ale Pɔɔl a biisi magsi chaab ale kum po yiti ka wie la, ba gela yaa jam nye wa a la. Ba gela mɛ a weeni ayen, <>

³³ Pɔɔl yaa basi tuka jigini ale cheŋ.

³⁴ Nuruba gela ale jam maa gum wa po a ta siaka ale Yeezu. Nuruma de po wanyi yuei ale Daanisios. Wa jam maa ka Ariyapagus kpaŋŋa po wanyi. Nipok mɛ ale jam maa ta siaka. Wa mɛ yuei ale Damaris. Nuruba ba chaab mɛ a jam maa ta siaka a gum du.