Tuima 14 - WEN GBAŊKA

¹ Pɔɔl ale Banabas ale jam paari Ikoonium tɛŋka la, ba yaa ŋman jo Juuma tuka diinaŋa po a biisi ate, Juuma ale baai ale kan daa Juuba la yega yaa jam ta siaka ale ba sinsaŋŋa.

² Alege Juuma baai ale jam a zɛri ayen ba kan ta siaka ale Yeezu la yaa jam a choa baai ale kan daa Juuba la, noa a weeni ayen Kirisita bisaŋa daa nuru maŋsa.

³ Tuimtomdɔma a jam goa dula beni ka nalimnyiini a yaa nyini peelim a sak Naawen wie a kan chali yɔgsum. Naawen abe jam te ba ka pagrim ate ba baga a nye wakperikaliisa ayen ku sak ayen ba sinsaŋŋa a magsi chaab ale ka wa ale a yaali ba wa ŋmanteka nyiŋ diila.

⁴ Tɛŋka po demma yaa jam poori ka chaab buye, ba bunyi a va Juuma, ba bunyi mɛ a va tuimtomdɔma.

⁵ Juuma ale baai ale kan daa Juuba la ba gela ale ba kpaŋŋa yaa maa chaab a nye nɔiyeŋ ayen ba nye ate tuimtomdɔma nam abe ba yuk ba ale tintana a ko.

⁶ Tuimtomdɔma ale ga wom la, ba yaa chali cheŋ Lisitira ale Daabe ale tɛŋ fi sii meena ale bo si po la. Lisitira ale Daabe abe jam bo ka Likaaniya tɛŋka.

⁷ Jigi ŋala meena ate ba chali cheŋ la, ba jam sak wapaala maŋsaŋa kama.

⁸ Nuru ale jam bo Lisitira tɛŋka po a chim gbaruk a nyini wa biam po. Ba ale biak wa la, wa an maa cheŋ nyaya.

⁹ Wa yaa jam kala a wom Pɔɔl ale a biisi diila. Pɔɔl yaa nya wa nna ziin, a yaa miŋ ayen nuruwa ta siaka kama a magsi wa nya nyiŋyɔgsa.

¹⁰ Pɔɔl yaa weeni wa ate ku jueli ayen, <> Nuruwa yaa yɔk jueli wein a jam zi a yaa deri cheŋ a gilim.

¹¹ Nuru boanni ale nya dii ate Pɔɔl nye la, ba yaa deri a na ate ku a jueli wein a weeni ale Likaaniya biika ayen, <>

¹² Ba yaa te Banabas yuei magsi chaab ale ba wenni Zeeyus. Ba jam te Pɔɔl mɛ yuei magsi chaab ale ba wen kpienni ayen Yemas diila wa jam ale biisirɔwa.

¹³ Waai ale a kaab Zeeyus la yaa ta lalisa ale tiisa puuta a jam kaabka yenni dɔkku nɔnni ayen wa ale nuru boanni a nye kaabka a te tuimtomdɔma, kaabka yenni de a za ka juijui ale kan bo tɛŋka po la.

¹⁴ Pɔɔl ale Banabas ale wom ba ale a yaali ayen ba nye diila, ba yaa yik ba gattaŋa a cheeri ayen ku sak ba ayen ba ale nye diila ka wabiok. Ba nɔi bayewa yaa chali jo nuru boanni suŋsuŋ a deri piilim a na ate ku a jueli a weeni ayen,

¹⁵ <

¹⁶ Dila powa, Wen jam basi kama ate waai meena a va badek ale a yaali suik kuui la.

¹⁷ Alege wa va ka wie nna yegayega nyiŋ a nye ayen ku sak nuruba ayen wa vua kama. Wieŋa de ale wa a te ni ŋmoruk ate ku nyini wenzuk a jam diipo ale magsi la, wa a basi ate ni ŋanborintaŋa a nye a niak diipo meena ale magsi la, wa a te ni ŋandiinta ate ni de a chak, ale a basi ate ni suiniimaŋa a sueri ale suipeentik.>>

¹⁸ Tuimtomdɔma ale jam poom a biisi wieŋa de meena la, ba jam nam ka nna yegayega ate nuruma a basi kaab kaai ate ba jam ayen ba kaab a te ba la.

¹⁹ Alege Juuba ale jam nyini Antiok ale Ikoonium a jam dula a paasi nuruma ate ba yuk Pɔɔl ale tintana a vuuri wa tɛŋ kpieŋka po a ta nyini ale poli ayen wa kpi kama.

²⁰ Alege Yeezu ŋaaŋviirɔma ale jam gilim wa. Dila ŋaaŋnyiŋ ate wa yaa yiti a ŋman ga jo tɛŋka po. Vari ale veenti la, wa ale Banabas yaa cheŋ Daabe tɛŋka.

²¹ Dula jigini, Pɔɔl ale Banabas a jam sak wapaala maŋsaŋa a nya ŋaaŋviirɔba, ba yaa pilim ŋmani Lisitira ale Ikoonium, a zaani dula a cheŋ Antiok tɛŋka.

²² Jigaŋa de meena, ba kasim jam a deŋsi ka ŋaaŋviirɔma kpa, a weeni ba ayen ba kasim ta siaka ale Yeezu. Ba jam maa sak ba ayen, <>

²³ Pɔɔl ale Banabas ale Kirisita bisaŋa ale a tu chaab la yaa maa chaab a bobi nɔi a puusi lueri kpaga a ta nyini Kirisita bisaŋa ale a tu chaab tɔgatɔga la po. Pɔɔl ale Banabas yaa pai ba nyo Naawen dii ate ba ta siaka ale wa nalimnyiini la nisima po.

²⁴ Ba yaa jam va Pisidiya tɛŋka po a taam cheŋ Pamfiliya tɛŋka.

²⁵ Dula jigini ba jam sak wapaala maŋsaŋa Periga mɛ po ale ge a cheŋ Ataliya tɛŋka.

²⁶ Ba yaa zaani dula a jueli ŋaaruŋ a pilim ŋman Antiok juijui ate Kirisita bisaŋa ale a tu chaab la a liŋ pai ba a nyo Wen nisima po ayen wa maari ba ate ba baga tom wa tuim ŋaai ate ba yaa tom nueri nna la.

²⁷ Ba ale jam paari Antiok la, ba yaa tigsi Kirisita bisaŋa ale a tu chaab la meena a nyo jigi yeŋ a weeni sak Wen ale pai ba a tom dii meena la. Ba weeni a sak ba wa ale lak suik ate baai ale kan daa Juuba la a maa ta siaka la.

²⁸ Pɔɔl ale Banabas a jam goa dula jigini kama ale ŋaaŋviirɔma meena ate ku beni nna yegayega.