Luuk 12 - WEN GBAŊKA

¹ Dila po, nuru boanni a kasim jam dɛ ka tusa diichoa jigi yeŋ a tabi chaab zuk, Yeezu a yaa dɛ niŋ a weeni wa ŋaaŋviirɔma ayen, <

² Wari karo a suk dua a kan nyini peelim chum diipo. Wari dii meena mɛ ale chim wasusugi la, ku ale nyini peelim ate nuruba seba.

³ Dila nyiŋla, fi dan biisi wari legi po, kantueŋ ba le wom di. Wari dii mɛ ate fi waasi dɔk po la, ale jueli gboŋ ate nuruba wom.

⁴ <

⁵ Ni basi ate m kaam ni waai ale magsi ayen ni a chali yɔgsum la, wala ale Wen, waai ale wa ko fu ale ta pagrim a ŋman pai fu a yuk a basi bolim buui ale kan maari a kpi la po. Mm, mi a weeni ni, ni a chali wa la.

⁶ Nuin fiisa sinu a kan da daa ligbie ŋaye yaa? Wen a kan baŋ si bunyi mɛ la wari ya.

⁷ Wensie, Wen a chiini ni zuisaŋa meena ni zuimaŋa po kama. Nya kude nyiŋ nama kan a chali yɔgsum. Ni gaam nuinsaŋa ka nna yegayega Wen nimbie po.

⁸ <

⁹ Alege waai mɛ a dan nyini peelim nuruba niŋ a zɛri mi, Mi mɛ ale nyini ka peelim a zɛri wa mɛ Wen maarɔma niŋ.

¹⁰ Nuru waai a dan lɛ Mi Saalɔbiika kula nyɔnɔwa ale nya vɔŋteka kama, alege waai a dan lɛ Wen Chiika, kula nyɔnɔwa kan nya vɔŋteka.

¹¹ Nuruba dan yik fu a ta jam zaani tuka diinaŋa po yaase nalima niŋ yaase kpaga niŋ, ayen ba bek fu bega, kan basi ate ku daani fu ale fi le fi nye dii a biisi nyini la yaase fi le fi biisi diila,

¹² dii nyiŋla, dipo, Wen Chiika ale sak fu ate fi biisi.>>

¹³ Nuru yaa nyini nuru boanni po a bek Yeezu ayen, <>

¹⁴ Alege wa yaa weeni wa ayen, <>

¹⁵ Yeezu yaa weeni nuru boanni meena ayen, <>

¹⁶ Yeezu yaa magsi wamagsini ayen, <

¹⁷ Wa yaa poli ayen,

¹⁸ Wa yaa ŋman weeni wadek ayen,

¹⁹ M dan nye dila a nueri, m yaa weeni m dek ayen, m dega, fi ta ŋandiinta ka nna yegayega a dɛ ate ku ga a paari bena yegayega. Kan a yiili, a dɛ abe fi a nyu abe fi a nye fi yaalika.>

²⁰ Alege Wen yaa weeni wa ayen,

²¹ Ku be ka dila ale baai ale kasim pai ŋanta a zaani a jigsi alege an jigsi Wen nimbie po la.>>

²² Yeezu yaa weeni wa ŋaaŋviirɔma ayen, <

²³ Dii nyiŋla, nyuvuri a gaam ŋandiinta kama, fi nyiŋka mɛ abe gaam gatta kama.

²⁴ Nama dek abe nya tɛŋka nuinsaŋa, si kan bori ŋanta yaase si a che ŋanta, si ka bua ayen si pai ŋanta a nyoro, alege Wen ale a te si ŋandiinta. Nama abe gaam nuinsa kama!

²⁵ Ka ni wana ale a yiili ate dila a gum dai du a te wa?

²⁶ Fi be dan kan baga a nye wa fiika de, ka boan ale soa ate fi a yiili nyaŋa de meena.

²⁷ Ni ŋman nya tiisaŋa ale wuutaŋa ale a nye ba puutaŋa la, ba kan tom yaase ba a yɔk gatta, alege ni basi ate m weeni ni ayen Solomon ale jam jigsi dii nna yegayega la, wa jam ka gatta ate ti nala a paari tiisaŋa ale wuutaŋa de puutaŋa.

²⁸ Alege Wen abe dan a te ti ga tila chaab wuutaŋa de tii nyiem ale boro jinla alege chum ba ŋman pai ti nyo bolim po la, ku a fɛ kama ayen wa te nama mɛ gatta. Ka boa ale soa ate nama siaka an soa diiya?

²⁹ Dila nyiŋ ni kan kasim a yiili abe ni pai ni popola meena a basi ni ale ni dɛ abe ni nyu jabuui la jigiya.

³⁰ Dii nyiŋla, ka baai ale kan seba Wen la ale kasim chali a vi ŋantaŋa de, alege nama Kowa poom seba ayen nama mɛ a yaali ŋantaŋa de kama.

³¹ Dila nyiŋ ni dɛ niŋ a pai ni popola meena a basi Wen naamu po alege ate Wen a yaa basi ate ŋantaŋa de meena mɛ a jo ni nisa po.>>

³² Ni kan chali yɔgsummoa, m bisaa, ale ku ka ni Kowa yaalika ayen wa pai naamu a te ni.

³³ <

³⁴ Dii nyiŋla, ni jigsika ale bo juijui la, ni suiniima mɛ a bo ka dula.

³⁵ <

³⁶ Abe ni a nye ase nuruba ale a limisi ba kpagi a nyini yalika tigi a jam diila. Wa dan jam a nak, tuimtomdisaŋa a nye ka nwuli a lak tuoku a te wa.

³⁷ Niauŋ ale tuimtomdɔ bala baai ate kpagni a jam paari ale ba kan goa la, wensie ate mi a weeni, wa le basi ate ba kali ate wa ta ŋandiinta a jam chari ba.

³⁸ Ba nyɔnɔwa a dan ŋman pilim jam a paari yok diipo ale ba kan goa, tomteerɔ bala ta niauŋ kama.

³⁹ <

⁴⁰ Dila nyiŋla, nama mɛ gomsi nidek a magsi dii nyiŋla, Mi Saalɔbiika ale jam ka diipo ate ni kan poli ayen m le jam la.>>

⁴¹ Piita yaa bek Yeezu ayen, <>

⁴² Nyɔnɔwa Yeezu Kirisita yaa weeni ayen, <

⁴³ Tomteerɔ waai ate wa kpagi a jam paari ale wa a tom wa tuini la a ta suipeentik kama.

⁴⁴ Wensie, ate mi a weeni fu ayen wa nyɔnɔwa ale pai wa ŋantaŋa meena a nyo ka wa nisa po ayen wa a nya.

⁴⁵ Alege tomteerɔwa a dan weeni ayen wa nyɔnɔwa goa a beni ka yegayega ale jamka, ate wa yaa yiri a nak wa tomteerɔ chaama, nidoama ale nipooma meena a gum chaab alege nye ŋandiinta a dɛ ale a nyu daam a buk,

⁴⁶ wa nyɔnɔwa ale ŋman pilim a jam ka da dii danni ate wa kan poli ayen wa le jam la. Wa nyɔnɔwa a dan jam paari, wa le te tomteerɔwa de ka waalika ase baai ale kan a va Wen nɔi la.

⁴⁷ Tomteerɔ waai ale seba wa nyɔnɔwa yaalika alege an gomsi a nye wa yaalika la, ale nya ka waalika ale nagta nna yegayega.

⁴⁸ Alege tomteerɔ waai ale kan seba wa nyɔnɔwa ale a yaali ayen wa nye dii a te wa alege wa nye wari dii ale magsi wa nya nagta la, wa le nya ka nagta nna maga. Nuru dan te fu yegayega, wa a poli ayen wa tuesi fi jigi ka yegayega mɛ. Wa be dan te fu nna yegayega gaam taam, wa poli ayen wa tuesi fi jigi ka nna yegayega mɛ a gaam taam.

⁴⁹ <

⁵⁰ M ta ka ninam ayen m nam bu po, ku abe a daani mu ka nna yegayega ka bu nin ga nueri.

⁵¹ Nama a poli ayen mi jam ayen m ta ka suiyɔgni a jam tɛŋzuk de? Aaya, m jam ayen m poorika kama.

⁵² A ta nyini yɔgyɔgla a cheŋ, nuruba banu a dan bo ba yeri po, ba le poori ka tɔgatɔga ate nuruba bata (3) a maa chaab a ta chaab ale nuruba baye.

⁵³ Ate ko ale ta chaab ale wa biik ate biika mɛ a ta chaab ale ka kowa. Ate ma ale ta chaab ale wa lie ate liewa mɛ a ta chaab ale wa mawa. Ate ŋianipɔk ale ta chaab ale wa sampok ate sampowa mɛ a ta chaab ale wa ŋianipowa.>>

⁵⁴ Yeezu yaa weeni nuru boanni ayen, <

⁵⁵ Ni nyiem a dan nya ale viok a nyini yeseok geŋ a cheena, ni a poli kama ayen wulum wein a moata kama ate bu sum jam.

⁵⁶ Ni ka sakpaŋ zula nyam. Ni baga a nya tɛŋka ale chiŋmaaŋa kama a baga a seba ku ale ka diila. Be ka boa ale soa ate ni an baga a miŋ wie ŋaai ale a nye yɔgyɔgla de la?

⁵⁷ <

⁵⁸ Ase fi ŋmaarɔwa a dan ta fu a cheŋ buusa boka jigi, pii nyiŋ ate fi nya wanni zuk suiku po, kan daa di wa pai fu a te ka buusa boorɔwa, ate wala a pai fu a te kpagni ate kpagni ale pai fu a nyo likka dɔk po.

⁵⁹ Mi a weeni fu, fi kan nyini, ka fi nin tuni pamini.>>