Azaya 1 - WEN GBAŊKA

¹ Azaya waai ale jam ka Amoz nidoabili la, gɔdaasimaŋa ate wa jam nya a ta va Juda ale Jerusalem zuk la. Diipo ate Yuzaya a dɛ naam Juda tɛŋka po ale pa te Jotam ate wa mɛ a pai te Ayazi ate wa mɛ a pai te Azekaya la.

² Wenŋmazuk dem ale tɛŋzuk de dem meena abe wom. Ale ka Naawen ale biisi, <

³ Lalik jeeŋ a seba ka nyɔnɔ kama, ate boniŋ a seba ka nyɔnɔ. Alege mi nuruma Izirali demma a zɛ mi, ba poom kan miŋ mi kiri ya.>>

⁴ Wabaata tɛŋ, nuruba ate kaasuŋ a sueri ba, bimbaansa ale pai badek a te kaasuŋ. Ba zɛri Naawen kama, ale ŋman banti waai ale welema wadek wa nyiini a bo Izirali la, ba cheem ba ŋaaŋsa a te wa.

⁵ Boan nyiŋ ate ba ŋman a nak fu? Boan ate fi a kasim a nye tukpari ya? Fi zukku po meena a ta ka mula. Fi suinummu po meena a sueri ale ka daanika.

⁶ A zaani fi naŋsaŋa a ga paari fi zukku, suiyɔgni a karo, ka mula ale nira ŋaai ale zuak la, ale bo fi nyiŋka po, ate ba an sugri ŋa. Ba an pai garuk pala a bobi ŋa. Ba an poom pai kpaam a sa ayen ŋa mooŋ.

⁷ Ni tɛŋka a kaasi kama. Bolim ale dɛ ni tɛŋ kpieŋsaŋa. Nicham ale vari ni ŋankpaantaŋa ni tattaŋa po nidek nina po. Ba tuesi jaab meena ni tɛŋka po kama ate ka doa koruk ase nicham ale nak a yiak ni la.

⁸ Zayon Liewa a nye ase ka viuk kuui ale za kaduk po ku dek ku nyiini la. Yaase viuk kuui ale za ŋanta laŋ po ku dek ku nyiini la. Wa a nye ase ka tɛŋ kaai ate ba gilim ayen ba nye kpaliŋ ale ka la.

⁹ Dan kan daa ka Naawen Dii Ale A Dɛ Tugurik Tɔŋdɔma Niŋ La ale basi ate ti ba gela a vua, tama ate le nye ase ka Sodom ale Gomora la.

¹⁰ Ni wom Naawen wanni, nama Sodom niŋdeerɔma. Ni wom ti Wen sinsaŋŋa, nama Gomora nuruma.

¹¹ <> Ka Naawen ale a weeni ayen, <

¹² Ni nyiem ale jam mi niŋ la, ka wana ale bek jaab a nyini ni jigi ya, ate ni basi ate ŋantaŋa de a nyiem mi yenni po?

¹³ Ni basi tiirim tii ale kan ta kiri la ta jamka. Mi a kisi ni ŋan baai nyum ale masa ate ni ju a te mi la kama. Ni a kpesi Chi Paalisa tiŋŋa ale Vuusum Daaŋa ale chaab gumka tiŋŋa. Alege mi a kan baga a bo ale ni, dii nyiŋla biem ale bo ni suŋsuŋ.

¹⁴ Mi a kisi ni Chi Paalisa tiŋŋa ale tiga ŋaai ate ni lueri la kama. Ŋa chim ka jibta a te mi. Mi jiak ale ŋa taka kama.

¹⁵ Ni dan zak ni nisima a boro a puusi, mi ale suk m ninaŋa ni jigi. Ni dan poom a nye puusa yegayega, mi a kan wom ni. Ziim ale tiri ni nisaŋa.

¹⁶ Ni so nidek ate ni nala. Ni pai ni tuimbaataŋa a ta nyini mi niŋ. Ni basi tom kaasika nyeka.

¹⁷ Ni zamsi a nye dii ale nala. Ni gisi wensie abe ni a te baai ale a nam la nyiŋbiiri. Ni a maari baai ale kan ka koba la ale pukɔga ba wie po.

¹⁸ <> Naawen a weeni ayen, <

¹⁹ Ase ni daa yaali ale a wom mi nɔi, ni ale dɛ ŋan maŋsa tɛŋka po.

²⁰ Alege nama a dan zɛri mi nɔi ale nye tukpari, ba ale ko ni ale gebik.>> Naawen ale pai wa nɔi a biisi.

²¹ Ni nya wensie tɛŋ kpieŋka a yaa le chim taabuk la! Wa jam chim ka waai ale jam ta wensie. Wayɔrisima a jam bo wa po kama. Alege yɔgyɔgla de ba yaa ka nuru koorisa.

²² Ni kpanaŋa a ka kiri ya. Ba pai ka nyiam a dam daam buui ate ni a yaali la.

²³ Ni kpaŋŋa a nye ka tukpari, ba gum ka chaab ale zueba. Ba meena tuesi ka ŋan baai ale kan magsi ba tuesika la a nyini nuruba jigi ale kasim a vi nuruba a yaali tiirita. Ba kan maari baai ale kan ta koba la ba wie po. Pukɔga wie a kan jam ba jigi ya.

²⁴ Dila nyiŋ Nyɔnɔwa, Naawen Dii Ale A Dɛ Tugurik Tɔŋdɔma Niŋ La, Waai Ale Ka Izirali Tanjaŋini La ale a weeni ayen, <

²⁵ Mi ale viriŋ a ta chaab ale ni. Mi ale yeeri ŋan baai ale kan ta kiri la ni po ale ni ŋan baai meena ale kan welema la.

²⁶ Mi ale ŋman pilim a pai wensie boteerɔba a te ni ase ku ale jam chim dii a nyini piilimka po la. Mi ale te ni baai ale ba a sak ni nyeboka wieŋa la ase ku daam ale ka diila. Dila ŋaaŋnyiŋ ba ale wi ni ayen tɛŋ kpieŋ dem baai ale ka Wayɔrisima Tɛŋ dem ale Wensie Tɛŋ kpieŋ.>>

²⁷ Zayon ale va nyemagsika nyiŋ a nya datuesika. Baai ale siak ba kaasuŋ la ale va wayɔrisima nyiŋ a nya datuesika.

²⁸ Alege tukpari ale wabanyeerisa ale waaŋ chaab, baai ale zɛri Naawen la a za ba kpi kama.

²⁹ <

³⁰ Ni za ni nye ase ka kinkaŋ peruk vaata ale kɔ la. Ni a nye ase ka talim buui ale kan ta nyiam la.

³¹ Nuru pagrɔwa ale nye ase ka wukosik la, wa tuimaŋa mɛ a nye ase ka chesik la, ba meena bolim ale dɛ ba ate waai a kan boro a kpimsi bu.>>