Matayɔ 1 - Mʉkpanganɨa nɔ Agɔmɛ ɔ Ɨtakɨtakɨ

Ɨfananja ngɨyɛ Klisito achwɛa amati

¹ Yeso Klisito a꞉nɔtanɨa amati ɔ ɨfananja ngɨyɔ ngama Dawidi, itindindi ngɨyeɓo ɓɔ kpɛ ta kuku Abalaama. Ɓɛsɛngʉʉ ɓa꞉nɔtonokio ɓɔ:

² Abalaama, a꞉nɔta Isaka. Nɔ, Isaka a꞉nɔta Yakɔɓɔ. Nɔ, Yakɔɓɔ a꞉tɔnɔta atɨ Yuda nɔ ɓamanye.

³ Nɔ, Yuda a꞉nɔta atɨ Pɛlɛsɨ nɔ Jɛla, nɔ moi ɔngɔ Tamalɨ. Nɔ, Pɛlɛsɨ a꞉nɔta Hɛsɨlɔnɨ. Nɔ, Hɛsɨlɔnɨ a꞉nɔta Alamʉ.

⁴ Nɔ, Alamʉ a꞉nɔta Amɨnadaɓʉ. Nɔ, Amɨnadaɓʉ a꞉nɔta Nasɔnɨ. Nɔ, Nasɔnɨ a꞉nɔta Sɔlɔmɔnɔ.

⁵ Nɔ, Sɔlɔmɔnɔ a꞉nɔta Bɔajɨ, nɔ Lahaɓʉ. Nɔ, Bɔajɨ a꞉nɔta Obedi, nɔ Luta. Nɔ, Obedi a꞉nɔta Yɛsɛ.

⁶ Nɔ, Yɛsɛ a꞉nɔta ngama Dawidi. Ngama Dawidi, ɔ꞉tɔnɔta Sɔlɔmɔnɔ, nɔ moi ngɨa a꞉ɓio jɛnɛ pɛɨ kʉ moi ɔ Ʉlɨa.

⁷ Nɔ, Sɔlɔmɔnɔ a꞉nɔta Lɔbɔamʉ. Nɔ, Lɔbɔamʉ a꞉nɔta Abiya. Nɔ, Abiya a꞉nɔta Asa.

⁸ Nɔ, Asa a꞉nɔta Yɔsafatɨ. Nɔ, Yɔsafatɨ a꞉nɔta Yɔlamʉ. Nɔ, Yɔlamʉ a꞉nɔta Ʉjɨa.

⁹ Nɔ, Ʉjɨa a꞉nɔta Yɔtama. Nɔ, Yɔtama a꞉nɔta Ahajɨ. Nɔ, Ahajɨ a꞉nɔta Hɛjɛkɨa.

¹⁰ Nɔ, Hɛjɛkɨa a꞉nɔta Manasɛ. Nɔ, Manasɛ a꞉nɔta Amɔnɨ. Nɔ, Amɔnɨ a꞉nɔta Yɔsɨa.

¹¹ Nɔ, Yɔsɨa a꞉nɔta atɨ Yɛkɔnɨa nɔ ɓamanye, tɨa angbinga ngɨa Ɓaɨsalaɛlɛ ɓa꞉ɓʉfa-ɔɔ aɓubaya, nɔ nɨsa naɓɔ amati ɔ ɨkʉmbʉ ngɨyɔ Babilona.

¹² Tɨa inani ɓa꞉sa-ɛɛ naɓɔ aɓubaya ɓanɨ, ɨyɔ, Yɛkɔnɨa ɔ꞉tɔnɔta tɨa Sɛlatɛlɨ. Nɔ, Sɛlatɛlɨ a꞉nɔta Jʉlʉbabɛlɨ.

¹³ Nɔ, Jʉlʉbabɛlɨ, ɔ꞉nɔta Abɨhʉdɨ. Nɔ, Abɨhʉdɨ, ɔ꞉nɔta Ɛlɨakɨmʉ. Nɔ, Ɛlɨakɨmʉ, a꞉nɔta Ajɔlɨ.

¹⁴ Nɔ, Ajɔlɨ, a꞉nɔta Sadɔkɛ. Nɔ, Sadɔkɛ, a꞉nɔta Akɨmʉ. Nɔ, Akɨmʉ, a꞉nɔta Ɛlɨʉdɨ.

¹⁵ Nɔ, Ɛlɨʉdɨ, a꞉nɔta Ɛlɨajɛlɨ. Nɔ, Ɛlɨajɛlɨ, a꞉nɔta Matanɨ. Nɔ, Matanɨ, a꞉nɔta Yakɔɓɔ.

¹⁶ Nɔ, Yakɔɓɔ, a꞉nɔta Yɛjɛfʉ, swaɨ ɔ Malɨa. Nɔ, tɨa ɨyɔ Malɨa akɛ, ɔ꞉tɔnɔta Yeso, ngɨa ɓamisoko ɓɔ Masia.

¹⁷ Kʉɓanɨ, anɨngwa akɔ Abalaama akɔɓɔya akɔ ngama Dawidi, ya꞉ɓio nɔ lɨnɔtanɨa tɛkɛɓɛ nɔ ɓɔgɨna. Nɔ, anɨngwa akɔ ngama Dawidi akɔɓɔya angbinga ngɨa ɓa꞉sa jɛnɛ-ɔɔ nɔ Ɓaɨsalaɛlɛ aɓubaya aɨkʉmbʉ yɔ Babilona, ya꞉ɓio nɔ lɨnɔtanɨa kʉ tɛkɛɓɛ nɔ ɓɔgɨna. Nɔ, tɨa anɨngwa aka ɓa꞉sa-ɔɔ inani aɓubaya akɔɓɔya akɔ nɔtanɨa ngɨyɔ Masia, ya꞉ɓio nɔ lɨnɔtanɨa ngalɛmɔ ɓata kʉ tɛkɛɓɛ nɔ ɓɔgɨna.

Nɔtanɨa ngɨyɔ Yeso Klisito

¹⁸ Ɨsaʉ yɔ nɔtanɨa ngɨyɔ Yeso Klisito ya ɓɔ: Inye Malɨa, ɓa꞉ɓio ɓɔchwaneni nɔ Yɛjɛfʉ. Yakamɛngana, pɛɨ ɨɓɔ ajonokio, ɨyɔ Malɨa ɔ꞉siyo tɨa ɓʉa, ɨngbaa akɔ angu ɔ Mʉtɨma wɔta Tu.

¹⁹ Dɔ, ndɨ ɓuso ɓangɔ Yɛjɛfʉ, a꞉ɓio mombi ata ngbingbii, kʉdɔ, a꞉kʉndamʉ nayɔ apaliso apɛɨ ɔ ɓombi. Nɔ, ɔ꞉kwaisio nayɔ asɨa ɨngbaa aɓaɗi.

²⁰ Ɨyɔ, tɨta amati ɔ tunguo yaka ngɨyɛnɛnɨ, malaika wɔ Makwɔɓɨɨ, ɔ꞉mʉchwɛanɨa amati ɔ lɨwɔtɔ. Nɔ, ɔ꞉musigio ɓɔ: «Ʉwɛ Yɛjɛfʉ, mwana ɔ mwana ɔ Dawidi! Watɨkumomʉ asɨka Malɨa! Dɔ, ɓʉa ngʉɓa anaɓɔ, ɓa꞉kumonio pɛ ɨngbaa akɔ angu ɔ Mʉtɨma wɔta Tu.

²¹ Ɨyɔ, a꞊nɔta suo mwana ata gue. Nɔ, wa꞊mʉsʉa suo ino ɓɔ ‹Yeso› (ɨsɨ yɔngɔ ɓɔ Asɔɓɨɨ aheiso), dɔ ɨyɔ akɛ, a꞊heiso ɓombi ɓangɔ akɔ ɓʉɓɨɓɨ ngʉɓeɓo.»

²² Yaka ngɨyɛnɛnɨ iɓomu, ya꞉kɨanɨa ɓanɨ, akpatanakɨa nɔ yaka ngɨyɛ Makwɔɓɨɨ, a꞉sugo jɛnɛ akɔ monu kɔ ɨgbɛ ngɨangɔ ɓɔ:

²³ «Ya ɓanɨ, aunabi a꞊siyo ɓʉa nɔ, a꞊nɔta sina mwana ata gue. Nɔ, ɓa꞊mɨsoko sina ino ɓɔ Ɛmanʉɛlɛ.» Ɨsɨ yɔngɔ ɓɔ: «Asɔɓɨɨ ɨhɔ nesu.»

²⁴ Angbinga ngɨa Yɛjɛfʉ a꞉jʉkana-ɔɔ atɔɔ, ɔ꞉kɨa ngbanga ta ndʉ aka, malaika wɔ Makwɔɓɨɨ a꞉musigio-ɔɔ. Kʉdɔ, ɔ꞉sɨka Malɨa tɨa kʉ sɨka.

²⁵ Yakamɛngana, sɔkɔmʉ ɓɔ꞉jonokio nayɔ pɔ jonokio, akɔɓɔya ta aka Malɨa a꞉nɔta-ɔɔ mwana. Kʉdɔ, Yɛjɛfʉ ɔ꞉mʉsʉa mwana ino ɓɔ Yeso.