HÉBRE 12 - Bible en langue Bulu

Njibane meveʼele

¹ Ajô te bia fe, amu bi ne mbômaʼane a abime abui bengaa te, e ñwuʼane mbeʼe ôse a abé da bômane bia e si, a mate mbi a njiban ôse ya meveʼele me ne bia mveban,

² bi lôbôʼô nyô a ne atataʼa ya mbunan wongan a nyô a kee wô e vôme ya jaléban, e ne na, Yésus. Nye ate a nga ben mevak me mbe nye ôsu a jibi Krôa, a biasé ôson, a suʼulane tabe éto njôane Zambe.

³ Yaa, mi simesaʼane nyô a nga jibi abime mewosane te mfaʼa wé e señe bebo abé , ane a ne bo te liʼi mia ntyaʼan a nyôle ne botok.

⁴ Mi ngenane te jibi a kui nkulane metyi: éyoñe mia wosan abé .

⁵ Mi vuaneya ntômôlan ba tômôlô mia ane bone na: a mone wom, te biasé nlebane Nti, te bili atek éyoñ a komekane wo.

⁶ Amu Nti a lep e nyô a nyeʼe, a yaa e mon ase a nyoñ mfaʼa wé émien.

⁷ Amu ajô ya nyeʼelan nde mia jibi de mintaé. Zambe a bo mia ane bon . Mone mbé nye ésaa wé a ne te lep?

⁸ Nge mia bo te nyoñe ngab melep ane bon , wôna mi ne bone mejian , saa benya bonô.

⁹ Bi nga bi bebiaé bangane ya minsôn, ane beyeʼele bangan be bôme bia, abim avé bia yiane wôʼô Esaa ya minsisim, a nyoñ ényiñ e be nye?

¹⁰ Mfaʼa wop a mbe ajô ya étun éyoñ, aval ane zôsôô wop a mbe, nde be nga lebe bia. Ve mfaʼa wé a ne mfi wongan, mfaʼa ya kôôé bia étyi jé.

¹¹ Eyoñ bia nyoñe melep , bia ye yen été été na, a ne jam ôlun, saa mevak. Ve melep me wôʼô suʼulane ve ba ba nyoñe me ébuma ya mvoʼé , a e ji zôsôô .

¹² Betaʼane mo menan me joléya e yôp a bo ngu, a meboñe menan ma nyeñeban.

¹³ Boʼone zene mebo jenane zôsôô , nalé ma ye bo te yemele, ve yet.

Mbane ya wulu ane bekristen

¹⁴ Vaʼane ngule ya tabe bôte bese mvoʼé , a bo mfuban , nge nalé momo, teke môt a ye yene Nti.

¹⁵ Mombaʼan, môt éziñ a za sube mvame Zambe. Nkañ éziñ ô ne ayô ô boʼo te faa e zañe jenan, amu zôʼé ja ndamane nsamba bôt.

¹⁶ Mombaʼane na, môte bijabô a bo te yené e be mia, nge ndaman étyi; aval ane Esô, nye a nga kuan éto ntôle jé, amu éyaseyas ésua mfiañe jia.

¹⁷ Amu mia yeme na, éyoñ a nga beta kômbô nyoñ ébotan, a nga sup, a teke zen éziñ ya tyendé mfaʼa wé é nga yené, akôsa bo meyeʼelan a nyône wé.

¹⁸ Mi nji ke subu bebé e nkôle be mbe nguleya nnambe ô yôñe nduan, teke dibi, teke ôkôs,

¹⁹ teke nloñane toñ, teke ñyôtane minkobô avale ba be nga wôʼô wô be nga sili na be bo te beta tote be vʼéfia jia.

²⁰ Amu be mbe te ngule ya jibi abendé e te na: Jaʼane ve tit nje ja ye nnambe nkô, ja ye wôéban.

²¹ A jame te e mbe étua angôndô avale Môze a nga kui vôme ya jô na: Ma wôʼô étua angôndô a fôʼôban.

²² Ve mi subuya nkôle Siôñ bebé a nlame vevea Zambe, Yérusalém ya yôp e be bizuʼu beéngele,

²³ nsulaʼan abôʼô mintôle mi bon , mbe môé map me ne ntilane yôb été e be Zambe, ntyiʼi mejô ya bese, a minsisime bezôsôô be bôt be maneya bobane nya mvoʼé .

²⁴ E be Yésus, ntebe zañe ya mfefé élat, a metyi me nga kui, ma beta kobô mvaé a lôte ma me Abél.

²⁵ Tabaʼane ntyele ya bene wôʼô nyô a kobô mia. Amu nge be nga bo te saʼale melep , éyoñ be nga bene wôʼô nyô a tyeñele be si nyô, kô fé bia ye bo te saʼale melep , nge bia bo te wôʼô nyô a kobô bia e yôb été?

²⁶ Nyô tyiñe jé é nga fôʼô si a kobô de na: A liʼiya éyoñe jia ja suʼulan, ma ye fôʼô, saa ve si étam, ve nalé fe yôp.

²⁷ Mejô mefe ma beta liti na, e biôme bise bi ne ntéan bia fôʼôsan, bia ye vas. Nalé jôm é ne te fôʼôsan ja ye tabe.

²⁸ Amu bia nyoñ ayoñ e ne te fôʼôsan, e ntukaʼa biane mvam éte. Amu mvam éte, e mboʼone Zambe ésaé a éjoté nyô a woñ aval a ye yene mvaé.

²⁹ Amu Zambe wongan a ne nduan ja diʼi.