MASMUR 15 - Pustaka Si Badia

Kai kin si ituntut Dibata?

¹ Masmur Daud. O TUHAN ise kin banci bengket ku bas Rumah PertotonNdu? Ise kin banci ersembah i Sion, deleng si badia e?

² Kalak si patuh man Dibata i bas kai-kai pe, dingen lalap ngelakoken kai si benar, kalak si rananna benar dingen bujur,

³ janah la ibelaskenna cakap la tuhu kerna temanna, kalak si la erbahan salah man temanna, si la encekuraki teman si deher rumahna.

⁴ Si mpersilahangken kalak si itulak Dibata, tapi mehamat ia man kalak si erkemalangen kempak TUHAN. Kalak si ngkunduli padan si ibahanna, aminna pe arus rugi ia.

⁵ Kalak si pepinjamken tapi la mindo bungana, kalak si la mereken sisip guna nalahken si la ersalah. Ise si ngelakoken si enda lalap nggeluh alu teneng.