MASMUR 14 - Pustaka Si Badia

Kejahaten manusia

¹ I bas Daud nari. Nina kalak bodoh i bas ukurna, “Labo lit Dibata.” Kerina pertaki pacik, dingen enggo ilakokenna perbahanen si mejin; la lit sekalak pe ngelakoken kebujuren.

² I Surga nari iperdiateken TUHAN kap manusia, inehenNa ntah mawen lit kalak si pentar, ntah lit kalak si ndarami Dibata.

³ Tapi kerina kalak enggo papak perbahanenna, iraskenna erbahan jahat. La lit sekalak pe ngelakoken kai si benar, sekalak pe lang.

⁴ Nina TUHAN, “Kerina kin kalak jahat enda la erpemeteh? Nggeluh ia ngerampuki bangsangKu, dingen la ia pernah ertoto man bangKu.”

⁵ Tapi kenca bage mbiar me ia kerina, sabap Dibata nemani kalak si erkemalangen man baNa.

⁶ Kalak jahat ngolangi rencana kalak musil, tapi TUHAN kap si nampatisa.

⁷ Uga ndia ningku ertoto, maka reh kemenangen man Israel i Sion nari. Andiko riahna ukur kalak Israel, adi TUHAN erbahanca sangap ka ia mulihken!