MASMUR 13 - Pustaka Si Badia

Pertoton mindo penampat

¹ I bas Daud nari.

² O TUHAN, asa kai nari dekahna kam lupa man bangku? Rasa lalap kin? Kasa kai nari dekahna ibunikenNdu diriNdu i bas aku nari?

³ Asa kai nari dekahna aku nggengken kiniseran? Asa kai nari dekahna mesui pusuhku suari ras berngi? Asa kai nari dekahna aku italuken imbang-imbangku?

⁴ O TUHAN Dibatangku, perdiateken aku, begikenlah pertotonku. Bere gegeh man bangku ola pelepas mate aku.

⁵ Ola pediat musuh-musuhku ngerana, “Enggo sitaluken ia.” I bas perjurembatku, ola pelepas puas iakapna.

⁶ Ernalem aku ku bas keleng ateNdu si tetap. Meriah ukurku perbahan ipulahiNdu aku. O TUHAN rende aku man banNdu. Sabap lalap mehuli perbahanNdu man bangku.