MASMUR 12 - Pustaka Si Badia

Pertoton mindo penampat

¹ Masmur Daud.

² Sampati aku TUHAN, kalak si bujur lanai lit tading kalak si mehuli ukurna lanai lit i japa pe.

³ Kerina kalak melasken cakap la tuhu man kalak si deban. Salu cakap longgar, si tipun ia.

⁴ O TUHAN, pesinik dilah kalak si percakap longgar! Sompel babah kalak si ngerana megombang.

⁵ Nina kalak megombang, “Alu rananta dat kita kai ateta. Kai siakap mehuli sibelaskenlah labo lit si ngolangisa.”

⁶ Nina TUHAN, “Tapi genduari reh me Aku, erkiteken kalak musil enggo itindih dingen kalak si niayak-ayak kelsehen perban suina. Kubereken me man bana ketenengen si enggo ndekah iarapkenna.”

⁷ Padan TUHAN terteki kap sabap tulen bali ras pirak si enggo pitu kali iane.

^8-9 Kalak jahat i japa pe lit, kerina kalak muji-muji kejahaten. O TUHAN jagai min kami lalap.