MASMUR 11 - Pustaka Si Badia

Kiniteken man TUHAN

¹ Masmur Daud. Aku ernalem man TUHAN. Seh kal bodohna kalak si ngerana man bangku nina, “Kabanglah kam ku deleng-deleng desken perik,

² sabap enggo ipegesteng kalak jahat panahna dingen i bas gelap nari enggo irentangna kempak kalak bujur.

³ La lit kai pe banci ilakoken kalak bujur, adi palas kebujuren enggo iruntuhken.”

⁴ TUHAN lit i bas rumahNa si badia; kesain kinirajanNa lit i Surga. Kerina kalak iperdiatekenNa itehNa kai sangana ibahan manusia.

⁵ Iujina kalak bujur ras kalak jahat, dingen nembeh kal ateNa kempak kalak si erngena ate man si jahat.

⁶ Ipesusurna batu merara, kertah gara ku babo kalak jahat; jenari iukumna alu angin melas.

⁷ TUHAN adil dingen ngena ateNa perbahanen si mehuli. Kalak si ngelakoken perentahNa, nggeluh me i bas adep-adepenNa.