BILANGEN 1 - Pustaka Si Badia

Sensus si pemena i Israel

¹ I bas wari si pemena bulan si peduaken, i bas tahun si peduaken kenca bangsa Israel lawes i Mesir nari, ngerana TUHAN man Musa i bas Kemah Perjumpan i gurun pasir Sinai. Nina,

² “Kam ras Harun, la banci la isensusndu bangsa Israel rikutken suku-suku ras keluargana. Suratken kerina gelar dilaki,

³ si umurna dua puluh tahun ku das si ngasup ertugas i bas tentera.

⁴ Pindo sekalak kepala keluarga i bas tep-tep suku nari guna nampati kam.”

^5-16 Enda me gelar-gelar dilaki, peminpin-peminpin i bas sukuna, si ipilih i bas perpulungen e nari guna ndahiken dahin enda: Suku: Kepala keluarga: Ruben Elisur anak Sedeur Simeon Selumiel anak Surisaddai Juda Nahason anak Aminadap Isakar Netanel anak Suar Sebulon Eliap anak Helon Eperaim Elisama anak Ammihut Manase Gamaliel anak Pedasur Benyamin Abidan anak Gideoni Dan Ahieser anak Ammisaddai Aser Pagiel anak Ohran Gat Eliasap anak Rehuel Naptali Ahira anak Enan

Suku: Kepala keluarga:

¹⁷ Alu penampat si sepuluh dua kalak enda me Musa ras Harun

¹⁸ ndilo kerina perpulungen e pulung i bas wari si pemena bulan si peduaken jenari isuratkenna rikutken suku-suku ras keluargana. Gelar-gelar kerina dilaki si umurna dua puluh tahun ku das isuratken ras ikira,

¹⁹ bagi si enggo ipedahken TUHAN. Musa nuratken bangsa Israel i gurun pasir Sinai.

^20-46 Dilaki si umurna dua puluh tahun ku das si ngasup jadi tentera isuratken rikutken suku-suku ras keluargana, ibenaken i bas suku Ruben, anak Jakup sintua. Jumlahna kerina e me rikutken si tersurat arah teruh enda: Suku: Teremna: Ruben 46.500 Simeon 59.300 Gat 45.650 Juda 74.600 Isakar 54.400 Sebulon 57.400 Eperaim 40.500 Manase 32.200 Benyamin 35.400 Dan 62.700 Aser 41.500 Naptali 53.400 Jumlah: 603.550

Suku: Teremna:

⁴⁷ Kalak Lewi la isuratken raduken suku-suku si deban,

⁴⁸ sabap enggo ikataken TUHAN man Musa nina,

⁴⁹ “Adi isensusndu kalak si ngasup jadi tentera, ola ibahanndu ikut suku Lewi.

⁵⁰ Tapi tugaskenlah kalak Lewi ngurus Kemah Perjumpan ras kerina perkakas-perkakasna. Kalak e si ngangkat Kemah ras perkakasna, erdahin i je, ras kemahna ipajekkenna i sekelewetna.

⁵¹ Adi ipindahkenndu inganndu erkemah, arus kalak Lewi mbongkarsa KemahKu jenari majekkenca ka i bas ingan erkemah si mbaru. Ise reh ndeher ku KemahKu e seakatan suku Lewi arus ibunuh.

⁵² Bangsa Israel si deban arus majekken kemahna rikutken terpuk-terpukna, tep-tep kalak ras perpulungenna janah i teruh bendera terpukna.

⁵³ Tapi suku Lewi arus erkemah i sekelewet KemahKu e lako njagasa, gelah ola ise pe reh ndeher ku je. Adi ideheri kalak merawa Aku janah Kupalu bangsa Israel.”

⁵⁴ E maka ibahan bangsa Israel kerina si enggo ipedahken TUHAN man Musa.