Yunus 2 - Bambam

Sambajanna Yunus illaam tambu' bau 2:1-10

¹ Tappana illaam tambu' bau Yunus, iya ma'sambajammi längäm DEBATA, Puang Allataala to napenombai

² naua: <

³ Puhamä' umpa'tibeam dokko ongeam mandalam, posi' mapättäna le'bo'. Naputu'mä' lembom; nakabu'mä' bombam to umpatilulum.

⁴ Iya kuuam: Kao to tala unnenne'imä'. La deempaka malaä' umpahandam banua masehoMu?

⁵ Nakabu'mä' uwai le'bo' la napotti'i, nasapu'imä' le'bo' kalua' la napusa'i; anna nakapu' humpu' le'bo' ulungku.

⁶ Tallannä' sule dokko posi' mapättäna le'bo' siandaha' pentokoanna tanete; tikädo' manda'um dio boko'ku sule lako salako-lakona. Sapo' etam too duka', o DEBATA, Puang Allataala to kupenombai, anna muangkahangko bätä penabangku dio mai pambo'bä'.

⁷ Tappana kattu hannumä' anna la mäläim bätä penabangku iya mengkilalamä' sule matim olomu DEBATA. Anna kende'um pengkaalaangku dio olomu illaam ongeam kamasehoammu.

⁸ Ingganna to umpenombai debata lino takeloä, umpemboko'i DEBATA to manontom ma'kamase.

⁹ Sapo' kao-kao, la menggamahaä' ma'kuhhu' sumanga' umbaba bua pehumala'ku matim. La kuponnoi pa'dandingku dio oloMu, aka anggam Iko kabuttuanna kasalamasam.>>

¹⁰ Iya nasuam DEBATA indo bau ullua Yunus längäm galantangam.