Pampujiam 6 - Bambam

Sambajam illaam kamasussaam 6:1-11

¹ Lu lako to untetem to menani. Penaniam dikatapii. Katapi kahua hitinna. Pampujiam napapia Daud.

² O DEBATA, illaam aha'Mu daa untappakadaiä', illaam aha' kasalleMu daa umpassalaä'.

³ Kamaseiä' DEBATA, aka kangahe-ngaheä'; pomaläpu'ä', aka malu'bä'um bukungku,

⁴ anna husa' penabangku. O DEBATA, la pada hia umba masäena umpemboko'iä'?

⁵ Pa'pasulengKo DEBATA, langnga'iä', lappasannä' aka pangkaha' pa'kamaseMu takattu tintim tamondo' sahuham.

⁶ Aka tä'ungKo deem la dikilalai ke matem tau; mennapi la umpujiKo dio kaliane anitu?

⁷ Takubelam maaka napobua' pengkaloa'ku; bengi-bengiam si limbä allongangku, bunengke' petindoangku napobua' uwai matangku.

⁸ Bongom matangku aka mapi'di' penabangku, makuhibo-hibo pennenne'ku napobua' balingku.

⁹ Le'ba'koa' lao inggammua' to umpogau' kakadakeam, aka nahingngiammi DEBATA sahhoku;

¹⁰ nahingngiammi pelauangku, anna natahimam sambajangku.

¹¹ Sangngim mahea' balingku anna masihi'; silele ma'pasule kapui'-pui' malea lindo.