Pampujiam 3 - Bambam

Sambajam mebengngi' muoloi bali 3:1-9

¹ Pampujiam napapia Daud, wattunna le'ba' muäläi kalena umpellei Absalom änä'na.

² O DEBATA, tä' deem pada sabuda balingku! Buda punala tau mengke'de' umbundu'ä'!

³ Buda tau muuai: <> Sela

⁴ Sapo' Iko, o DEBATA, unta' matoto'ku to umpa'tippasannä', Iko muangkahannä' anna umpasule sumanga'ku umpaende' pahajangku.

⁵ Metambaä' mengkaala längäm DEBATA, anna nahingngiam pelauangku yabo mai tanete masehoNa. Sela

⁶ Umbehesannä' kaleku angku mamma'; anna bangonnä' masannam, aka naundu'ä' DEBATA!

⁷ Tä' mahea'ä' lako massa'bu-sa'bu bali, sule natalimbum tamaä' la nabundu'.

⁸ O DEBATA, pengke'de'ko, o Puang Allataala to kupenombai, pesäkäiä'! Puham ussappaam papam sädäna balingku, anna umpompoiam tandu' masadi'na to tameada'.

⁹ Pepamolo buttu yabo mai DEBATA. Handandanni Iko untamba' umma'Mu! Sela