Pampujiam 2 - Bambam

Tomahaja to nalanti' Puang Allataala 2:1-12

¹ Aka hia anna ma'pattujui la pabali-bali ingganna kahajaam, akanna umpemandannii kaha-kaha labu' ma'hupatau?

² Mengke'de' mentu'na tomahaja di lino anna ungkalebui tula' ingganna to kasalle umbali DEBATA anna tomahaja to nalanti'.

³ Sikama'kada naua: <>

⁴ Metaba la'ba DEBATA to untadongkonni suhuga; napelale'i pattujunna.

⁵ Mane nakissä'i sitonda aha' anna natibuhesei sola aha' kasalleNa naua:

⁶ <>

⁷ La kupa'paissangam kada napandam DEBATA; ma'kada lako kaleku naua: <

⁸ Pelauko mai, anna mala kubeengko ingganna kahajaam mendadi mana'mu, anna kupadokkoangko lisu pala'mu lino sitonda issinna.

⁹ Sumambu bassi la umpake umpolo-polo balimmu, anna la uhhuppu'-huppu' susi kuhim litä'.>>

¹⁰ Dadi pengkakeaka'ko, o inggammua' tomahaja, pa'pehingngiko, o inggammua' to ma'pahenta di lino!

¹¹ Pengkahea'ko menomba längäm DEBATA, anna pengkadioko tilalla' dio oloNa,

¹² pa'balinguntu'ko menomba dio oloNa, anna mala tä'ko napempa'deam säkä-säkä, aka si masimpam kende' aha' kasalleNa. Maupa' anna katambasam to mentuhehum lako DEBATA!