SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 4 - Bokyi Bible

Nshwam-Dyikurúku mú Ochwâp

¹ Ô Osówo, Onet-Onyii ejí, faa mě ojá ké nkéré n-kú n-fâ nshwam. Wo a/chwáp mě ké nkéré m/mû ké afaníkong. Cángê dyityém ne me kántîk a-jwo nshwam ejí.

² Ben banet ḿbén, ka-rí i nǎ ne ba-mîng mě edángê. Ka-rí i nǎ ne ba-mîng kyijé etông ké ńkyí kyi*da/byí chwǒm* ne ńkyí kyi*fí ké kafâ*.

³ Zîim m̂ ba/fu, Óburúkpâbí oo/cá banet ḿbé mbe ba-chi i kanong ba-firi ḿbé emen, ne nyǐ mu o-jwo ng mě ké nkéré n-kú n-kó ng ǎ.

⁴ Tím m̂ banê ne bushî ba-mîng byibî echi. Kabe n̂g kanong kanong kyi-kim ne ńkyín ké nkéré baa/rí sáre ké buríng enen.

⁵ Chi n̂g byifen ḿbyí byi/kwárê ba-kye Óburúkpâbí ba-tî dyityém ké nyǐ.

⁶ Banet mbe kô chwóó ḿbé mbe ba-fâ nshwam ba/fu, Óburúkpâbí, kye bě ojware chwóó. Tún bě ne dyityém ecángê.

⁷ Nké bunyîn-dyityém ḿbú wo aa/kye mě bu/jê bu-shwôm ḿbú mbé ba/chi ba-já ne kángkáng byiryíng ne bato ebe.

⁸ Me mu n-rê ng ne bunyîn-dyityém ké nkéré nn/rí sáre. Ô Óburúkpâbí, wo kǎnchí nké amu a-tî ng mě n-fem kanong kanong.