SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 23 - Bokyi Bible

Óburúkpâbí mú mu Onet-Obâm Eten

¹ Óburúkpâbí mu o-bám m mě wǎ mbâm ebû. Chwǒm kyi*da mě ekaa*.

² Óburúkpâbí mu o-bángê e mě n-jáng ké biǐbyâa ḿbyí byinong, ne mu o-sí ng mě n-ribi ké buce ḿbú degere.

³ Óburúkpâbí mu o-kyâ mě busa ḿbú bufyîfî. Nyǐ mu o-tông ng mě kiǐfáng ńkyí ntûntû wǎ eringe nyí nyǐ o/ryí ocím.

⁴ Nang kiǐfáng ánkyi kyi-ribi ké kiigbimaa-kyifip, ǎ Óburúkpâbí, me mm*ba/chi n-shî* ké nǎ, wo amu mě fáráng. Kiǐré ne ochí eyên wǎ mbâm ebû mbyi byi-bám m mě.

⁵ Wo a-chi i mě dyijî ké bushú-banet-bushwôn ejí. Wo a-koo ng mě kanong ké bakút-kyinung ḿbé a/róngê mě ké dyishí, ne ké nkôp mú a/fé mě o-sú pwat.

⁶ Ké ntûntû, kanong eyên ne kyijé eyên byi-waa ng ne me tete m-kpú. Ne n-kyú u ké kyise eyên ké dyikpen ejí kángkáng.