SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 13 - Bokyi Bible

Nshwam-Ochwâp

¹ Óburúkpâbí, wo a-ráp ng mě ka-chîrí nǎ. A-ráp ng mě ne banyá dí. Wo a-rôo ng mě byiko eyên ka-chîrí nǎ.

² Me n-cíp ng afaníkong ka-rí nǎ. Bafip ḿbé mbe ba-sú u dyityém ejí buchú ne esû ba-rí nǎ. Banet-bushwôn ejí ba-kpógê ng mě ka-rí nǎ.

³ Ô Osówo Óburúkpâbí ejí, bírî a-tún mě a-faa mě ojá. Bwa ne busa ejí a-kye mě. *Da mě emîng m-kpú*.

⁴ *Damîng banet-bushwôn ejí ba-raa ba/fu, be bii/kpógê ǎ*. *Da mě emîng n-róng eringe nyí mbé badajêe*.

⁵ Me n/jêem esim ké kyijé eyên ńkyí kii*man*. Me n/chi n-jêe, ké nǎ, wo a/chi a-nyii mě.

⁶ Ô Óburúkpâbí, me n/chi n-kwán ekwan n-kye ǒ, ké nǎ, wo amu kanong ne me.