Zabur 1 - Bagian bagian Kitab Suci Taurat (dalam bahasa Banjar)

Jalan hidup urang nang bujur wan Jalan hidup urang nang jahat

¹ Babahagialah urang nang kada manggawi napa nang dipadahi ulih urang jahat. Inya kada maumpati kalakuan urang nang badusa. Inya kada bakawal lawan urang nang mahahulut Allah.

² Tagal urang nang bujur ini katuju maasi parintah Allah. Inya mambaca wan mamikirakannya jua saban hari, siang wan malam.

³ Inya bahasil tarus nang kaya puhun-puhun buah di pinggir sungai babuah wayah musimnya, daun-daunnya gin kada suah layu.

⁴ Tagal urang nang jahat kada nang kaya nitu! Inya kada baguna nang kaya sekam nang ditiup angin.

⁵ Maka urang nang jahat cagaran dihukum Allah, wan jua cagaran dijauhakan matan umat Allah.

⁶ Sualnya urang nang taat dibimbing wan dilindungi Allah, tagal urang nang jahat cagaran dibinasaakan ulih Allah.