Zaburi 13 - Bibiliya Ijambo ry'imana

Gutabaza Uhoraho

¹ Zaburi y'umuyobozi w'abaririmbyi. Ni iya Dawidi.

² Uhoraho, uzahora unyibagirwa ugeze ryari? Uzageza ryari kunyirengagiza?

³ Koko se nzahangayika ngeze ryari? Dore buri munsi intimba inshengura umutima. Umwanzi wanjye azanyivuga hejuru ageze ryari?

⁴ Uhoraho Mana yanjye, birebe maze unsubize, ungaruremo agatege kugira ngo ntapfa.

⁵ Umwanzi wanjye ye kuvuga ati: “Ndamutsinze!” Abandwanya na bo be kwishimira ko ibyanjye birangiye.

⁶ Ariko jyewe niringiye ineza yawe, nzishimira ko wankijije. Koko nzaririmbira Uhoraho kuko yangiriye neza.