Jobe 25 - Bhiblia Yo Sawuleka

Kuwombawomba ka wuraru ka Bhilidhadhe Ina ku nga maneka wo lulama masoni ka Txizimu kani?

¹ Sekoko Bhilidhadhe, Msuwita, a to xamula a txi khene:

² Ku ka Txizimu kufuma ni kuthisa; txona txi maha kuthutha txitimwi ka txitimwi.

³ Ina mabutho a txona ma ni mtengo kani? Niku i mani wule asi hokelwiko ngu liwoningo la txona kani?

⁴ Ti ndi na mahisa kutxani ku m'thu eva wo lulama masoni ka Txizimu, niku a ndi na lulamisa kutxani wule a velekwako ngu wamsikati kani?

⁵ Wona taku hambi mtxima kha wu phatimi, ni tinyeleti kha ta sawuleka masoni ka txona.

⁶ Hambi m'thu i ka so va mpungu, ni mwanana wa m'thu i ku mbungu!