TOBI 12 - Kalate Zambe Nnomo a Mfefe Mfefé Nkôñelan

Rafaél a kulan émien avale môt a né

¹ Eyoñ abô? aluk e nga man, Tôbi a nga loone mone wé Tôbias a jô nye na: A mone wom, simesa'ane ma'ane wo yiane ya'ane môt mia nye mi nga ke dulu, ô beté'é fe ôyôme jôm e yôp.

² A nga jô nye na: A Tate, me ve nye tañ aya? Ja'ane ma ve nye ngabe baa ya akum bia te so de, ma ye bo te jañele jôm.

³ A te bulane ma teke nsel, a nga saé minga wom, a te volô nyoñe me moné, a saéya fe wo: me ve nye jé abime abui mboone di'

⁴ Tôbi a nga jô nye na A mone wom, da yiane na ô ve nye ngabe baa ya biôm bise wo te so bie.

⁵ Tôbias a nga loone nye a jô nye na: Mfa'a ya ma'ane môé, nyoñe ngabe baa ya biôm bise wo te so bie a kele *mvo'é!

⁶ Nde Rafaél a nga nyoñe bebaane ômômo'o a jô be na: Va'ane Zambe akéva, e mise bevevee bese, va'an amu mam a boya mia. E ne mvaé ya kañe jôé dé a yia de bia. Bo'one na bôte bese be yeme mimboone mi Zambe aval ane da yian. Te kate ve nye akéva.

⁷ A ne mvaé ya bo te kulane asoé Njô Bôt; ve mimboone mi Zambe, ba yiane mie ngeme a yôtane mie. Kañete'e mie ane da yian. Bo'one mvaé a *abé da ye bo te kui mia bebé.

⁸ Meye'elan, mfula'an a bebela, nalé fe mimvolan, mfula'an a *zôsôô bi ne mvaé a dañ ékotekot. E ne mvaé ya bo mimvolan a dañe na wo tôkan or.

⁹ Mveane ya mimvolan wo kôté mfa'a y'awu nalé fe wo tun *abé ese. Ba ba bo mimvolan ba ye jaé a melu m'ényiñ;

¹⁰ ba ba bo *abé a ékotekot be ne besiñe bap bebien.

¹¹ Eyoñe ji, ma zu kate mia bebela ase, teke solé mia jôm. Me ndôme ye'ele mia na: A ne mvaé ya bo te kulane asoé Njô Bôt; ve da dañe mvaé ya kañete mimboone mi mam mi Zambe ane da yian.

¹² Yemane na, éyoñ ô nga ye'elan, mia nyô mbom Sara, ma me nga liti meye'elane menan asu duma Nti aval ane ndume ya ôsimesan; avale te fe éyoñ ô mbe ô jame mimbim.

¹³ Eyoñ ô nga bo te si'ibi, ve jô'é bidi biôé a ke jame mbime môt, ma me mbe nlômane ya zu ve'ele wo.

¹⁴ Ve éyoñe te fe Zambe a nga lôme ma na me zu saé wo, a nyo mbom Sara.

¹⁵ Me ne Rafaél, wua ya b'éngele zamgbwal be tele asu étôto'o Nti a liti nye meye'elane mimfufup.

¹⁶ Bese bebaane be nga semé a dañe ko woñ, ane be nga ku a buti mise map e si.

¹⁷ Ve éngele a nga jô be na: Te koone woñ! Taba'ane *mvo'é! Va'ane Zambe akéva biyoñe bise.

¹⁸ Me mbe bia be mia, sa amu abui anyebe dam, ve amu nkômbane Zambe. Nye mia yiane ve akéva melu ya ényiñe jenan mese, a yia nye bia.

¹⁹ Mi yemeya éyoñe ji na me mbe te di bia be mia, a mbe ve éfunan.

²⁰ Kaña'ane Nti e *si nyô ése, a ve Zambe akéva. Ma zu bulane yôp e be nyô a nga lôme ma. Tila'ane mam mese me maneya kui e be mia. Ane a nga bete yôp.

²¹ Ane be nga tebe betetele; ve be nji fe beta yene nye.

²² Be nga kañe Zambe a yia bia. Be nga ve akéva amu beta be mam a nga bo: éngele Zambe a nga yené e be be.