EZEKIEL 48 - Kalate Zambe Nnomo a Mfefe Mfefé Nkôñelan

Mengabe meyoñe y'akôé

¹ Biyôlé *meyoñ mbie bi. Ataté aku'u y'akôé, tetele zene ya Helton a kui Hamat, Hatsar-Enôn, nnéa Damas akôé mfa'a ya Hamat, ataté jôbe da tôô a kui jôbe da dim: Dan, ayoñe da.

² Nnéa Dan, ataté jôbe da tôô a kui da dim: Azér, ayoñe da.

³ Nné Azér, ataté jôbe da tôô a kui da dim: Néftali, ayoñe da.

⁴ Nnéa Néftali, ataté jôbe da tôô a kui da dim: Manasé ayoñe da.

⁵ Nnéa Manasé, ataté jôbe da tôô a kui da dim: Efrayim, ayoñe da.

⁶ Nné Efrayim, ataté jôbe da tôô a kui da dim: Ruben, ayoñe da.

⁷ Nnéa Ruben, ataté jôbe da tôô a kui da dim: Yuda, ayoñe da.

Ngabe Nti

⁸ Nnéa Yuda, ataté jôbe da tôô a kui da dim, a ye bo vôm e mia ye ba'ale, ndam: Menyi'i me mo toyini mewôm mebaé a étan, ayabe ki: Ane ngabe jia ya mengap ataté jôbe da tôô a kui da dim; a vôm a n'étyi a ye bo ézezañ.

⁹ Vôme mia ye ba'ale asu Nti a ye bi menyi'i me mo toyini mewôm mebaé a étan ayap a menyi'i me mo toyini awôme ndam.

¹⁰ Betuni mbe be ne vôme y'étyi ate: Menyi'i me mo toyini mewôm mebaé a étan mfa'a y'akôé, ndam menyi'i me mo toyini awôm mfa'a jôbe da tôô, toyini awôme ndam mfa'a jôbe da tôô, ayap toyini mewôm mebaé a étan mfa'a ya nké, a vôm a n'étyi Nti a ye bo ézezañ.

¹¹ A ye bo vôma betuni, ntelan étyi e bone be Sadok été, mbe be nga nyoñ ésaé jame njuk a mbe be nga bo te yale feñ éyoñe bone b'Israél be nga mane yale feñ, avale Belévit be nga mane yale feñ.

¹² Vôm ate a ye bo éñwop ane ngabe ja dañ étyi, mvaan e ngabe si be nga ba'ale été, fefele nnéa si Belévit.

¹³ Belévit ba ye bi, *zôsôô a nnéa betuni, menyi'i me mo toyini mewôm mebaé a étan ayap a menyi'i me mo toyini awôme da, toyini mewôm mebaé a étan asu ayab ese a toyini awôm asu ndam.

¹⁴ Ba ye bo te ngule ya kuane jôm été. Ba ye bo te ngule ya folan nge kuane *bembômô ya si, amu be ne ntelan étyi asu Nti.

¹⁵ Menyi'i me mo mintete mitan mia ye li'i e ndam mfa'a toyini mewôm mebaé a étan été ma ye bo éfuse si é nji bo ntelan étyi, asu tison, bitaba'a a biwom; tison ja ye bo ézezañ.

¹⁶ Minté y'été mmie mi: Mfa'a y'akôé: Menyi'i me mo toyini ényin a mintete mitan, mfa'a ya nké: Menyi'i me mo toyini ényin a mintete mitan, mfa'a jôbe da tôô: Toyini ényin a mintete mitan, a mfa'a jôbe da dim: Toyini ényin a mintete mitan.

¹⁷ Tison ja ye bi biwom: Akôé menyi'i me mo mintete mibaé a mewôm metan, nké: Mintete mibaé a mewôm metan, e jôbe da tôô: Mintete mibaé a mewôm metan a e jôbe da dim: Mintete mibaé a mewôm metan.

¹⁸ Abime da buk mfa'a y'ayap, *zôsôô a ngab é n'étyi, menyi'i me mo toyini awôm e jôbe da tôô a toyini awôm e jôbe da dim, a ye bo *zôsôô a vôm a n'étyi. Biôme bia yô été bia ye bo bidi mfa'a bôte ba ye saé asu tison.

¹⁹ Bôte ba ye saé asu tison ba ye nyoñeban e *meyoñ mese y'Israél été.

²⁰ Ngab ése é ne mvaan ja ye bi ayap menyi'i me mo toyini mewôm mebaé a étan, ndame ki toyini mewôm mebaé a étan; mia ye vaa ngabe nyini ya vôm a n'étyi asu tison.

²¹ Abime da li'i da ye bo asu évet e mimfa'a mibaé ya vôm a n'étyi a vôm a wô'ane tison, tetela Menyi'i me mo toyini mewôm mebaé a étane ya ngap é ne mvaan a kui nné ya jôbe da tôô, a mfa'a jôbe da dim tetela menyi'i me mo toyini mewôm mebaé a étan mfa'a nné ya jôbe da dim, *zôsôô a mengap. Vôm ate a ye wô'an évet. Ngab é n'étyi a vôme ya Nda Zambe a n'étyi ba ye bo ézezañ.

²² Tetela ngabe ja wô'ane Belévit a nyô ja wô'ane tison, ngabe ja ye wô'an évet ja ye bo ézezañ, zañe nnéa Yuda a nyô Bényamin. Ja ye bo ngabe évet.

Mengabe meyoñe ya nké

²³ Meyoñ ma li'i mme ma: Ataté jôbe da tôô a kui da dim: Bényamin, ayoñe da.

²⁴ Nnéa Bényamin, ataté jôbe da tôô a kui da dim: Siméoñ, ayoñe da.

²⁵ Nnéa Siméoñ, ataté jôbe da tôô a kui da dim: Isakar, ayoñe da.

²⁶ Nnéa Isakar, ataté jôbe da tôô a kui da dim: Zabuloñ ayoñe da.

²⁷ Nnéa Zabuloñ, ataté jôbe da tôô a kui da dim: Gad ayoñe da.

²⁸ Nnéa Gad, ataté mfa'a wo lumbu a kui nké, nné a ye ke ataté Tamar a kui mendime ya Meriba e Kadés, a kui ôtôñ mfa'a ya beta mañ.

²⁹ Nne si mia ye kap an'élik a mboon *asimba e be *meyoñ y'Israél é ne nalé a nne mengabe map me ne nalé, nalé Nti nyô a ne Nti a jô.

³⁰ Mezene ya tison mme ma: Akôé é ne menyi'i me mo toyini ényin a mintete mitan.

³¹ Mimbé ya tison mi be'e biyôlé meyoñe y'Israél, mimbé milal akôé: Wua asu Ruben, wu ôvok asu Yuda *mbé wua asu Lévi;

³² mfa'a jôbe da tôô: Menyi'i me mo toyini ényin a mintete mitan: Mimbé mila: Mbé wua asu Yôsep, *mbé wua asu Bényamin, *mbé wua asu Dan;

³³ mfa'a ya nké, menyi'i me mo toyini ényin a mintete mitan, mimbé wua asu Zabuloñ;

³⁴ mfa'a jôbe da tôô, menyi'i me mo toyini ényin a mintete mitan, mimbé mila: Mbé wua asu Gad, *mbé wua asu Azér, a *mbé wua asu Néftali.

³⁵ Mbôma'an, menyi'i me mo toyini awôm a muam. A ataté *môs ôte, jôé tison da ye bo na: Nti a ne va.