BESAM 13 - Kalate Zambe Nnomo a Mfefe Mfefé Nkôñelan

Meye'elane ya sili mvolan awolo njuk

¹ Jia David asu évete beyia bia.

² A kui éyoñ évé wo ye vuane ma éyoñ ése, a Nti' A kui éyoñ évé wo ye solé ma asu dôé'

³ A kui éyoñ évé ma ye bi njuk e nsisime wom été, a ôlune *môs ôse e nleme wom été' A kui éyoñ évé nsiñe wom a ye wosane ma'

⁴ Fombô'ô, yala'ane ma, a Nti, e Zambe wom! ku'i ma mis, me za ke ôyo awu été.

⁵ Nsiñe wom a za jô na: Me dañeya nye! a bôte be ne me ngame yat be za va'é éyoñe ma ndeñ.

⁶ Ve ma me too ndi e be mvame jôé, nleme wom wo fôn amu nyiane wôé; ma ye yia Nti bia amu a boya me mvaé.