Matayo 1 - Bokanda Bona Yakomba Bon’ototo

¹ Bokanda bon’eotwelo ena Yesu Masiya, bon’ona Dawidi, bon’ona Abalayama.

² Abalayama aotaki Isaka; ko Isaka aotaki Yakobo; ko Yakobo aotaki Yuda ko l’atoolo’anande;

³ ko Yuda aotaki Pelese la Zela, ban’ana Tamala; ko Pelese aotaki Eselone; ko Eselone aotaki Lama;

⁴ ko Lama aotaki Aminadamba; ko Aminadamba aotaki Nasona; ko Nasona aotaki Salomona;

⁵ ko Salomona aotaki Boaza, bon’ona Laba; ko Boaza aotaki Obede, bon’ona Luta; ko Obede aotaki Yisai;

⁶ ko Yisai aotaki Dawidi, lifoka lina roi. Ko Dawidi aotaki Solomona, bon’ona boyoto onoyalaki booli ona Uliya;

⁷ ko Solomona aotaki Labama; ko Labama aotaki Abiya; ko Abiya aotaki Asa;

⁸ ko Asa aotaki Yosapata; ko Yosapata aotaki Yolama; ko Yolama aotaki Uziya;

⁹ ko Uziya aotaki Yotama; ko Yotama aotaki Aza; ko Aza aotaki Izikiya;

¹⁰ ko Izikiya aotaki Manase; ko Manase aotaki Amona; ko Amona aotaki Yosiya;

¹¹ ko Yosiya aotaki Yekonya ko l’akune’anande en’esik’enek’iy’otolamaka ena Babela.

¹² Ena mbusa, enek’iy’otolamaka ena Babela, Yekonya aotaki Salatiele; ko Salatiele aotaki Zelubabela;

¹³ ko Zelubabela aotaki Abiuda; ko Abiuda aotaki Eliyakima; ko Eliyakima aotaki Azola;

¹⁴ ko Azola aotaki Sadoka; ko Sadoka aotaki Akimi; ko Akimi aotaki Eliyuda;

¹⁵ ko Eliyuda aotaki Elazala; ko Elazala aotaki Matana; ko Matana aotaki Yakobo;

¹⁶ ko Yakobo aotaki Yosefa, bome’ona Malia onootaki Yesu, onotangama Masiya.

¹⁷ Yok’osamb’oho, en’atenyi bana Abalayama la Dawidi biotwelo biyali jo l’inei; ko en’atenyi bana Dawidi l’esike enek’iy’otolamaka ena Babela biotwelo jo l’inei; ko en’atenyi ban’esike enek’iy’otolamaka ena Babela ko la Masiya biotwelo jo l’inei.

¹⁸ Eotwelo eneki Yesu Masiya ootwaka eyaaki yok’osamb’one: Eneki boyango’onande Malia oyalaka ikuke ina Yosefa, kuma batasongana, ayaaki la yemi la Bolimo bon’olotsi.

¹⁹ Koko Yosefa, bome’onande, ayaaki boto’ona mbongi, ko atalanga yatel’ende nsoi en’oso bon’ato, akanelaki lacina ayumole la lokuko.

²⁰ Koko enem’end’okanela baoyi’ane, lenda, ekima ena Yawe enyaki eneyal’ende ena lilotua, ate, Yosefa, bon’ona Dawidi, taangake lisonga Malia booli’one; ende amotola yemi la Bolimo bon’olotsi.

²¹ Ko angota bon’ona mpame, ko ongof’ende lina lika Yesu, lacin’oka angikya bato’anande en’aoyi’owe’aniyo.

²² Baoyi’ane bahatu bailamaki lacina baoyi banaki Yawe otendaka la bosumoli bailame, ate,

²³ Lenda, boyoto onotaate bome angotola yemi, ko angota bon’ona mpame, Ko bangof’ende lina lika Imanwele ncina ena liho nko Yakomba ayali l’iso.

²⁴ Ko eneki Yosefa oetwaka en’ilo, ailaki yok’onoki ekima ena Yawe olakaka, ko aosonga booli’onande;

²⁵ ko atasangana l’ende, yengoko aotaki bon’ona nsomi ona mpame, ko aofaki lina lika Yesu.