মার্ক 6 - মারমা বাইবেল (নতুন নিয়ম)-বিবিএসনাসারতমা আস্যাং যীশু ম্যাকন্হা মিহি ফ্রইখ্রাং ( মথি ১৩:৫৩-৫৮ ; লূক ৪:১৬-৩০ ) 1 য়াং নক যীশু য়াং আঃরাগো বৈরো কো রুওয়াদুঃ লাঃখারি, 2 অর য়াংসুউ তিবিরোলি, যীশু নক্কা লৈকেরি। সাদাং রাকনিই যীশুচা তাঃরা চেরেমা লাঃরো সুওয়েংসাং পিইলিইরি। লুঃউম্যারোচা যীশু চাঃগাগো ক্রারো, এংঅরো প্রগেলিইরি, “দিঃ লুঃউ যাগা দিঃচারো রাঃরিলি? য়াংসুউগো পিইচা দিঃ পঞ্যা, যা পঞ্যা লিঃ? অর য়াংসুউ এংঅফুয়ি এংঅফুয়ি অলুকলি লুকতি। 3 দিঃ লুঃউচা থুউ খেএ লুকসা মুহুক লঃ? দিঃসুউ মরিয়ম সাঃ মুহুক লঃ? যাকোব, যোষেফ, যিহূদা অর শিমোন ঞিং মুহুক লঃ? য়াংসুউ ঞিংমারো, দিঃমা ঙোরোনা মিহিক লঃ?” দিঃ পুয়েং যীশুগো য়ুউরো লুঃউরো চিইমা আতাং আখ্যা ফ্রইকেরি। 4 য়াংখা যীশু য়াংসুউরোগু প্রলিইরি, “কোঃ রুওয়া, কোঃ মুয়ুছুয়িই-দাঃনা অর কোঃ ইং মুহুকপ্রি আখ্রা আলুং আঃরামা রিসিইরোচা ম্যাকন্হা রাঃরি।” 5 য়াংনক যীশু লৈগায়ক রঃগাসি আপমা আলাক তাংরো, য়াংসুউরোগু কেইংমাজিলিইরি, য়িগিলি য়াংদেমা অর তুখুউলি এংঅফুয়ি অলুক লুকফু মনৈংলিব্যা। 6 লুঃউরো যীশুগো মুক্যুংচাগো ম্রাংরো, যীশু কংগং এংঅলিরি। য়াংনক যীশু রুওয়াদৈং রুওয়াদৈং লাঃরো তাঃরা হঃপ্রালিরি। তিবিরো তাঃরা হঃফু লাঃচা ( মথি ১০:১ , ৫-১৫ ; লূক ৯:১-৬ ) 7 নক্কা যীশু থুঃউঃ তিছিনৈয়ক তিবিরোগু কোবাদুঃ খঃলৈতি অর তাঃরা হঃফুকিজু হ্নয়ক হ্নয়ক প্যাংরো রুওয়েলৈতি। যীশু মকং নেঃরো আপমা ক্ষেমতা তিবিরো আপমা পিইলিরি। 8 লাঃরি লেংমা কিজু যীশু তিবিরোগু দুওক তখ্যং মুহুকপ্রি তুখুউলি য়ুউফু মিপিইলিই। ভং মুং, ওয়িই, খাঃ-খেবেংমা পয়স্যা তয়ং মুয়ুউগি ছুরো হেংলিইরি। 9 যীশু তিবিরোগু ফেনেংগা পিইলিইরি, য়িগিলি আংগি তিথিথাক আম্যা মুওয়েকিছুরো হেংলিরি। 10 যীশু য়াংসুউরোগু অরলি প্রলিইরি, “নাংরো যা ইংমা ওয়ংফুলি, য়াং রুওয়া বৈরো মাঃলাসাগ্রা-য়াং ইংমা নিংলি। 11 যা আঃরামা লুঃউরো নাংরোগু লাক মেখেংলি মুহুকিলি নাংরো চাঃগাগো নামুথংলি, য়জংফ্রইকি য়াং আঃরাগো বৈ লাঃফুখা-নাংরো ফুওয়ামা আমুংগো খাঃআ বৈলিগে, যাফুলিছুগি য়াংচা য়াংসুউরো কিজু সাকসি ফ্রইপেচি।” 12 য়াংখা তিবিরো লাঃরো তাঃরা হঃপেকেলিইরি, যাফুলিছুগি লুঃউরো আপ্রইকা চিই প্রেংগেঅং। 13 তিবিরো কংগং আম্যা মকং নেঃরোগু ন্হাং থুউকলিইরি অর লুঃউম্যা রঃগাসিরো আগংমা ছিই কেইংরো কেইংমাজিলিরি। রিঃঙুক মাঙ্গালা পিইসু যোহন সিইখ্রাং ( মথি ১৮:১-১২ ; লূক ৯:৭-৯ ) 14 যীশু নাঃমিচা লিফাকলাকচি ক্যঞালিইরি কিজু, মাং হেরোদচা যীশু আক্রংলিলাগো ক্রালিইরি। তয়কতিরি প্রগেলিরি, “দিঃ লুঃউচা থুউ রিঃঙুক মাঙ্গালা পিইসু যোহন। য়াংসুউ আসিইগা, হ্রাং থাঃরি কিজুরা দিঃ এংঅফুয়ি অলুকরোগু লুকনৈংচা।” 15 তয়কতিরি প্রগেলিরি, “দিঃ লুঃউচা এলিয়”, অর তয়কতিরি প্রগেতি, “আয়াংখা রাকমা রিসিঞ্যং তয়ক দিঃসুলি তয়ক।” 16 দিঃ চাঃগারোগু ক্রারো হেরোদ মাং প্রলিরি, “য়াংসুউ যোহন, যাসুউ আগংগো ফ্রেফু আনা ঙা পিইলিরি। অর প্রেংরো য়াংসুউ হ্রাং থাঃরি।” 17-18 দিঃ প্রাসানা হ্রিইগা, হেরোদ মাংচা লুঃউ রুওয়েরো যোহনগো ফেংলিইরি অর য়াংসুউগো খ্যয়েংরো থংমা থিঃলিরি। হেরোদ মাংচা য়াংসুউ ঞিং মাঃয়া হেরোদিয়া কিজুরা দিঃ অলুকো লুকলিইরি। হেরোদ মাংচা হেরোদিয়াগো নেঃজেরি কিজু, যোহনচা আপ্রেইং হেরোদ মাংগো প্রলিরি, “কোবাংমা ঞিং মাঃয়াগো কোবাং নেঃজেচা মাসাংলি।” 19 য়াংচা কিজু যোহন আপমা হেরোদিয়া কংগং মেং হিকলিইরি। য়াংসুউ যোহনগো সেঃবৈফু ক্রিলিরি, 20 ছুগি হেরোদ যোহনগো ক্রকতি কিজু, য়াংচাগো লুকফু মনৈং। যোহনচা তয়ক থাওরা ফুরা রুসিইসা অর সেংস্যাংস লুকলো হেরোদ মাংচা সিইরি, য়জং কিজু হেরোদ মাংচা যোহনগো ফিই-দেন লাক্কা মাঃআ থাঃলিরি। যোহন চাঃগাগো নাঃথংখা কংগং তেঃজে তুইগিলি, হেরোদ মাংচা য়াংসুউ চাঃগাগো নাথংফু সাঃয়ালিইরি। 21 নক্কা হেরোদিয়া তুখুক আলিঃ রাঃলিইরি। হেরোদ কোঃ ম্যুইরাকমা য়াংসুউমা আগ্রিই আগ্রিই মাং বেইন্ডা, চৈবু অর গালীল প্রিনিমা আগ্রি আগ্রি লুঃউরোগু খঃরো থামাং তেথে পিইলিরি। 22 হেরোদিয়া সিঃমিংচা য়াং থামাংজা পুয়িমা কাঃ প্রারো হেরোদমাংনা আগেংদুকরোগু চিইমা আপ্য পিইলিরি। য়াংখা মাংচা সিঃমিংগো প্রলিইরি, “নাং যা লুরিলি, ঙা য়াংচাগো আম্হেং পিইফু।” 23 হেরোদ মাংচা সিঃমিংমা কিং কৈংরো প্রলিইরি, “নাং যা লুরিলি, ঙা য়াংচাগো আম্হেং পিইফু। প্রফুচাঞ্যংছুগি, ঙা মাং আঃরাগো তুফুতয়ং পিইফু।” 24 সিঃমিংচা লাঃরো মিখাংগো প্রলিরি, “ঙা যা তংফুলি?” য়াংসুউ মিখাংচা প্রলিরি, “রিঃঙুক মাঙ্গালা পিইসু যোহন আগং।” 25 সিঃমিংচা খ্যাং খ্যাং লাঃরো মাংগো প্রলিইরি, “লংবেং তেখেমা থিঃরো ঙা আগু রিঃঙুক মাঙ্গালা পিইসু যোহন আগংগো লুরি।” 26 দিঃ চাঃগাগো ক্রারো হেরোদ মাংচা কংগং চিই ঞ্যলিরি, য়িগিলি থাঃমাং চাঃফু পাংচা লুঃউরো হ্রিঃথাকমা কিং কৈংরো প্ররো হিকরি কিজু, সিঃমিং চাঃগাগো মঃবৈন্হেংলিই। 27-28 মাংচা য়াংচা খ্যাং খ্যাং যোহন আগংগো ফ্রে য়ুউখাফু কিজু লুঃউখুওয়েসা তয়ককো আনা পিইলিরি। য়াং লুঃউখুওয়েসাচা থংদুঃ লাঃরো যোহন আগংগো ফ্রেরো লংবেং তেখেমা থিঃরো য়ুখালিরি। মাংচা য়াংচাগো সিঃমিংগো পিইব্রিরি নক সিঃমিংচা য়াংচাগো য়ুউরো মিখাংগো পিইলিরি। 29 দিঃ সাদাংগো ক্রারো যোহন তিবিরোচা যোহন আলংগো য়ুউ লাঃরো সাংগ্রুগেলিইরি। ঙাথং লুঃউগো আঃচা পিইখ্রাং ( মথি ১৮:১৩-২১ ; লূক ৯:১০-১৭ ; যোহন ৬:১-১৪ ) 30 যীশু যা তিছিনৈয়ক তিবিরোগু তাঃরা হঃপ্রাফু কিজু রুওয়েলৈতিলি, য়াংসুউরো প্রেং লাঃব্যা অর যা যা লুককেলিরিলি- সুয়েংসাং পিইগেলিরিলি য়াংচা আলুংচাগো প্রপ্রাগেলিরি। 31 য়াং আখিংমা লুঃউম্যারোচা য়াংদেমা লাঃগেতি-সাওয়াগেতি কিজু তিবিরোচা তুখুউলি চাঃআফু আলিঃ মাঃরাগেলি। য়াংচা কিজু যীশু য়াংসুউরোগু প্রলিরি, “নাংরো তিদিং-চিঃছিঃ আঃরা তেরেমা লাঃরো ঙানা তছং নাঃগে।” 32 য়াংসুউরো লংমা তাকরো তিদিং-চিঃছিঃ আঃরা তাঃরাদুঃ লাঃখাগেতি। 33 য়াংসুউরো লাঃরিচাগো ম্রাংরো লুঃউম্যারোচা সিইগেলিরি অর নেংবুনেংবা রুওয়ারোগা ব্রি লাঃরো, য়াংসুউরো হ্রিঃগা রককেলিরি। 34 যীশু লংগা ছাংরো লুঃউম্যাগো ম্রাংলিরি। য়াং লুঃউরো কিজু যীশু কংগং সাঃনাফুয়ি রকরি আক্রংগা য়াংসুউরো ফিইচা ক্যংসা মিহি সাংফছুইঞ্যংব্যা। যীশু য়াংসুউরোগু যে যে আক্রংলিলাগো সুয়েংসাং পিইলিরি। 35 নিং ওয়ংলুক পাঃরিখা, তিবিরোচা যীশুগো লাঃরো প্রগেলিরি, “আঃরাচা চিঃছিঃ-কাক্রাক, নিংলি ওয়ংখাব্যা। 36 লুঃউরোগু রুওয়েলৈফি, যাফুলিছুগি য়াংসুউরো নেংবুনেংবা রুওয়ামা লাঃরো কোরোকিজু আঃচা-আসক হ্রান্হেংঅং।” 37 যীশু প্রলিইরি, “নাংরো য়াংসুউরোগু চাঃআফু পিইগে।” তিবিরোচা প্রগেলিইরি, “ঙারো লাঃরো সাব্রা নৈরাফু ভংমুং ওয়িয়ুউরো, য়াংসুউরোগু চাঃআফু পিইলৈফু লঃ?” 38 যীশু প্রলিরি, “নাংরোবামা ভংমুং মন্হস্যাক হিকরিলি, লাঃরো ক্রিলৈই।” তিবিরোচা লাঃক্রিরো প্রগেলিইরি, “ভংমুং ঙা স্যাক অর ঙাঃ ন্হৈকং হিকরিব্যা।” 39 য়াংখা যীশু তিবিরোগু অাঃনা পিইলিরিচাগা, তিবিরোচা লুঃউরোগু ম্রাক আথাকমা থৈংজি। 40 লুঃউরোচা তা-রা তা-রা, ঙাছিই-ঙাছিই স্যুই প্যাংরো থৈংগেলিরি। 41 যীশুচা থুঃউ ঙাস্যাক ভংমুংনা ঙাঃ ন্হৈকংগো য়ুউরো, গংখাং ফুংদুঃ ক্রিরো থাওরা ফুরাগো কিজুতাংলিরি, অর লুঃউরোগু পিইফু কিজু ভংমুংগো ফিঃরো তিবিরো আলাকমা পিইলিরি। ভংমুংঞ্যং যীশু আলুংসুউগো ঙাঃগুলি ফুঃপিইলৈতি। 42 য়াংসুউরো আলুংসুউ ওয়েং তিব্রি চাঃগেলিইরি। 43 য়াংনক তিবিরোচা ম্রেচা ভংমুংনা ঙাঃ আপিঃগো ককয়ুউরো তিছিঃ ন্হৈখারাংমা ফ্রিগেলিইরি। 44 যাসুউরো চাঃগেলিরি, য়াংসুউরো আতুওয়ংমা য়ক্ক্যাবাং হিকলিইরি ঙা-আ থং। রিই আথাকমা সুওয়াখ্রাং ( মথি ১৪:২২-৩৬ ; যোহন ৬:১৫-২১ ) 45 যীশু য়াংনক, কোঃ তিবিরোগু প্রলিচাগা-তিবিরোচা লংমা তাকরো কোঃ হ্রিঃগা ম্রঃ কেইং থুঃউগাব্রাক বৈৎসৈদা রুওয়াদুঃ লাঃগেলি, অর যীশুচা দিঃমা লুঃউরোগু রুওয়েলিরি। 46 লুঃউরোগু রুওয়েপ্রিখা, যীশু ছুঃউকতংফু কিজু তংদুঃ তাক লাঃখারি। 47 যাখা ঞিঃ ফ্ররি য়াংখা তিবিরো লংচা ম্রঃ আঃলিগংমা হিকলিইরি অর যীশুচা নুংখ্যাং তংমা হিকলিইরিব্যা। 48 যীশু ম্রাংলিরিচাগা, তিবিরোচা কংগং দুঃখাওয়া খেংরো লং ল্যগেতি, আক্রংগা লিইচা য়াংসুউরোমা আপ্রইেং হিকলিইরি। মুঃলাংখিংমা যীশুচা ম্রঃরিঃ আথাক্কা সুওয়ারো তিবিরোবাদুঃ লাঃলিইরি অর তিবিরোগু বৈরো হ্রিইগা লাঃলিইরি। 49 য়জংছুগি তিবিরোচা যীশুগো ম্রঃরিঃ আথাকমা সুওয়া লাঃচাগো ম্রাংরিখা, নেঃ তুওয়করো অঃগেলিইরি, 50 আক্রংগা যীশুগো ম্রাংরো আলুংসুউ ক্রককেলিরি। যীশু খ্যাং খ্যাং তিবিরোনা চাঃগা প্রলিরি। যীশু তিবিরোগু প্রলিরি, “ঙা মুহু লঃ; মক্রককি, চিইমা রিই থাঃ।” 51 যীশু তিবিরো লংমা তাকপ্রিনক, লিঃই তেং লাঃখারি। য়াংচাগো ম্রাংরো তিবিরোচা কংগং এংঅগেলিরি, 52 আক্রংগা দিঃ হ্রিইগা ভংমুং চাঃজিচা আক্রংলিলাগো নাঃমিলিগেলি; তিবিরোচা চিইচা নাঃমিলিব্রি হিকলিইরিব্যা। 53 যীশুনা তিবিরোচা ম্রঃ কেইং কুউরো গিনেষরৎ নেংবুনেংবা লাঃরো লংগো খ্যয়েংগেলিরি। 54-55 য়াংসুউরো লংগা ছাংরি খ্যাং খ্যাং লুঃউরো যীশুগো সিইরো, য়াং হেঃতেবে নেংবুনেংবা লুঃউরো আব্রি-আসুওয়া ফ্রইকেলিরি। য়াংনক যীশু যামা হিকরিলি, য়াংচাগো আঃসিক য়ুউরো-য়াংসুউরোচা সাংফ্রুং আথাকমা সানাসিরোগু তাংরো যীশুবাদুঃ য়ুউ লাঃগেলিইরি। 56 ম্রুমা, রুওয়ামা, যাদু যীশু লাঃরিলি য়াংদেমা লুঃউরোচা সানাসিরোগু য়ুউরো জিইমা চুক থাঃগেতি। য়াংসুউরো যীশুগো আতংবেং থাঃগেচাগা, সানাসিরোচা যীশু কোঃরুংগো তাখ্যাং তঃফু রাঃঅং, অর যাসুউরো যীশুগো তঃফু রাঃরিলি, য়াংসুউরো কেইংমা লাঃরি। |