মার্ক 14 - মারমা বাইবেল (নতুন নিয়ম)-বিবিএসযীশু আগংমা আম্যুয়িং ছিঃ সুয়েংখ্রাং ( মথি ২৬:১-১৬ ; লূক ২২:১-৬ ; যোহন ১১:৪৫-৫২ ; ১২:১-৮ ) 1 ক্যুয়েম্রকতি পুয়িনা চিছিই মিথিব্রি ভংমুং পুয়িই ক্যাফু অর নৈরাক ব্যা। গংখ্যুক ফুংগ্রিরোনা কেইং ছারারোচা আথিঃখু যীশুগো তিঃরো সেঃবৈফুচা আঃলি হ্রাগেলিরি। 2 য়াংসুউরো প্রগেলিরি, “ফুয়িখা মুহু; লুঃউ রংরাংছারো ফ্রইনৈরি।” 3 য়াংখা যীশু বৈথনিয়ামা আনুং রগাসি শিমোন ইংমা হিকলিরি। যীশু যাখা চাঃআরিলি, য়াংখা মিঃমা তয়ক আফ্রু ক্যক খুওয়কমা কংগং আফুদেং আম্হেং আম্যুয়িং ছিইগো য়ুউ লাঃরিলি। থুউ খুওয়ককো খুয়িরো যীশু অাগংমা থুউ আম্যুয়িং ছিঃগো সুয়েংখ্যালৈতি। 4 য়াংদেমা যাসুরো হিকলিরি, য়াংসুউরো আতুওয়ংগা লৈগায়ক চিইছুরো তয়ককো তয়ক প্রগেলিইরি, “দিঃ পুয়েং প্যাংরো যাফু আম্যুয়িং ছিঃগো ফ্যাকবলৈতিলি? 5 দিঃচাগো রংগি সাব্রা সুংরাথাক আম্যা রাঃফু অর য়াংচাগো ছাংরিসারোগু পিইনৈলিফু।” দিঃ চাঃগা প্ররো য়াংসুউরো থুউ মিঃমাগো হককেলিইরি। 6 য়াংখা যীশু প্রলিইরি, “তেংগে, যাফু নাংরো য়াংসুউগো চিইছুজিগেতিলি? য়াংসুউগা ঙা কিজু আকং অলুকরা লুকরি। 7 ছাংরিসারোগা খ্যাংখামুছু নাংরোবামা হিকরি, অর যাখা চিই ছেন্দা ফ্রইতিলি, নাংরো য়াংসুউরোগু মাঃআনৈংরি, ছুগি ঙাগোগা নাংরো খ্যাংখাফ্র মাঃরা মুহুক। 8 য়াংসুউ যা নৈরিলি, য়াংচা লুকরি। ঙাগো সাংখ্যুয়েং য়াংফু কিজু, য়াংসুউ হ্রিইগাকাবাং ঙা কাইংথামা আম্যুয়িং ছিঃ সুয়েংখ্যারিব্যা। 9 ঙা নাংরোগু আম্হেং প্ররি, কাবামা খ্যাংরামাফ্রলি থাওরা ফুরা ঈ আকং সাদাংগো ক্যঞালিফু, য়াংদেমা দিঃ মিঃমা চাঃগাগো আতুওয়ক পিইফু কিজু, য়াংসুউমা দিঃ অলুককোলি প্রগেলিমি।” 10 য়াংনক যিহূদা ইস্কারিয়োৎ নাঃমিনা থুঃউঃ তিবি তিছিনৈয়ক আতুওয়ংগা তয়ক যীশুগো তিঃ পিইফু কিজু গংখ্যুক ফুংগ্রিরোদুঃ লাঃখারি। 11 ফুংগ্রিরোচা যিহূদা চাঃগাগো ক্রারো সাঃয়াগেলিরি অর য়াংসুউগো টেংগা পিইমিছুরো প্রগেলিইরি। য়াংখা যিহূদা যীশুগো তিঃ পিইফু কিজু আলিঃ হ্রালিইরি। ক্যুয়েম্রকতি পুয়িমা অাতুং চাঃখ্রাং ( মথি ২৬:১৭-৩০ ; লূক ২২:৭-২৩ ; যোহন ১২:২১-৩০ ; যোহন ১৩:২১-৩০ ) 12 চিছিই মিথিব্রি লুকচা ভংমু পুয়িই পাথামা রাকনি ক্যুয়েম্রকতি পুয়িই রাক কিজু চাঃফু আতুওয়ক সাংফছুয়িই শ্যি খুওয়েতি। য়জংকিজু তিবিরো যীশুগো মিংলিরি, “কোবাং কিজু ক্যুয়েম্রকতি পুয়িই আঃচাচা যামা লাঃরো ঙারো য়াংবাফুলি?” 13 য়াংখা যীশু কোঃ তিবি নৈয়ককো দিঃ চাঃগা প্ররো রুওয়েলৈতি, “নাংরো ম্রুদুঃ লাঃগেলিই। য়াংদেমা জং তয়ক য়ক্ক্যা ম্রাংলিমি, যাসুউ ওখাক তুলুংমা রিঃথিঃরো য়ুউরো লাঃরি। নাংরো য়াংসুউ নক্কা নক্কা লৈকেলি। 14 য়াংসুউ যা ইংমা ওয়ংফুলি, য়াং ইং ইংস্যাংগো প্রগেলি, ‘ছারা প্রলৈতি, তিবিরোনা আতু ঙা যাদেমা ক্যুয়েম্রকতি পুয়িই আঃচাগো চাঃনৈঅং, ঙাক য়াং আগেংদুক ইংমা যামালি?’ 15 য়জংপ্রগি য়াংসুউ নাংরোগু ইং নৈছাক আম্রাং আথাকমা তুখু ছাংরো হিকচা ইংগ্রি তিইং প্রালিমি। আলুংচা য়াংদেমা য়াংগেলি।” 16 য়াংখা তিবিরো ম্রুমা লাঃখাগেতি, অর যীশু যাপুয়েং প্রলৈতিলি, য়াংপুয়েং ম্রাংগেলিরি অর ক্যুয়েম্রকতি পুয়িইগো য়াংগেলিরি। 17 মুম্যুয়েং ফ্রইখা যীশু থুউ তিছিনৈয়কো য়ুউরো লাঃখারি। 18 য়াংসুউরো যাখা থৈরো চাঃআগেতি, য়াংখা যীশু প্রলিরি, “ঙা নাংরোগু আম্হেং প্ররি, নাংরো আথিগা তয়ক ঙাগো তিঃ পিইফু, য়াংসুউচা ঙানা চাঃআরি।” 19 তিবিরোচা চিইঞ্যকেরি অর তয়ক নক তয়ক প্রগেলিরি, “য়াংসুউচা ঙা লঃ, আস্যাং?” 20 যী শু য়াংসুউরোগু প্রলিইরি, “য়াংসুউ দিঃ তিছিনৈয়কমা তয়ক, যাসু ঙানা আতু খুওয়কমা ভংমুক ন্হৈতি। 21 মনুসুওয়া সাঃ সিইফু আক্রংলিলাগো য়ুউরো কেইংমা যাপুয়েং রুইরো হিকরিলি, য়াংসুউ য়াংপুয়েং সিইরোগা লাঃফু, য়িগিলি থুউ লুঃউ, যাসু য়াংসুউগো তিঃপিইরি! য়াংসুউ পিদিসেংথি মুয়ুগিবাং য়াংসুউ কিজু আকং ফ্রইলিফু।” 22 চাঃআগেতি-সককেতি, য়াং আখিংমা যীশু ভংমুংগো য়ুউরো থাওরা ফুরাগো কিজুতাংলিরি অর য়াংচাগো ফিঃরো তিবিরোগু আলাকমা পিইরো প্রলিরি, “দিঃ য়ুগে, দিঃচা ঙাক কেইংথাঃ।” 23 য়াংনক যীশু পিয়ালা য়ুউরো থাওরা ফুরাগো কিজুতাংলিরি অর তিবিরোগু পিইলিরি। তিবিরো আলুংসুউ থুউ লংবেংশ্যিগা( পেয়ালা) চাঃগেরি। 24 য়াংখা যীশু প্রলিরি, “দিঃচা ঙাক সুয়িই, যাচাগো লুঃউম্যারোগু মুহুকপ্রি ক্যাফু। লুঃউরো কিজু থাওরা ফুরা ঈ আসঃ আক্যাংগো, ঙামা দিঃ সুয়িইনা আম্রি থাঃফু। 25 ঙা নাংরোগু আম্হেং প্ররি, মনৈরাক তৈঅং ঙা থাওরা ফুরা ঈ নেংঙেংদমা চব্যসিই আরিইগো অরআসঃ প্যাংরো মঃসক য়াংরাকতৈঅং অর ঙা মাঃচাব্যা।” 26 য়াংনক য়াংসুউরো তুখুক তিখ্রাং ছুরো জৈতুন তংদুঃ লাঃখাগেতি। পিতর লাকমেখেং চাঃগাচা ( মথি ২৬:৩১-৩৫ ; লূক ২২:৩১-৩৪ ; যোহন ১৩:৩৩-৩৪ ) 27 যীশু কোঃ তিবিরোগু প্রলিইরি, “ঙাগো য়ুউরো নাংরো আলুংসুউ চিইমা তেজে তুওয়ককেমি। সেংস্যাংস কেইংমা রুইরো হিকরি, ‘ঙা ক্যংসাগো সেঃবলৈফু, য়জংছুগি ছুয়িইরোচা ক্রাংগেলিফুব্যা।’ 28 য়িগিলি ঙাগো আসিইগা আহ্রাং প্যাংব্রিনক ঙা নাংরো হ্রিইগা গালীলদুঃ লাঃফু।” 29 য়াংখা পিতর প্রলিরি, “আলুংসুউ চিইমা তেজে তুওয়ককিলি, ঙাক চিইমা তুখুউলি মুতুওয়ক।” 30 যীশু য়াংসুউগো প্রলিরি, “ঙা নাককো আম্হেং প্ররি, গানি মুঃলাংখিং ক্রাক নৈখিং মুতুয়েং হ্রিঃগা, নাং সুংব্রেং চিইঅং প্রফুচাগা, নাং ঙাগো মিসিক।” 31 য়িগিলি পিতর কেগেং প্যাংরো প্রলিরি, “ঙারা কোবাংনা আতু সিইরাফু ছুগিলি, ঙা তাখালি মঃপ্র মুহুক চাঃগা, ঙা কোবাংগো মিসিক।” তিবিরো আলুংসুউ য়াংপুয়েং চাঃগা প্রগেরি। গেঃসিমানী ওয়েংমা যীশু ( মথি ২৬:৩৬-৪৬ ; লূক ২২:৩৯-৪৬ ) 32 য়াং নক যীশুনা তিবিরোচা গেৎ শিমানী আঃরাদুঃ লাঃখাগেতি। য়াংদেমা যীশু তিবিরোগু প্রলিরি, “ঙা মন্হকতৈঅং ছুক তংরিলি, য়ল্হকতৈঅং নাংরো দিঃমা থৈংরো নিংগে।” 33 দিঃ চাঃগা প্ররো যীশুচা পিতর, যাকোবনা যোহনগো কোঃনা আতু য়ুলিরি অর চিইমা কংগং দুখুওয়া রাঃলিরি। 34 যীশু তিবিরোগু প্রলিরি, “ওয়িদানা ঙাক রাং কুয়ি লাঃরিব্যা। নাংরো দিঃমা মুয়িইপ্রি নিংগে।” 35 য়াংনক যীশু তেকে আওয়িই লাঃরো কেইংফামা ওয়েরো ছুক তংলিরি, যাফুলিছুগি নৈংরিছুগি থুউ দুখুওয়া আখিংগো মাঃরারাঅং। 36 যীশু প্রলিরি, “ফাখাং, আফা, কোবাংবামা মনৈংচা তুখুউলি মিহি। দিঃ দুখুওয়া পিয়ালাগো ঙাগা য়ুউ লাঃলিই। য়িগিলি ঙাক ছেংদা আলৈই মুুহু, ছুগি কোবাং ছেংদা আলৈই ফ্রইবাজি।” 37 য়াংনক যীশু তিবিরোবাদুঃ প্রেং লাঃরো ম্রাংলিরিচাগা, তিবিরো ওয়িকেব্যা। যীশু পিতরগো প্রলিরি, “শিমোন, নাং ওয়িতিয়াং? তানাড়িবাং নুও মিনিংনৈং লঃ? 38 নুরো নিং অর ছুউক তং, যাফুলিছুগি আচেংমা মাক্যারাঅং। চিই নুনুংমা ছেংদা হিকরি, য়িগিলি কাইংথামা আঃ মিহি।” 39 নক্কা যীশু প্রেংরো লাঃলিইরি অর তেথেং ছুঃউক তংলিরি। 40 প্রেং লাঃরো যীশু ম্রাংলিরি অর তিবিরোচা ওয়িইকেব্যা, আক্রংগা য়াংসুউরো ম্যাকচিচা ওয়িখ্যাং মুয়েরো হিকলিরিব্যা। তিবিরোচা যীশুগো যা আফ্রি পিইফুলি, তুওয়ক মাঃরাগেলিব্যা। 41 সুংগ্রিং প্রেং লাঃরো ক্রিখা, যীশু তিবিরোগু প্রলিরি, “আগুলি নাংরো ওয়িইরো নানিংগেতি লঃ? ফ্রইব্যা। আখিং ফ্রইব্যা। ক্রি, মনুসুওয়া সাঃগো আগু আপ্রইস্যাংরো অালাকমা তিঃ পিইরিদি। 42 থাঃ, লাঃ ঙারো লাঃগেমি। যাসু ঙাগো রেংসুরো আলাকমা তিঃ পিইফুলি, য়াংসুউ লাঃব্যা।” রেংসুরো আলাকমা আস্যাং যীশু ( মথি ২৬:৪৭-৫৬ ; লূক ২২:৪৭-৫৩ ; যোহন ১৮:২-২২ ) 43 যীশু য়াংখালি চাঃগা প্ররিসি, য়াং আখিংমা যিহূদা য়াংদুঃ লাঃলিইরি। য়াংসুউচা থুঃউঃ তিছিনৈয়ক তিবিমা তয়ক হিকলিরি। য়াংসুউনা আতু লুঃউম্যারোমা দাশ্যিনা দুক য়ুউ লাঃগেতি। গংখ্যুক ফুংগ্রিরো, কেইং ছারারোনা ওয়াগ্রি গংখ্যুকরোচা দিঃ লুঃউরোগু রুওয়েলৈতি। 44 যীশুগো যাসু তিঃ পিইলৈতি, য়াংসুউচা থুউ তিঃসারোনা তুখু লাকখানা ম্হেরো লাঃগেলিরি। যিহূদাচা প্রলিরি, “ঙা যাসুগো নেংফুলি, য়াংসুউচা য়াং লুঃউ। নাংরো য়াংসুউগোরা তিঃগে অর আচংনা য়ুউ লাঃগেলি।” 45 য়জংকিজু যিহূদা চঃচঃ যীশুবাদুঃ লাঃরো প্রলিরি, “ছারা!” দিঃ চাঃগা প্ররো যিহূদাচা যীশুগো নেংলিরি। 46 য়াংখা থুউ লুঃউরোচা যীশুগো তিঃগেলিরি। 47 যাসুরো যীশুবামা রেঃ হিকগেলিরি, য়াংসুউরোগা তয়ক কোঃ দাশ্যিগো থুঃউকলিরি অর মহা ফুংগ্রি ক্যুয়েংগো নাঃআ তাফাক ফ্রেরো আঃনা পিইলিরি। 48 যীশু থুউ লুঃউরোগু প্রলিইরি, “ঙা দাম্রা লঃ, যাফু কোবাংরো ঙাগো দাশ্যিনা দুক য়ুউরো তিঃফু লাঃগেতিলি? 49 ঙাগা তারাক মক্যুয়েং কোবাংরোগা নিংরো ওয়িপাসানা ক্যংমা সুয়েংসাং পিইরি, ছুগি য়াংখাগা কোবাংরো ঙাগো মিতিঃগেলি। খ্যাংঞ্যংফ্র কেইং চাউচা আব্রিচুং ফ্রইরাফু।” 50 য়াং আখিংমা আলুং তিবিরোচা যীশুগো বৈখারো ব্রিখাগেতি। 51 আপ্যুও তয়করা কাইংথামা কোঃরুং ওয়েরো যীশু নক্কা নক্কা লৈলিরি। 52 লুঃউরো যাখা য়াংসুউগু তিঃগেরি য়াংখা য়াংসুউচা কোঃরুংগো বৈখারো, আওয়ে-আঃচা মিহিকব্রি ব্রিখারি। মহা আতৈংবাংগ্রি হ্রিইগা যীশু ( মথি ২৬:৫৭-৬৮ ; লূক ২২:৫৪-৫৫ , ৬৩-৭১ ; যোহন ১৮:১৯-২৪ ) 53 থুউ লুঃউরোচা যীশুগো য়ুউরো মহা ফুংগ্রিবাদুঃ লাঃখাগেতি। য়াংদেমা গংখ্যুক ফুংগ্রিরো, গংখ্যুক ওয়াগ্রিরোনা কেইং ছারারোচা তেরোমা চুককেলিরি। 54 পিতর আওয়ি আওয়ি প্যাংরো যীশু নক্কা নক্কা লৈরো মহা ফুংগ্রি তালাংদুঃ ওয়ংলিরি। য়াংদেমা আচংসারোনা থৈংরো, য়াংসুউচা মিং নুওংলিরি। 55 গংখ্যুক ফুংগ্রিরোনা মহা আতৈংবাংগ্রি আলুঃউং লুঃউরোচা যীশুগো সেঃ বৈফু কিজু যীশু ছেংগ্যাংফাক সাকসি হ্রাগেলিরি, ছুগি তয়কলি সাকসি মাঃরাগেলি। 56 যীশুগো ছেংগ্যাংফাক লুঃউকরো লুঃউম্যারোচা সাকসি পিইগেলিরি য়িগিলি য়াংসুউরো সাকসিইচা মাক্যালি। 57 য়াংখা লৈগায়ক থাঃরো দিঃ আলিং সাকসি পিইগেলিরি, 58 “ঙারো য়াংসুউগো প্ররো ক্রাগেরি, ‘লুঃউরো লুকচা দিঃ ওয়িপাসানা ক্যংগো ঙা ফ্রোবলৈফু অর সুংরাক আতুওয়ংমা ওয়িপাসানা ক্যং তছং ছকফু, যাচা লুঃউ লুঃউকচা মুহুক।’” 59 য়িগিলি য়াংসুউরো সাকসি মাঃরাগেলি। 60 য়াংখা মহা ফুংগ্রিচা আলুংসুউ হ্রিকথাকমা রেঃরো যীশুগো মিংলিরি, “নাং তুখুকলি যাফু আফ্রি মিপিইলি? নাককো ছেংগ্যাংফাক লুকরো দিঃ লুঃউরো যা সাকসি পিইগেতিলি?” 61 য়িগিলি যীশুচা তুখুউলি আফ্রি মিপিইব্রি চিছিক নিংলিরি। মহা ফুংগ্রিচা প্রেংরো যীশুগো মিংলিরি, “নাং থুওয়েম্রকতি থাওরা ফুরা ঈ সাঃ মশীহ লঃ?” 62 যীশু প্রলিইরি, “ঙা য়াংসুউ। কোবাংরো গুংদস্যাংগ্রি থাওরা ফুরা ঈ ঞাফাকক ব্রাক্কা মনুসুওয়া সাঃগো থৈংরো ম্রাংমি অর গংখাংমা মুরিনা লাঃচাগো ম্রাংমি।” 63 য়জংক্রাখা মহা ফুংগ্রিচা কোঃ আওয়েকো ছুকরো প্রলিরি, “ঙারোমা অর সাকসি মুলুব্যা? 64 কোবাংরোগা ক্রাগেরি, দিঃ লুঃউ থাওরা ফুরাগো ঞ্যচি প্যাংরি। কোবাংরো যা তুওয়ককেতিলি?” য়াংসুউরো আলুংসুউ যীশুগো সেঃ বৈরাফু দেং রাঃথৈতিছুরো প্রগেলিরি। 65 য়াংখা লৈগায়ক যীশু কাইংথামা তুয়েংছি বৈকেলিরি অর যীশু ম্যাকন্হাগো ফুংরো লাকসিইথুরো প্রগেলিইরি, “নাং আলংসা মুহু লঃ? তুখুমাসা প্রনা ক্রিমি!” য়াংনক চংসারোচা যীশুগো য়ুউলারো পাআ সেঃকেলিইরি। পিতর লাকমেখেংচা ( মথি ২৬:৬৯-৭৫ ; লূক ২২:৫৬-৬২ ; যোহন ১৮:৫-১৮ , ২৫-২৭ ) 66 পিতর যাখা অক তালাংমা হিকলিইরি, য়াংখা মহা ফুংগ্রিরোমা ক্যুয়েংমা তয়ক য়াংদুঃ লাঃলিইরি। 67 য়াংসুউচা পিতর মিংন্হুংচাগো ম্রাংলিরি অর কংগং আহ্লা প্যাংরো পিতরগো ক্রিরো প্রলিইরি, “কোবাংলিগা থুউ নাসরত যীশুনা হিকলিইরি।” 68 ছুগি পিতর লাক মেখেংব্রি প্রলিইরি, “নাং যা প্ররিলি, ঙা সিলিমিসি-নালিমিলি।” দিঃ চাঃগা প্ররো পিতর প্রাং লেংখুওয়াদুঃ লাঃখারি, অর য়াংখা ক্রাক তগং তুওয়েংলিরি। 69 ক্যুয়েংমাচা পিতরগো য়াংদেমা রেঃহিচাগো ম্রাংরো, য়াংদেমা যাসুরো রেঃ হিকসারোগু প্রেংরো প্রলিইরি, “দিঃ লুঃউচা থুউসুউরোমা তয়ক।” 70 পিতর প্রেংরো লাকমেখেংলি। যাসুরো পিতরবামা রেঃ হিকলিইরি, য়াংসুউরোলি তানাখা পিতরগো প্রগেলিইরি, “আম্হেং নাং য়াংসুউরোমা তয়ক, আক্রংগা নাং গালীল লুঃউ।” 71 পিতর য়াংখা কোঃগো কিংছি থিঃলিরি অর কিং কৈরো প্রলিইরি, “নাংরো যাসুউগো য়ুউরো প্রগেতিলি, ঙা য়াংসুউগো মিসিক।” 72 অর খ্যাং খ্যাং হ্নইক্রিং ম্রকরো ক্রাক তুয়েংলিরি। যীশু প্রলিইরিচাগা, “ক্রাক নৈইখিন মুতুয়েং হ্রিঃগা নাং সুংগ্রিন চিইঅং প্রলিমি, নাং ঙাগো মিসিক,” য়াং চাঃগা য়াংখা পিতর তুওয়ক রাঃলিরি। য়জংছুখা পিতরচা ঙুলিইরি। |