মথি লিখিত সুসমাচার 24 - মারমা বাইবেল (নতুন নিয়ম)-বিবিএসখঃ আতুং রাকচা ( মার্ক ১৩:১-১৩ ; লূক ২১:৫-১৯ ) 1 যীশুচা ওয়িইপাসানা ক্যংগা থুওয়ক লাঃলিইরি, য়াং অাখিংমা যীশু তিবিরোচা যীশুগো ওয়িইপাসানা ক্যংমা ছিবংরোগো প্রাফু আতুওয়ক যীশুদুঃ লাঃগেলিইরি। 2 য়াংখা যীশু তিবিরোগো প্রলিইরি, “নাংরোগা দিঃচারোগো ম্রাংগেতি য়িগিলি ঙা নাংরোগো আমেইং প্রফুচাগা, দিঃমা ক্যক তুলুং আথাকমা অর তুলুং হিকফু মুহুকপ্যা; আলুংচাগো ফ্রুবৈফু।” 3 নক্কা যীশু যাখা জৈতুন তংমা থৈং হিকলিইরি য়াংখা তিবিরোচা স্যুও লাঃলো যীশুগো মিংগেলিইরি, “ঙুরোগো প্র য়াংচারো যাখা ফ্রইফুলিঃ অর যা লাকখানাগো ম্রাংলো ঙুরো সিকফুলি, কুবাং লাঃফু আখিং তৈংব্যা অর খঃ আছুং রাক রকব্যা?” 4 অাফ্রিমা যীশু প্রলিইরি, ক্রিগে, তয়কলি নাংরোগো মিলিংরাঅং, 5 আক্রংগা লুঃউম্যারোচা ঙা নাঃমিগো য়ুউ লাঃলো প্রগেফুচাগা, ‘ঙা মশীহ (ফোরালং,’ অর লুঃউম্যারোগো মুসুওয়া সুংফু। 6 নাংরো নাঃমা চঃ থাঃচাগো ক্রাগেলিইমি অর চঃ ফ্রইচাগোলি ক্রাগেমি। য়িগিলি সিঃধি রেঃকে! য়াংচাগো ক্রালো মক্রককেকি আক্রংগা য়াংচারো ফ্রইফু; য়িগি য়াংখালি মুুছুংসিই। 7 লুঃউ তুম্যুওসাচা অর তুম্যুওসাগো ছেংগ্যাংফাক লুকমি অর তুখু মাংপ্রি অর তামাংপ্রিগো ছেংগ্যাংফাক লুকলো চঃ থুওমি। যে যে আঃরামা অাঃচা খংবামি অর মায়াং লুকমি। 8 ছুগি য়াংচারোচা ওয়িদানা চাঃরিসিই। 9 য়াং আখিংমা লুঃউরোচা নাংরোগো দুঃখাওয়া পিইফু আতুওয়ক তিঃ পিইগেমি অর নাংরোগো সেঃবৈলিইমি। ঙা কিজু লুঃউরোচা নাংরোগো মিক্রিনৈং ফ্রইমি। 10 য়াং আখিংমা লুঃউম্যারোচা অক ক্যামি অর তয়ককো তয়ক তিঃ পিইগেমি অর মিক্রিনৈং ফ্রইকেমি। 11 ক্রংসুউদ ম্যারোচা লাঃলো লুঃউম্যারোগো মুসুওয়া সুংগেমি। 12 মকংরিচা ম্যালাঃরি আতুওয়ক লুঃউম্যারোমা আখ্যচা নৈং লাঃমি। 13 য়িগিলি আছুং রাক তৈঅং যাসুউ মিমৃ নিংফু য়াংসুউচা ক্যুওয়েম্রক রাঃমি। 14 হিকচা লুঃউম্যুওরোগো সাকসিই পিইফু আতুওয়ক গংখাং ফুং আকং সাদাংগো কাবামা ক্যঞ্যালিইমি, য়াং নক্কারা আছুং রাকচা ক্যালিইমি। আছুং রাকচা কংগং ওয়িদানা রাক ( মার্ক ১৩:১৪-২৩ ) 15 রিসিই দানিয়েলগা নিংলো যা মিক্রিনৈংরি প্যাকচিই চাঃগাগো প্রলিইরি, য়াংচাগো নাংরো সেংস্যাংস আঃরামা হিকচাগো ম্রাংগেলিইমি। (যাসুউ ফেতিলি য়াংসুউ নালিবেচিই)। 16 য়াং আখিংমা যাসুউরো যিহুদিয়ামা হিকফু য়াংসুুউরোচা তংদেইং আঃরাদুঃ ব্রিই লাঃলিইগে। 17 যাসুউ ইংখং অাথাকমা হিকরি, য়াংসুউচা ইংগা তুখুমাসা য়ুউফু আতুওয়ক অকতু মাসাককি। 18 খ্রেংমা যাসুউ হিকফু, য়াংসুউ কুঃ আওয়েকো য়ুউফু আতুওয়ক ইংদু মেপ্রেংগি। 19 য়াংখা যাসুউরো কুঃওয়েংসি অর যাসুউরো সাঃগো রাংসিই নুও তৈতি, য়াংসুউরো আখিংচা কংগং ক্রকফুয়ি ফ্রইফুয়ি! 20 ছুউক তংগে য়াং আখিংচা ম্রারি রাকমা মুহুককিলি নাখিং রাকমা নাংরোমা মাক্যারাঅং। 21 য়াংখা কংগং আগ্রিইকি দুঃখাওয়া ফ্রইফু যাচা দিঃ কাবামা তিমৃরিকাবাং দিঃ আখিং তৈঅং তাখালি মফ্রসিই অর ফ্রলি মফ্রপ্যা। 22 য়াং দুওয়াখা রাককো থাওরা ফোরারা আনৈই মাপ্যাংলিছুগি য়াংখা তয়কলি হ্রাং হিকলিইফু মুহুক। য়িগিলি ফোরা রুইকক থাঃচা লুঃউরো আতুওয়ক ফোরাচা য়াং রাককো ন্হৈংবলৈতি। 23 “য়াং আখিংমা নাংরোগো খ্যাংসুউমুছু প্রগি, ‘ক্রিগে, ফোরা লংচা দিঃমাদি মুহুককিলি ‘ক্রিগে, ফোরা লংচা থুউমাথি,’ য়াংচাগো ক্রালো মুক্যুংগেকি। 24 অাক্রংগা য়াং আখিংমা আম্যাগ্রিই ক্রংসুউদ ফোরালং অর ক্রংসুউদ রিসিই লাঃলো আগ্রিই আগ্রিই এংঅফুয়িনা লাকখানা অলুক লুকমি, অর য়াংখা য়াংসুউরো নৈংরিছুগি থাওরা ফোরা রুইকক থাঃচা লুঃউরোগো য়াংসুউরো মুসুওয়া সুংনৈংরি। 25 ক্রিগে, ঙা হ্রিইগাকাবাং য়াংচারোগো নাংরোগো প্র থাঃরি। 26 “য়াংচা কিজু লুঃউরোচা নাংরোগো প্রগি, ‘ফোরা লংচা সিঃলিব্রাং নিংরেমা হিকরি,’ নাংরো মুথুওয়কলিইগেকি। অর জং প্রগি, ‘ফোরা লংচা ইং আথিমা হিকরি,’ মুক্যুংগেকি। 27 সেয়ে যাপুয়েং আহ্রিই ফাক্কা প্রালো আনক ফাক তৈঅং প্রাক লাঃরি, মুনুসাওয়া সাঃ লাঃখা য়াংপুয়েং ফ্রইফু। 28 যাদেমা আসিই হিকফুলিঃ, য়াংদেমা লাংদারোচা লাঃলো চুককেফু। মুনুসাওয়া সাঃচা যাপুয়েং লাঃফুলিঃ ( মার্ক ১৩:২৪-৩১ ) 29 “য়াং দুঃখাওয়া রাঃরি খ্যাং খ্যাং নিংচা ওয়ং লাঃফু অর লালি আড়ং মিপিইব্যা, ক্রিরোচা গংখাং ক্রুই ক্যাগেমি অর নিংলা-লাচা মিমৃ মিহিকব্যা। 30 য়াং আখিংমা গংখাংমা মুনুসাওয়া সাঃ লাখানাগো ম্রাংরাফু। য়াংখা কাবামা হিকচা লুঃউরোচা চিই দুঃখাওয়ানা রাং বুককেফু। য়াংসুউরোচা মুনুসাওয়া সাঃগো তেঃখুনা রংদ থুওয়কলো গংখাং প্রাংগা লাঃচাগো ম্রাংগেফু। 31 কংগং আনা সেইংখ্রং মৃরি খ্যাং খ্যাং মুনুসাওয়া সাঃচা কুঃ গংখাং নেসাঃরোগো রুওয়েলৈফু। য়াং নেসাঃরোচা কাবালুং তেরেকাকাবাং অরতেরেকা রকঅং লিফাক লাকচিইগা কুঃ রুইকক থাঃচা লুঃউরোগো তেরেমা চুকফু। 32 “সেফেংবাংগো ম্রাংলো য়াংচাগা সাংগে। যাখা য়াং আপাংমা সাখাকরো ঞেঞে ফ্রইলো আরুওয়ক থুওয়কখা নাংরো সিকচাগা, আপুউ রাক ক্যাব্যা। 33 য়াংপুয়েং তেথেং য়াং আদিপিরোগো ম্রাংগি সিকগেফুচাগা, মুনুসাওয়াচা লাঃফু আখিং তৈংব্যা প্রফুছুগি লেংখুওয়ামা রকব্যা। 34 ঙা নাংরোগো আমেইং প্ররি, যাখা য়াংচারো ফ্রইমি য়াংখালি দিঃ খঃমা লৈংগায়ক লুঃউরোচা হ্রাং হিকফুসিই। 35 গংখানা কাবাচা ছুং লাঃমি, য়িগিলি ঙা চাঃগাচা তাসাকপেলুং হিকফু। মুনুসাওয়া সাঃচা যাখা লাঃফুলিঃ ( মার্ক ১৩:৩২-৩৭ ; লূক ১৭:২৬-৩০ , ৩৪-৩৬ ) 36 “য়াং নিক য়াং রাককো তয়কলি মিসিক, গংখাং নেসাঃরোবাং মিসিক, মুনুসাওয়া সাঃলি মিসিক; য়াংচাগো ফাখাংরা সিকরিব্যা। 37 “নোহ অাখিংমা যা পুয়েং ফ্রইলিইরি, মুনুসাওয়া সাঃ লাঃফু তিধি আখিংমালি য়াংপুয়েং ফ্রইফু। 38 দঃ প্রিফু হ্রিইগা রাকরোমা নোহ সাংফদুঃ মুওয়ংসিই য়াং আখিং তৈংঅং লুঃউরোচা চাঃগেরি-সককেরি, মাঙ্গালা প্রুককেরি, মাঙ্গালা তাংগেরি। 39 যা আখিং তৈঅং য়াংসুউরোগো দঅ ন্হই য়ুউ লাঃখারি-য়াং আখিং তৈঅং য়াংসুউরো তুখুউলি মিসিইগেলিই। মুসুসাওয়া সাঃ লাঃচা আখিংলি য়াংপুয়েং ফ্রইফু। 40 য়াংখা লুঃউ ন্হইয়কচা প্রাং আঃরামা হিকফু; তয়ককো য়ুউ লাঃফু অর তয়ককো বৈখাফু। 41 মিঃমা ন্হইয়কচা ওঃ লুকচা চাককো হ্লি হিকফু; তয়ককো য়ুউ লাঃফু অর তয়ককো বৈখাফু। 42 "য়জংকিজু প্রচা, নাংরো সিঃধিনা নিংগে আক্রংগা নাংরো ফোরাচা যাখা লাঃফুলি, য়াংচাগো নাংরো মিসিকগে। 43 য়িগিলি নাংরোচা দিঃ চাঃগাগো সিকগেতি, ইংস্যাং সুওখু লাঃফুচাগো সিকগি-য়াংখা ইংস্যাংচা নুও নিংফুব্যা। ইংস্যাংচা কুঃ ইংমা সুওখুওগো মুওয়ংজিই। 44 য়াং আতুওয়ক নাংরোচা য়াংলো নিংগে আক্রংগা যা আখিংগো য়ুউলো নাংরো মেচেংজাগে-য়াং আখিংমারা মুনুসুওয়া সাঃচা লাঃফু। ক্যুংথঞ্যং নিংগেফুচাগো য়ুউলো অওয়াদা ( লূক ১২:৪১-৪৮ ) 45 “য়াং ক্যুংথতিনা পৈংঞ্যাস্যাং ক্যুয়েংগো, যাসুউগো ইংস্যাংচা অর ক্যুয়েংরোগো আখিং আতৈং আঃচা পিইফু তাওয়েংগো পিইলিইরি লঃ? 46 য়াং ক্যুয়েংচা কংগং কেইং কংরি, যাসুউ চিই নুন্হুংনা অলুক লুকচাগো ইংস্যাং লাঃলো ম্রাংগি। 47 ঙা নাংরোগো আমেইং চাঃগা প্ররি, ইংস্যাংচা য়াং ক্যুয়েংগো কুঃমা হিকচা আলুং উচ্চা-পৈচিই তাওয়েংচা য়াংসুউগো পিইফু। 48 ছুগি জং ফ্রইকিনা, য়াং ক্যুয়েংচা আপ্যাক, অর য়াংসুউচা চিইমা চিইমা তুওয়কচাগা, ‘ঙামা ইংস্যাংচা লাঃফু ক্রারি।’ 49 য়াং আক্রামা য়াংসুউচা কুঃনা নিংসা অর ক্যুয়েংরোগো বুকলিইরি অর য়ঃসারোনা পংলো আরাক সকলো চাঃগেলিইরি। 50 য়িগিলি যা রাককো অর যা আখিংগো য়াংসুউ মাচেংজালি মেচেংজা, সিকলি-মিসিক, য়াং রাকমা য়াং আখিংমা য়াংসুউমা ইংস্যাংচা রকহ্লাফু। 51 য়াংখা ইংস্যাংচা য়াংসুউগো ন্হপুয়েং পুয়েংলো মকংরি লুঃউম্যারোমা থিলৈফু। য়াংদেমা লুঃউরোচা ঙুগেমি অর মেখেংনৈং-মুতুয়িনৈং ফ্রইলো সুওয়া ক্রুককেমি। |