လုကာ 9 - মারমা বাইবেল (নতুন নিয়ম)-বিবিএসতিবিরো তাড়া হঃফো লাঃচা ( মথি ১০:৫-১৫ ; ১৮:১-১২ ; মার্ক ৬:৭-২৯ ) 1 য়াংনক যীশু থুউ তিঃছিনৈয়ক তিবিরোগো খঃরো তারেঃমা চুকলিইরি অর হিকচা আলুং মকং নেঃএ ওয়িইঞেং আথাকমা ক্ষেমতানা তাওয়েংগো পিইলিরি। যীশু য়াংসুউরোগো রঃগা কংজিনৈঅং ক্ষেমতাগোলি পিইলিরি। 2 য়াংনক যীশু য়াংসুউরোগো থাওরা ফুরা ঈ নেংঙেংদ আক্রংগো তাঃরা হঃফুনা সাঃনাসিরোগো কেইংমাজিফু রুওয়েলৈলিরি। 3 যীশু তিবিরোগো প্রলিরি, “নাংরো লেংমা কিজু দুক, ওয়িই, ভংমুঙং দিঃচারো মুহুককিলি টেংগা পয়স্যা ময়ুগেকি, প্রফুচাগা আগ্ঙি নৈথিঃরা য়ুগেলিইফিঃ। 4 যা ইংমা নাংরো ওয়ংফুলি, য়াং রুওয়াগা মাঃলাসাগ্রা য়াং ইংমা নিংগেলি। 5 য়াংদেমা লুঃউরো নাংরোগো লাক মেখেংছুগি, য়াং রুওয়াগা থুঃওয়ক লাঃফু আখিংখা নাংরো আখ্রিঃমা খুঃম্যুইংগো খাঃখ্যালৈইকে, যাফুলিছুগি য়াং খুঃম্যুইংচা য়াংসুউরোগো ছেংগ্যাংফাক লূকরো সাকসি পিইবেচি।” 6 য়াংখা তিবিরোচা রুওয়াদৈং রুওয়াদৈং লাঃরো থাওরা ফুরা ঈ নেংঙেংদ আকং তাঃরাগো তাঃরা হঃপ্রাগেলিরি অর সাঃনাসিরোগো আকং প্যাংগেলিরি। 7 যীশু যা লূকতিলি য়াংচাগো ক্রারো ওকখ্যুকসুউ মাং হেরোদচা তুখুউলি প্রফুমাঃরা ব্যা। দিঃ আক্রংচা ফ্রইতি, তয়কতিরি প্ররিচাগা, রিঃঙুক মাঙ্গালা পিইসু যোহন আসিইগা আহ্রাং ফ্রইরো থাঃরি; 8 তয়কতিরি প্রগেতিচাগা ফুরলংগো আম্রাং রাঃরি; অর তয়কতিরি প্রগেতিচাগা আয়াংখা রিসিকচা হ্রাং থাঃরি। 9 হেরোদ মাং প্রলিইরি, “ঙাগা যোহন আলৈংগো ফ্রেবলৈপ্যা। ছুগি যাসুঃগো য়ুউরো ঙা দিঃচারো ক্রারিলি, য়াংসুউ যাসুউলিঃ?” হেরোদ মাংচা যীশুগো ক্রিফু ক্রেংলিরিব্যা। ঙাঃথং লুঃউগো আচাঃ আসক পিইচা ( মথি ১৮:১৩-২১ ; মার্ক ৬:৩০-৪৪ ; যোহন ৬:১-১৪ ) 10 যীশু যা তিবিরোগো রুওয়েলৈতি, য়াং তিবিরোচা যীশুবাদুঃ প্রেং লাঃব্রিনক, কোঃরো যা যা লুককেরি য়াংচা আলুংচা যীশুগো প্রপ্রাগেরি। থুউ নক্কা যীশু য়াংসুউরোগো য়ুউরো বাজেদা রুওয়া নাঃমা তিদিং-চিঃছিঃ আঃরাদুঃ লাঃখাগেতি। 11 য়াং সাদাংগো ক্রালো লুঃউম্যারোচা যীশু নক্কা নক্কা লৈকেতি। যীশুচা য়াং লুঃউরোগো লাক খেংলিইরি অর য়াংসুউরোবামা থাওরা ফোরামা নেংঙেংদগো য়ুউরো তাঃরা হলিইরি। দিঃচাগো আপিলি যাসুউরোগো কেংমাজিইফু অলু হিকরিলি য়াংসুউরোগো কেংমাজিইলিইরি। 12 যাখা নিং ওয়ংরিব্যা য়াংখা যীশু তিবিরোচা যীশুগো লাঃলো প্রগেলিইরি, “ঙুরো যাদেমা হিকরিলি য়াংচাচা ফ্রইতি লুঃউস্যাং মিহিকরি আঃরা। য়জংকিজু দিঃ লুঃউরোগো রুওয়েলৈফিই যাফুলিছুগি য়াংসুউরো নেংবুনেংবা রুওয়ারোমা লাঃলো চাঃফু-নিংফুচা হ্রানৈংঅং।” 13 যীশু য়াংসুউরোগো প্রলিইরি, “নাংরো থুউ লুঃউরোগো আঃচা আসক পিইগে।” য়াংসুউরো প্রগেলিইরি, “য়জং ছোগে ক্যুয়েংরোমা মুং ঙাঃস্যাকনা ঙাঃ ন্হৈকংথাক তুখুউলি মিহিক। ক্যওয়াইংদরো আঃচা আসক ওয়িরো য়ুখাব্রিঃমারা দিঃ লুঃউরোগো আচাঃ আসক পিইনৈংফু।” 14 আক্রংগা য়াংদেমা য়ক্ক্যা ঙাথংহ্লক হিকলিরি। যীশু কোঃ তিবিরোগো প্রলিইরি, “দিঃ লুঃউরোগো ঙাছিঃ ঙাছিঃ স্যুই প্যাংরো থৈংরাখ্যা।” 15 তিবিরো য়াং আস্যা আতৈং লুঃউরোগো থৈংরা খ্যাগেলিরি। 16 য়াং নক যীশু মুং ঙাঃখুলা ঙাঃ ন্হৈকংগো য়ুলো ঙাঃলা মুং ক্যেঃজু থাওরা ফোরাস্যাংগো খিংম্যুয়েং ব্রিখা ফিলো ফিলো লুঃউরোগো পিইফো কিজু তিবিরো আলাকমা পিইলিইরি। 17 হিকচা লুঃউরো ওয়েং তিব্রি চাঃগেরি। চাঃব্রিইনক যা আপিরো ম্রেরি-য়াংচারো ককরিখা তিছি নৈখারাং ফ্রইরি। কো সিইফো আক্রংগো যীশু প্রপ্রাচা ( মথি ১৬:১৩-২৮ ; মার্ক ৮:২৭—৯:১ ) 18 তখকখা যীশু চিছিক আঃরামা লাঃলো ছুউক তংলিইরি। য়াংখা যীশুনা তিবিরোরা হিকলিইরিব্যা। যীশুচা তিবিরোগো মিংলিইরি, “ঙা যাসুউলিঃ, ঙাগো য়ুউলো লুঃউরোচা যা প্রগেতিলিঃ?” 19 তিবিরোচা প্রগেলিইরি, “তয়কতিরি প্ররি কুবাংচা রিঃঙুক মাঙ্গালা পিইসা যোহন; তয়কতিরি প্ররি এলিয়; অর তয়কতিরি প্ররি আয়াংখা রিসিইচা হ্রাং থাঃরি।” 20 যীশু তিবিরোগো প্রলিইরি, “ছুগি নাংরো ঙাগো যা প্রগেতিলিঃ?” পিতরচা প্রলিইরি, “কুবাংচা থাওরা ফোরামা য়াং মশীহ।” 21 য়াংখা যীশুচা তিবিরোগো সিধি পিইলিইরি অর আঃনা পিইলিইরিচাগা, য়াংসুউরো তয়ককোলি দিঃ চাঃগাগো মপ্রগিই। 22 যীশুচা তিবিরোগো অরলি প্রলিইরি, মুনুসাওয়া সাঃচা কংগং আম্যা দুঃখাওয়া খেংরাফু। ওয়াগ্রিইরো, ফুংগ্রিইরো অর কেইং ছারারোচা য়াংসুউগো লঅক মেখেং প্যাংফু। য়াংসুউগো সেবৈফু অর সুংরাক নক য়াংসুউগো আসিইগা আহ্রাং ফ্রই থাঃফু। 23 য়াংনক যীশুচা আলুংসুউগো প্রলিইরি, “খ্যাংসুউমুছু ঙা লেংমা লাঃখ্যাংরিছুগি য়াংসুউচা কুও তাস্যাতৈং মিনিংরা; তারাক মুক্যুয়েং কুও থুউগো রুওয়কলো ঙা নক্কা লাঃবেচিই। 24 খ্যাংসুউমুছু কুও আতুওয়ক হ্রাং নিংখ্যাংরিছুগি য়াংসুউচা তিম্রিজ বাওয়াগো মাঃরা মুহুক; য়িগিলি যাসুউ ঙা আতুওয়ক আসাক পিইফু, য়াংসুউচা আমেইং চাংজ বাওয়াগো রাঃমি। 25 খ্যাংসুউমুছু কাবালুংগো রাঃফু আতুওয়ক কুও আসাককো পিইগি, য়াংসুউমা যা অাক্যুও ফ্রইফুলিঃ? 26 খ্যাংসুউমুছু ঙাগো অর ঙা চাঃগােো য়ুউলো হ্রাকতি তুওয়ককি, যাখা মুনুসাওয়া সাঃচা কুও গুংধ য়ুউলো ফাখাংনা সেংস্যাংস গংখাং নেঃসারোনা রংধ প্রিজুংলো লাঃফু য়াংখা মুসুসাওয়া সাঃলি য়াং লুঃউরোগো য়ুউলো হ্রাকফুব্যা।মে। 27 ঙা নাংরোগো আমেইং প্ররি, দিঃমা লৈংগায়ক লুঃউ হিকরি, যাসুউরোবামা থাওরা ফোরা নেংঙেংদগো মাপ্রাসাগ্রা য়াংসুউরো তাখালি মিসিই মুহুক।” আস্যাং যীশুমা ম্যাকন্হা রং ক্যকচা ( মথি ১৭:১-১৩ ; মার্ক ৯:২-১৩ ) 28 দিঃ চাঃগা প্ররো তাখালি নক যীশুচা ছুউক তংফু আতুওয়ক পিতর, যোহন অর যাকোবগো য়ুউলো তং তদংদুঃ তাকখারি। 29 ছুউক তংরি আখিংখা যীশু ম্যাকন্হাচা তেজে ফ্রইলিইরি অর যীশুমা আওয়ে-আঃচাচা আপ্রুউ ফ্রই লাঃখারি। 30 য়াংদেমা ন্হইয়ক লুঃউ যীশুনা চাঃগা প্রলিইরি। য়াং ন্হইয়কচা হিকলিইরি মোশি অর এলিয়। 31 য়াংসুউরো ফুংতেংখুনা প্রালিইরি। হ্রিইদুঃ যিরুশালেনমা যীশু সিইরাফুব্যা য়াংচাগো য়ুউলো চাঃগা প্রগেলিইরি। 32 পিতরনা য়াংসুউমা মিকছুয়িরোচা য়াং আখিংমা ওয়িই হিকগেলিইরি। য়াংসুউরো নুওরিখা যীশু ফুংতেংখুগো ম্রাংগেলিইরি অর যীশুনা রেঃ হিকচা ন্হইয়ককোলি ম্রাংগেলিইরি। 33 য়াং ন্হইয়কচা যাখা যীশুগা লাঃগেতিব্যা য়াংখা পিতরচা যীশুগো প্রলিইরি, “ছারা, কংগং কংরি-ঙুরো দিঃমা হিকরি। দিঃমা ঙুরো সুংছং চাংশ্যি লুকফু কুবাংগো তছং, মোশিগো তছং অর তছংচা এলিয় আতুওয়ক।” মোশি যা প্ররিলি য়াংচাগো য়াংসুউ কুঃদৈংবাং মিসিক। 34 পিতর চাঃগা প্ররি আখিংমা মুরিইচা লাঃলো য়াংসুউরোগো খ্যুকলিইরি। য়াংসুউরোগো মুরিই খ্যুকরিখা ক্রককেলিইরি। 35 য়াং মুরিই অাথিগা দিঃ চাঃগাগো ক্রালিইরি, “দিঃ লুঃউচা ঙামা সাঃ যাসুউগো ঙা রুইকক য়ুউলিইরি; নাংরো য়াংসুউ চাঃগাগো নাথংগে।” 36 যাখা চাঃগা তেংলিইরি য়াংখা য়াংসুউরো যীশুগোরা ম্রাংগেলিইরিব্যা। তিবিরো য়াং আখিং যা ম্রাংগেলিইরি য়াংচাগো তয়ককোলি মপ্রব্রি তিদিং নিংগেলিইরি। মকং নেঃ কৈংরো সাঃচা কংলিইরি ( মথি ১৭:১৪-২১ ; মার্ক ৯:১৪-২৯ ) 37 মুলাংখা যীশুনা য়াং সুংয়ক তিবিরোচা তংগা ছাংখা লুঃউম্যারোচা যীশুনা আতুয়িই খেংফু লাঃগেলিইরি। 38 য়াংখা লুঃউ আচুক আথিগা তয়কচা অলো প্রলিইরি, “ছারা, মিত্তা থারো ঙা সাঃগো তাখ্যাক ক্রি। ঙামা সাঃ তয়কব্যা। 39 সাঃগো মকং নেঃ কৈংরি অর ব্রুং প্যাংলো অরি। মকং নেঃচা যাখা য়াংসুউগো ম্রুংছেংরি য়াংখা সাঃ খুনাংগা আম্রুক থুওয়কতি; য়াংনক নেঃচা সাঃগো কংগং দুঃখাওয়া পিইলো আঃনা রাজিইরি। 40 ঙা কুবাংমা তিবিরোগো আতংবেং থাঃলিইরি যাফুলিছুগি য়াংসুুউরো সাঃগো আকং প্যাংঞ্যং ছুগি য়াংসুউরো মুনৈংলিই।” 41 য়াংখা যীশু প্রলিইরি, “ চিইমা আক্যুং মিহিক অর আপ্যাক লুঃউরো! অর মন্হইরাক ঙা নাংরোনা হিকরো নাংরোগো সিখেংফুলিঃ? নাক সাঃগো দুঃ য়ুউখা।” 42 যাখা সাঃচা লাঃলিইরি য়াংখা নেঃচা সাঃগো ম্রুংছেংলিইরি। য়াংখা যীশুচা মকং নেঃকো হকলিইরি অর সাঃগো আকং প্যাংলো ফাখাংগো প্রেং পিইলিইরি। 43 থাওরা ফোরা মিত্তাগো ম্রাংলো আলুংসুউ এংঅগেলিইরি। যীশু যা লুকলিইরি য়াং আক্রংরোগো ম্রাংলো আলুংসুউ যাখা এংঅগেলিইরি য়াংখা যীশুচা তিবিরোগো প্রলিইরি, যে যে অওয়াদা পিইচা অর যিরুশালেন লাঃখাচা ( মথি ৮:১৯-২২ ; ১৭:২২ , ২৩ ; ১৮:১-৫ , ১৯-২২ ; মার্ক ৯:৩০-৪০ ) 44 “ঙামা দিঃ চাঃগাগো চিই খ্যালো নাথংগে, মুনুসাওয়া সাঃগো লুঃউরো আলাকমা তিঃ পিইগেফু।” 45 তিবিরোচা য়াং চাঃগাগো নামিলিগেলিই। থাওরা ফোরাচা য়াং চাঃগাগো তিবিরোগা স্যুও থাঃলিইরি যাফুলিছুগি তিবিরোচা নামিলিরাঅং। দিঃ চাঃগাগো য়ুউলো তিবিরোচা যীশুগো অরমিংফুলিঃ ক্রককেরিব্যা। 46 তিবিরোমা যাসুউ আলুংসুউ থাক আগ্রিইলি য়াংচাগো য়ুউলো চাঃগা আতাং-আখ্যা ফ্রইকেলিইরি। 47 যীশুচা তিবিরো চিইনুন্হুংগো সিকরো, আশ্যি তয়ককো য়ুউলো কুঃনামা রেচিইলিইরি। 48 য়াংনক যীশুচা তিবিরোগো প্রলিইরি, “খ্যাংসুউমুছু ঙা নাঃমিনা দিঃ আশ্যিগো লাক খেংগি, য়াংসুউচা ঙাগো লাক খেংরিন্হাক তুউরি। যাসুউ নাগো লাক খেংরি, যাসুউ ঙাগো রুওয়েলৈতি য়াংসুউচা য়াংসুুউগো লাক খেংরি। নাংরো আতুওয়ংমা যাসুউ আলুংসুউ থাক অাঞি-য়াংসুউচারা আলুংসুুউ থাক আগ্রিই।” 49 যোহন প্রলিইরি, “ছারা, কুবাং নাঃমিনা ঙুরো তয়ককো মকং নেঃকো ঙাং থুকচাগো ম্রাংগেরি। য়াংসুউচা ঙুরো আফুয়িইমা লুঃউ মুহুকলো য়াংসুউগো হেংগেলিইরি।” 50 যীশু য়াংসুউগো প্রলিইরি, “অর মেহেংগিফিই, আক্রংগা যাসুউ নাংরোগো ছেংগ্যাংফাক মুলুক, য়াংসুউচাগা নাংরো লুঃউ।” 51 যীশু যাখা গংখা ফুংদুঃ তাকফু আখিং লাঃরি য়াংখা যীশুচা যিরুশালেংদুঃ লাঃফু আতুওয়ক চিইকো মিম্রি প্যাংলিইরি। 52 যীশুচা হ্রিইগা য়াংদুঃ লুঃউরোগো রুওয়েলৈতি। য়াংসুউরো যীশু আতুওয়ক য়াংফু কিজু শমরীয় রুওয়া তুওয়াদুঃ ওয়ংগেলিইরি। 53 ছুগি যীশুচা যিরুশালেনদুঃ লাঃরি আতুওয়ক য়াং রুওয়ামা লুঃউরোচা যীশুগো লাক মেখেংগেলিই। 54 য়াংচাগো ম্রাংলো তিবিমা যাকোবনা যোহনচা প্রগেলিইরি, “ছারা, কুবাং য়াংসুউরো আতুওয়ক দিঃগো লুরিলঃ, এলিয় পুয়েং ঙুরো দিঃ লুঃউরোগো ফ্যাকবলৈফু আতুওয়ক গংখাং ফুংগা মিং ক্যাবেচিই প্রলৈফুলঃ?” 55 যীশুচা তিবিরোগো প্রেং ক্রিলো হকলিইরি। 56 য়াংনক য়াংসুউরো আখ্রা রুওয়াদুঃ লাঃখাগেতি। 57 য়াংসুউরো লেংমা লাঃগেতি আখিংমা তয়কচা যীশুগো প্রলিইরি, “কুবাং যাদুঃ লাঃফুলি, ঙালি কুবাংনা আতু য়াংদুঃ লাঃফু।” 58 যীশু য়াংসুউগো প্রলিইরি, “মুখুয়িইমা তুওয়ং হিকরি অর ঙ্হাকমা আসৈই হিকরি ছুগি মুনুসুওয়া সাঃমা আগং খ্যাফুচা তেরেপাংমা আঃরা মিহিক।” 59 নক্কা যীশুচা অর তয়ককো প্রলিইরি, “ঙা নক্কা লৈই।” ছুগি য়াংসুউচা প্রলিইরি, “ছারা, হ্রিইগা ঙামা ফাখাংগো সাংগ্রুজং লাঃফুচাগো পিইউসিই।” 60 যীশু য়াংসুউগো প্রলিইরি, “আসিইরো য়াংসুউগো সাংগ্রুবেচিই ছুগি নাং লাঃলো থাওরা ফোরা নেংঙেংদগো য়ুউলো তাঃরা হঃ।” 61 অর তয়ক প্রলিইরি, “ছারা, ঙা কুবাং নক্কা লৈইফু ছুগি য়াং হ্রিইগা ঙা ইংগা লাঃলো খুওয়ং য়ুউ লাঃফুসিই।” 62 যীশু য়াংসুউগো প্রলিইরি, “লৈংদাংমা আলাক ম্হেংলো যাসুউ নকতু প্রেং ক্রিরি য়াংসুউচা থাওরা ফোরা নেংঙেংদ আতুওয়ক থমেতেং।” |