ဂါလာတိ 4 - মারমা বাইবেল (নতুন নিয়ম)-বিবিএস1 ঙা চাঃগা আদিপিচা ফ্রইতিগা, ফাখাংমা হিকচা আলুং আথাকমা সাঃ তাওয়েং হিকগিলি, মন্হরাকতৈঅং য়াংসুউচা নাঃলিঞ্যং মফ্রলি য়াহ্লরাকতৈঅং সাঃচা ক্যুয়েংরোনা তেজেতৈংব্যা। 2 য়াংসুউ ফাখাংচা যা আখিং তৈংঅং আম্হে পিইরিলি, য়াং আখিং তৈঅং ইংসা অর ইংমা তাওয়েং রাঃহিকসা আতুওয়ংমা নিংরারি। 3 য়াংপুয়েং তেথেং ঙুরো যাখা আশ্যি হিকলিরি য়াংখা কাবামা আখ্রা আখ্রা ক্যাংওয়েমা ক্যুয়েং হিকলিরি। 4 ছুগি আখিং প্রিজুংরি নক থাওরা ফোরাচা কুঃ সাঃগো রুওয়েলৈতি। য়াং সাঃচা মিঃমা ওয়েংথিমা পিঃধিসেংথি য়ুউরো ফুওয়ালিইরি অর ক্যাংওয়ে অাতুওয়ংমা ক্রিই তাকলিইরি, 5 যাফুলিছুগি ক্যাংওয়েমা হিকচা লুঃউরোগো য়াংসুউ লুওয়েম্রক পিইনৈঅং অর থাওরা ফোরা সাঃছুরো ঙুরোগো লাক খেংনৈঅং। 6 নাংরো সাঃ কিজুরা থাওরা ফোরাচা কুঃ সাঃ ঈ ওয়িইঞেংগো নাংরো চিইনুন্হুংমা থাঃনৈঅং রুওয়েলৈতি। য়াং ওয়িইঞেংচা থাওরা ফোরাগো ফাখাং প্রফুছুগি আব্বা প্ররো খঃরি। 7 য়জংকিজু নাংরো ক্যুয়েং মুহুকপ্রি সাঃ ফ্রইরিব্যা। ছুগি নাংরোরা সাঃ ফ্রইরিব্যাছুগি, থাওরা ফোরা যা পিইফুছুরো গিঃধি খেংলিরি য়াংচাগো রাঃফু তাওয়েংচা নাংরোমালি হিকরি। গালতীয়রোগো য়ুউরো পৌল চেংজাখ্রাং 8 নাংরো থাওরা ফোরাগো মিসিকখাং হ্রিইগা যাসুউরোগো রুসিইগেতি, প্রফুছুগি য়াংসুউরোচা নেঃমুহুকয়ি। 9 ছুগি আগোগা নাংরো থাওরা ফোরাগো সিইগেব্যা; ছুগি দিঃ চাঃগা প্রচা সাংমি তুয়িইরি, থাওরা ফোরাচা নাংরোগু সিইব্রিব্যা। য়জংছুগি নাংরো যাপুয়েং প্রেংরো য়াং লঃগামা যে যে আম্রি মিহিক অর রুসিইরো আম্রি মিহিক ক্যাংওয়েদুঃ লাঃফু ক্রিগেতিলিঃ? নাংরো প্রেংরো য়াংচারোমা ক্যুয়েং ফ্রইখ্যাংগেতি? 10 নাংরো ম্হেরো হিকচা রাককো, লাঃগো, অাখিংগো অর ন্হগো রুসিইগেতি। 11 নাংরো কিজু ঙা ক্রকতিচাগা, ঙা নাংরোবামা আক্যুও মিহিকব্রি পাংবেংরি ফ্রমি। 12 ঞিং-আকুরো, ঙা নাংরোগু আতংবেং থঃরি, নাংরো ঙাঞ্যং ফ্রইকে , আক্রংগা ঙালি নাংরোঞ্যং ফ্রইলিরি। নাংরো ঙা আপমা তুখুউলি মকং মুলুককেলি। 13 নাংরো সিকচাগা, ঙা কাইংথা আনিং মকং কিজু, ঙা পাথামা আখিংমা নাংরোবামা আকং সাদাংগো তাঃরা হঃফু আলি রাঃলিইরি। 14 ঙা কাইংথা অানিং মকংগা নিংরোলি নাংরোগু দুঃখাওয়া পিইলিগিলি, য়িগিলি নাংরো নাগো লুঃউমুহুক মেখেংগেলি, প্রফুছুগি থাওরা ফোরা ঈ তেমেংদ মুহুককিলি খ্রীট যীশুগো যাপুয়েং লাক খেংগেরি য়াংপুয়েং নাংরো ঙাগো লাক খেংগেরি। 15 ছুগি আগু কুঃদৈং আতুওয়ংমা য়াং কেইংকংরি আতুওয়ক চিইদানাচা নাংরোমা যাদুঃ রকরিলিঃ? ঙা নাংরোগু য়ুউরো দিঃ সাকসিই পিইনৈংরিচাগা, নাংরো নৈংরিছুগি য়াংখা ঙাগো ম্যাকচিই তয়ং থুওয়ে পিইফু চিইদানামা হিকলিরি। 16 আগু আম্হেং চাঃগা প্ররি কিজু ঙা নাংরোমা রেংসুউ ফ্রইরি্র? 17 য়াং অাখ্রা লুঃউরো নাংরো কিজু চিইদানা প্রারি, য়িগিলি য়াংচা আকং আদিপি কিজু মুহুক। য়াংসুউরো ঙাগা নাংরোগু খুয়ি য়ুফু ক্রিরি, যাফুলিছুগি নাংরো য়াংসুউরো আদিপিগো লাক খেংঞ্যং। 18 প্রফুছুগি আকং আদিপি কিজু চিইদানা হিকচা কংরি। ঙা যাখা নাংরোবামা হিকরি য়াংখারা মুহুক, খ্যাংখামুছু য়াং আকং আদিপিচা হিকগি কংরি। 19 ঙা সাঃ-সিঃমিংরো, মন্হরাকতৈংঅং নাংরো খ্রীট্ঞ্যং মফ্র য়াংহ্লরাকতৈংঅং ঙা প্রেংরো নাংরো কিজু ফুওয়াফু ওয়েং নাঃঞ্যং দুঃখাওয়া খেংমি। 20 ঙামা ছেন্দা লুচাগা, দিঃ চাঃগো মুরুইব্রি খ্যাং খ্যাং লাঃরো নাংরোনা চাঃগা প্রফু আক্রংগা নাংরোগু য়ুউরো ঙা যা লুকফুলিঃ, ঙা তুওয়ক মাঃরা। হাগার অর সারা 21 নাংরোমা যাসুরো ক্যাংওয়েমা অাতুওয়ংমা নিংখ্যাংগেতি, নাংরো ঙাগো প্রনা ক্রিমি, ক্যাংওয়ে যা প্ররি-য়াংচারোগু নাংরো মাক্রাগেলঃ? 22 কেইংমা রুইরো হিকরি, অব্রাহাম্মা সাঃ ন্হৈয়ক হিকলিরি, য়াংসুউরোমা তয়ক মিঃখাংচা হিকলিরি ক্যুয়েংমা অর তয়ক মিঃখাংচা হিকলিরি অব্রাহাম্মা আচৈই মিঃয়া। 23 নিঃ আলৈই য়াং ক্যুয়েংমা সাঃচা ফুওয়ালিইরি য়িগিলি যাসু আচৈই মিঃয়া হিকলিরি য়াংসুউ সাঃচা থাওরা ফোরা ঈ গিঃধি আক্যুওগো য়ুউরো ফুওয়ালিইরি। 24 ঙা ওয়েথুউঞ্যং দিঃ চাঃগারোগু প্ররি। দিঃ মিঃমা ন্হৈয়ক ন্হৈখুক সাসানাগো প্রারি। তুখু সাসানাচা সিনাই তংগা লাঃরি অর য়াংচাচা ফ্রইতি কুঃ আতুওয়ংমা লুঃউরোগু ক্যুয়েং প্যাংফু লেংদুঃ য়ুলাঃরি। দিঃচা ফ্রইতি য়াং ক্যুয়েংমা হাগার। 25 হাগারচা আরব প্রিমা সিনাই তংগো খঃরি। হাগারচা আগু যিরূশালেংমা তুখু পুংঞ্যংব্যা, আক্রংগা যিরূশালেংচা কুঃ সাঃ-সিঃমিংরোগু য়ুউরো ক্যুয়েংমা ফ্রইরি। 26 ছুগি যা যিরূশালেংচা গংখাং ফুং, যাসু লুওয়েম্রকতি; য়াংসুউরো ঙুরোমা মিকখাং। 27 সেংস্যাংস কেইংমা রুইরো হিকরি, “অ..সাঃমারা(বন্ধ্যা) মিঃমা, যাসুমা তাখালি সাঃ মুফুওয়াসিই, নাং চিই আপ্যনা ঈ ছুঃউক; নাং-যাসু তাখালি ফুওয়াফু ওয়িদানা মাখেংসিই, নাং অঃরো ঈ ছুঃউকবলৈই, আপ্যনা অঃবলৈই; আক্রংগা যাসুমা লাং হিকরি য়াংসুউ থাকপাং যাসুমা তয়কলি মিহিক য়াংসুউমা সাঃচা আম্যাগ্রিঃ ফ্রইফু।” 28 ঞিং-আকুরো, নাংরো ইসহাকঞ্যং থাওরা ফোরা ঈ গিঃধি আলৈই ফুওয়াচা। 29 ছুগি য়াং অাখিংমা যাসু আহ্লাপা প্যাংরো ফুওয়ালিইরি, য়াংসুউচা আঞ্যচিই প্যাংলিরি যাসু আপমা যাসু সেংস্যাংস ওয়িইঞেং গুংধনা ফুওয়ালিইরি। অর আগুলি য়াং ঞ্যচিইচা ফ্রইতিসিই। 30 য়িগিলি সেংস্যাংস কেইং চাউ যা প্রলিরি? কেইং প্রচাগা, ক্যুয়েংমানা য়াংসুউ সাঃগো ঙাং থুউলৈই, আক্রংগা ক্যুয়েংমা সাঃচা তাখালি ইংস্যাংমা সাঃনা আতু উচ্চা-পৈচি আঃফু মাঃরাথ। 31 ঞিং-আকুরো, য়জংছুগি ম্রাংরিগা, ঙুরো ক্যুয়েংমা সাঃ মুহুক প্রফুছুগি ঙুরোচা ইংস্যাংমা সাঃ। |