၁ကောရိန္သု 11 - মারমা বাইবেল (নতুন নিয়ম)-বিবিএস1 ঙা যাপুয়েং খ্রীট্ ছেংদা আলৈই নিংরি, য়াংপুয়েং নাংরোলি নিংগে। যাপুয়েং ওয়িইপাসানা থৈংফুলিঃ 2 ঙা নাংরোগু খিম্যুয়েংরি, আক্রংগা নাংরো খ্যাংখামুছু ঙাগো তুওয়ক রাঃগেতি অর ঙা নাংরোগু যা সুয়েংসাং পিইলৈতি য়াংচাগো সুংগেতি। 3 ঙা ক্রিচাগা নাংরো সিকঅং, খ্রীট্চা য়ক্ক্যারোমা আগংঞ্যংব্যা, লাংচা মিঃয়ামা আগংঞ্যংব্যা অর থাওরা ফোরাচা খ্রীট্ আগংঞ্যংব্যা। 4 যা য়ক্ক্যা আগং খ্যুকরো ছুঃউক তংরি মুহুককিলি রিঃসিঞ্যং ফোরা তাঃরাগো হঃগি, য়াংসুউচা কুঃ ম্যাকন্হাগো ফ্যাকতিন্হাক তুউরি। 5 যা মিঃমাচা আগং মুখ্যুকপ্রি ছুঃউক তংরি মুহুককিলি রিঃসিঞ্যং চাঃগা প্রগি য়াংসুউচা কুঃ ম্যাকন্হাগো ফ্যাকতিন্হাক তুউরি আক্রংগা য়জংছুগি য়াংসুউচা আগংতুদুং মিঃমাঞ্যং ফ্রইতিব্যা। 6 ছুগি খ্যাংমিঃমাফ্র আগং মুখ্যুকছুগি, য়াংসুউ ছেংবাংগো রুইবলৈই। ছুগি মিঃমারোগু ছেংবাং কৈফু মুহুককিলি ছেংবাং রুইফুচা কংগং আহ্রাক অলুক কিজু, য়াং মিঃমাচা আগং খ্যুক থাঃবেচিই। 7 য়ক্ক্যারোচা আগং ছংরো নিংফু মাসাং আক্রংগা থাওরা ফোরাচা য়ক্ক্যাগো কুঃ ছেংদা আলৈই তিম্রিজলিরি অর য়ক্ক্যাগা নিংরোরা থাওরা ফোরা ঈ ভুংগ্রিগো ম্রাংরারি; ছুগি মিঃমাগা নিংরো য়ক্ক্যা ঈ ভুংগ্রিগো ম্রাংরারি। 8 য়ক্ক্যাচা মিঃমাগা নিংরো লাঃচা মুহুক ছুগি মিঃমারা য়ক্ক্যাগা নিংরো লাঃচা। 9 মিঃমা কিজু য়ক্ক্যা তিম্রিজামুহুক ছুগি য়ক্ক্যা কিজুরা মিঃমা তিম্রিজা। 10 দিঃচা কিজু অর গংখাং তেমেংদ আতুওয়ংমা হিকরি য়াংচা কিজু মিঃমারোচা আগং ছংরাফু তেংরি। 11 প্রফুছুগি ফোরাগু ক্যুংরো মিঃমাচা কুঃ লাং আপমা আক্যুং থাঃরি অর লাংলি কুঃ মিঃয়া আপমা আক্যুং থাঃরি; 12 আক্রংগা যাপুয়েং য়ক্ক্যাগা মিঃমা তিম্রিজলিরি য়াংপুয়েং মিঃমাগা নিংরো য়ক্ক্যা ফুুওয়াচা। য়িগিলি অালুংচা থাওরা ফোরাগারা ফ্রইচা। 13 নাংরো কুঃদৈং চেংজারো ক্রিগে। আগং মুখ্যুকপ্রি ফোরাবামা ছুউক তংচা মিঃমারোমা তাংরি লঃ? 14 ম্যাকচিইনা ক্রিগিগা দিঃচারোগু ম্রাংরিব্যা, য়ক্ক্যারো ছেংবাং আহ্রি থাঃরি, কুঃ ম্যাকন্হা প্যাকতিব্যা, 15 ছুগি মিঃমা থাঃগিচা ফ্রইতি, কুঃ ম্যাকন্হা রাঃরি? কুঃগো খ্যুকরো থাঃফু কিজুরা মিঃমাগো ছেংবাং আহ্রি পিইলিরি। 16 য়িগিলি দিঃচাগো য়ুউরো খ্যাংসুমুছু চাঃগা আঙ্রাং-আতাং প্যাংখ্যাংরিছুগি, ঙা প্রফুচাগা, আখ্রা আক্যাং-আওয়ে ঙারো আতুওয়ংমা মিহিক অর থাওরা ফোরা ঈ ক্যং লুঃউরোমালি মিহিক। ফোরাগু আথিকথেং প্রুকরো চাঃফুগো য়ুউরো চাঃগা 17 আগু ঙা নাংরোগু যা আক্রংলিলাগো য়ুউরো আনা পিইফুলি, য়াংচাগো য়ুউরো ঙা নাংরো আপমা সফঃমাক্যা আক্রংগা নাংরো যাপুয়েং ক্যংমা লাঃরো পংক্যাগেতি, য়াংচা আকং ফ্রইফুগো থাঃরো মকং ফ্রইতি। 18 পাথামাগা-ঙা ক্রারিচা ফ্রইতি, নাংরো যাখা ক্যংমা আছুক ক্যাগেতি য়াংখা নাংরো তয়ককো তয়ক চাঃগা আতাং প্রগেতি, অর ঙা য়াংচারোগু ক্যুংলি মুক্যুং। 19 ছুগি নাংরোমাগা চিই তুখুতৈং মফ্র হিকনৈংরি যাফুলিছুগি থাওরা ফোরা ঈ ম্যাকচিইমা যাসু থঃতেংরিলি, য়াংখা য়াংসুউগো ম্রাংরারি। 20 ক্যং লুঃউ ফ্রইরো তেরে আরামা আচুক ক্যারো চাঃগেচা ফোরাগু আথিকথেং প্রুকরো চাঃগেচা মুহুক, 21 আক্রংগা নাংরো তয়ককো তয়ক মুচংব্রি চাঃগেতিব্যা। য়জংছুগি তয়কচা মুওয়াব্রি হিলৈতি অর তয়কচা য়ঃতি। 22 চাঃফু-সকফু কিজু নাংরোমা ইং-য়া মিহিকগে লঃ? মুহুককি নাংরো থাওরা ফোরা ক্যং লুঃউগো ম্যাকচিইমা মাতাংগে লঃ অর যাসুউরোমা তুখুউলি মিহিক য়াংসুউরোগু আহ্রাক পিইগেতি লঃ? ঙা নাংরোগু যা প্রফুলি? ঙা দিঃচারোগু ম্রাংরো নাংরোগু খিম্যুংফুলঃ? তাখালি মুহুক। 23 ঙা নাংরোগু যা সুয়েংসাং পিইরি, য়াংচা ঙা ফোরাগা রাঃচা। যা ঙিমা আস্যাং যীশুগো রেংসুরো আলাকমা তিঃ পিইলিরি, 24 য়াং ঙিনি যীশুচা ভংমুংগো য়ুউরো থাওরা ফোরাগু কিজু তাংলিরি অর য়াংচাগো ফিঃরো ফিঃরো প্রলিরি, “দিঃচা ঙাঃ কাইংথা, যাচাগো নাংরো আতুওয়ক পিইফু ক্যালিইমি; ঙাগো তুওয়ক রাঃফু কিজু দিঃপুয়েং লুককেলি।” 25 চাঃব্রিরি নক, য়াংপুয়েং তেথেং পেয়ালাগো য়ুউরো প্রলিরি, “ঙাঃ স্যুইগা নিংরো থাওরা ফোরা ঈ আসৈই শাসনা ফ্রইফু য়াং লাকখানাচা ফ্রইতি দিঃ পেয়ালা। নাংরো মন্হইখক দিঃ পেয়ালাগা চাঃরিলি, ঙাগো তুওয়ক রাঃফু কিজু দিঃপুয়েং প্যাংগেলি।” 26 য়াংচা কিজু যীশু মাঃলেসাগ্রা মন্হখক নাংরো দিঃ ভংমুংগো চাঃফু অর পেয়ালাগা চাঃফু-য়ল্হখক আস্যাং সিইচাগো তাঃরা হঃগেলি। 27 য়াংচা কিজু খ্যাংসুউমুছু থঃ মেতেংব্রি দিঃ ভংমুংনা পেয়ালাগা চাঃরিছুগি, য়াংসুউচা ফোরা কেইংথানা স্যুইগো য়ুউরো ছেংগ্যাংফাক আপ্রই লুকতিন্হাক তুউরি। 28 য়াং ভংমুংনা পেয়ালাগা চাঃফু হ্রিইগা, লুঃউরোচা কুঃগোকুঃ চেংরো ক্রি, 29 আক্রংগা চাঃরি আখিংখা য়াংসুউরা ফোরা কেইংথাগো য়ুউরো নাঃমিলিছুগি, য়াংচাগো চাঃরি আক্রংমা য়াংসুউচা কুঃগোকুঃ ডেং খ্যারি। 30 য়াংচা কিজু নাংরো আতুওয়ংমা লুঃউম্যারোচা কাইংথা কগ্রনা আনিং মকং হিকরি অর আম্যাগ্রি লুঃউ সিইলাঃখাব্যা। 31 ছুগি ঙুরা কুঃখ্যাং চেংজারো ক্রিগি, য়াংখা ফোরা ডেং আলাক্কা রুওয়েনৈংরি। 32 ছুগি ঙারো তাঃরাগো যাখা ফোরা চঃতিলি য়াংখা ফোরা ঙুরোগু ছুংমারি যাফুলিছুগি কাবামা আলুংসুউনা আতু ঙুরোগু আপ্রইস্যাংছুরো মকৈংরাঅং। 33 য়াং আতুওয়ক ঙা ঞিং আকুরো, যাখা নাংরো চাঃফু কিজু ক্যং লুঃউছুরো তেরেমা চুককেতি য়াংখা তয়ককো তয়ক চংগে। 34 য়াংখা খ্যাংসুউমুছু ম্যুওয়েকি য়াংসুউ ইংগা চাঃ লাঃবেচিই, যাফুলিছুগি ক্যং লুঃউছুরো তেরেমা আচুক ক্যাখা মুম্যুওয়েরাঅং। অর আখ্রা আক্রংলিলারোগু য়ুউরো ঙা যাখা রকলি য়াংখা আক্রেং পিইমি। |