၁ကောရိန္သု 1 - মারমা বাইবেল (নতুন নিয়ম)-বিবিএস

মাঙ্গালাবা

^1-2 থাওরা ফোরা ঈ ছেংদা আলৈই, ফোরা থেংদুঃ খঃরো ঙা পৌল তয়ক খ্রীট যীশুমা তেমেংদ ফ্রইরি। ঙানা ঞিং সোস্থিনি করিন্হ ম্রুমা থাওরা ফোরা ঈ ক্যংসারোবামা, প্রফুছুগি নাংরোগু চাঃ রুইরি। খ্রীট যীশুগো ক্যুংরি কিজু থাওরা ফোরাচা কুঃ আতুওয়ক কিজু নাংরোগু আখ্রা প্যাংরো থাঃলিরি অর আখ্রা আঃরারোমা যাসুরো ঙুরোমা আস্যাং যীশু খ্রীট্গো আস্যাং ছুরো লাক খেংগেতি, য়াংসুউরোগুলি ‍দিঃ চাঃজংগো রুইরি। আস্যাংচা য়াংসুউরোমালি ফোরা, ঙুমালি ফোরা।

³ ঙুরোমা ফাখাং থাওরা ফোরা অর আস্যাং যীশু খ্রীট নাংরোগু আখ্য-সানা অর ঈখিয়েংরা পিইলিফি।

⁴ ঙা খ্যাংখামুছু নাংরো অাতুওয়ক ঙা থাওরা ফোরাগু ‍কিজু তাংরি, আক্রংগা খ্রীট্ যীশুগো ক্যুংরো নাংরোচা থাওরা ফোরা ছুঃউককো রাঃরি।

⁵ য়াং ছুঃউকচা ফ্রইতি, নাংরো খ্রীট্গো ক্যুংরো লিফাকলাকচিগা, প্রফুছুগি আলুংচা প্রফু ক্ষেমতা অর পৈঞানা ক্রিই তাককেতি,

⁶ আক্রংগা খ্রীট্ আক্রংলিলাগো য়ুউরো ঙুরো সাকসিইচা, নাংরো চিইনুন্হুংমা হিকরিব্যা।

⁷ য়াংচা আতুয়ওক যাখা নাংরো ঙুরোমা আস্যাং যীশু খ্রীট্ পুওয়ং লাঃফুচাগু কংগং চিই আম্রিনা চং নিংগেতি, য়াংখা থাওরা ফোরা পিইচা ছুউক অাতুওয়ক নাংরোমা তুখুউলি মিহিক মফ্রপ্যা।

⁸ ঙুরো আস্যাং যীশু খ্রীট্ আছুং রকঅং নাংরোগু আম্রি থাঃমি, য়াংচা আতুওয়ক যীশু লাঃফু রাকমা নাংরো মকংরি আলুং অলুক্কা আওয়িই নিংগে।

⁹ থাওরা ফোরাগু ক্যুংথঃতি; ফোরারা নাংরোগু খঃচা, যাফুলিছুগি ফোরা সাঃ ঙুরোমা আস্যাং যীশু খ্রীট অর নাংরোনা আছুয়ি-আছাক হিকরি।

ক্যংমা পাছা ফ্রইচা

¹⁰ ঞিং আকুরো, ঙুরো আস্যাং যীশু খ্রীট আতুওয়ংগা নিংরো ঙা নাংরোগু চিইখ্যারো আতংবেং থাঃচাগা, নাংরো আলুংসো ঞিংগে। নাংরোবামা তুখুউলি পাছা মিহিক রাঅং, প্রফুছুগি নাংরো তিচিইতৈং অর তিঞিংদৈং ফ্রইকে।

¹¹ ঙা ঞিং আকুরো, নাংরো আক্রংলিলাগো য়ুউরো ক্লোয়ীর ইংসা লুঃউরোগা সাদাং রাঃচাগা, নাংরো আতুওয়ংমা পাছা ফ্রইকেরি।

¹² ঙা প্রখ্যাংরিচাগা, নাংরোমা তয়ক তিরি প্ররি, “ঙা পৌল আফুয়িই লুঃউ”; তয়ক তিরি প্ররি, “ঙা আপল্লোর আফুয়িই লুঃউ”; তয়ক তিরি প্ররি, “ঙা পিতর আফুয়িই লুঃউ”; অর তয়ক তিরি প্ররি, “ঙা খ্রীট্ আফুয়িই লুঃউ।”

¹³ ছুগি খ্রীট্গো ফুঃগে লঃ? পৌলগো নাংরো ‍আতুওয়ক থুঃউ খেঃরি লঃ? নাংরো পৌল নাঃমিনা রিঃঙুক মাঙ্গালা য়ুগে লঃ?

¹⁴ ঙা থাওরা ফোরাবামা কংগং কিজু হিকরি, আক্রংগা ক্রীষ্প অর গাইয় মুহুকপ্রি নাংরোগা অরতয়ককোলি ঙা রিঃঙুক মাঙ্গালা মিপিইলি,

¹⁵ তয়কলি প্রফু মাঃরারাঅং, নাংরো ঙা নাঃমিনা রিঃঙুক মাঙ্গালাগো লাক খেংগেরি।

¹⁶ দিঃচা ম্হেংরি ঙা স্তিফান ইংসারোগুলি রিঃঙুক মাঙ্গালা পিইলিরি, ছুগি দিঃচা আপিঃ অর তয়ককোলি রিঃঙুক মাঙ্গালা পিইরিলো ঙা চিইমা আম্হে মিহিক।

¹⁷ খ্রীট ঙাগো রিঃঙুক মাঙ্গালা পিইফু ‍আতুওয়ক মুরুওয়েলিই, প্রফুছুগি আকং সাদাংগো ক্যঞাফু ‍কিজুরা রুওয়েলৈতি। আক্রংগা খ্রীট থুঃউমা আসাক ল্হুইচা, আম্রি হিকঅং।

খ্রীট্চা থাওরা ফোরা ঈ পৈঞানা তেংখুঃ

¹⁸ যাসুরো মকং লেংদুঃ লাঃগেতি, য়াংসুউরোবামা খ্রীট্চা থুঃউ খেঃরো সিইচা চাগাঃচা মুহুক মেম্হেংস চাঃগান্হাক তুউরি; ছুগি ঙুরো যাসুরো আপ্রইকা ক্যুওয়েম্রকফু অাতুওয়ক ক্রুজাগেতি, ঙুরোবামা য়াংচা ফ্রইতি থাওরা ফোরা ঈ তেংখুঃ।

¹⁹ সেংস্যাংস কেইং চাউমা রুইরো হিকরি, “ঙা পৈঞাস্যাংরো পৈঞাগো ফ্যাকফু, আক্রেংসিরো আক্রেংগো অং-মাম্রাংজি।”

²⁰ ছুগি পৈঞাস্যাং লুঃউ যামালি? পৈঞারিঃস্যাং ছুগিলি যামালি? অর যাসুমা চাগাঃ আঙ্রাং-আতাং প্যাংফু ক্ষেমতা হিকরি, দিঃ খঃমা য়াং লুঃউলি যামালি? দিঃ কাবামা পৈঞাচা পৈঞামুহুক য়াংচাগো থাওরা ফোরা মাপ্রালি লঃ?

²¹ থাওরা ফোরাচা কুঃদৈং পৈঞানা আম্রিঃদৈং প্যাংলিরি আতুওয়ক, কাবাচা কুঃদৈং পৈঞানা থাওরা ফোরাগো সিকফু মাঃরালি। য়াংচা আতুওয়ক আকং সাদাং আলিংগা নিংরো আপ্রইকা ফোরাগো ক্যুংসারোগু খ্যুওয়েম্রকফুচাগো থাওরা ফোরাচা আকং ম্হেলিইরি।

²² যিহুদীরোচা লাকখানা ছুরো এংঅফুয়ি অলুককো ম্রাংখ্যাংগেতি, গ্রীক লুঃউরোচা পৈঞাগো হ্রাগেতি,

²³ ছুগি ঙুরোচা থুউমা খেঃরো সিইচা খ্রীট্ চাগাঃগো ক্যঞাগেতি। য়াং চাগাঃচা যিহুদীরোবামা মাসাং অর যিহুদীমুহুক লুঃউরোমা মেম্হেংস চাগাঃ,

²⁴ ছুগি যিহুদী লুঃউ অর গ্রীক লুঃউ ফ্রইলিইফি, থাওরা ফোরা যাসুরোগু খঃলিইরি য়াংসুউরোবামা য়াং খ্রীট্চা থাওরা ফোরা ঈ তেংখুঃ অর পৈঞা।

²⁵ থাওরা ফোরাবামা যাচা পৈঞা মিহিক ন্হাক তুউরিলি, য়াংচাচা লুঃউরোমা পৈঞাচাথাক কংগং আম্যা পৈঞাগ্রিঃ। অর যাচাগো আঃ-মিহিকছুরো ম্হেতিলি, য়াংচাচা লুঃউরোমা আঃ-থাক কংগং আম্যা আঃগ্রিঃ।

²⁶ ঞিং আকুরো, নাংরোগু যাখা খঃলিইরি য়াংখা নাংরো যাপুয়েংজে লুঃউ হিকলিরি য়াংচাগো ম্হেরো ক্রিগে। আখ্রা লুঃউরোনা তৈংলৈঞ্যং নাংরো আতুওয়ংমা লুঃউরোচা পৈঞাস্যাং, দিঃচা মুহুককিলি ক্ষেমতাস্যাং, দিঃচা মুহুককিলি আচৈং আগ্রিঃ য়াংচা মুহুক।

²⁷ ছুগি কাবাচা যাচাগো পৈঞা মিহিকছুরো তুওয়ককেলি, থাওরা ফোরাচা য়াংচাগো রুইকক য়ুলিরি যাফুলিছুগি পৈঞাস্যাংরো হ্রাককেঞ্যং। কাবাচা যাচাগো অাঃ-মিহিক তুওয়কতিলি, থাওরা ফোরাচা য়াংচাগো রুইকক য়ুলিইরি যাফুলিছুগি যাচা আঃ-গ্রিইস্যাং য়াংচা আঃমিহিক ফ্রইঅং।

²⁸ কাবাচা যাচাগো আসুংমুওয়ং ম্যাকচিইমা মাতাংলি, প্রফুছুগি কাবামা যাচা ম্যাকচিইমা মাতাং থাওরা ফোরাচা য়াংচাগোরা রুইকক য়ুলিইরি, যাফুলিছুগি কাবামা যাচা আঃফুদেং য়াংচা আঃফু ‍মিহিক ফ্রইঅং।

²⁹ থাওরা ফোরাচা য়াংচারোগু রুইকক য়ুলিরি আক্রংগা ফোরা হ্রিইগা তয়কলি ওয়েংম্রক-ওয়েংসা মাপ্যাংরাঅং।

³⁰ খ্রীট যীশুগো নাংরো ক্যুংরি, য়াংচাচা ফ্রইতি থাওরা ফোরাগা নিংরোরা ফ্রইচা। যীশু খ্রীট্চা ফ্রইতি ঙুরোবামা থাওরা ফোরা পিইচা পৈঞা; য়াংসুউরো ঙুরোমা লেংপ্রাসা, সেংস্যাংরি অর ক্যুওয়েফুচা।

³¹ য়াংচা ‍কিজু সেংস্যাংস কেইং চাঃউক আলৈই, “যাসুউ ওয়েংম্রক-ওয়েংসা প্যাংরিলি, য়াংসুউ ফোরাগো য়ুউরো ওয়েংম্রক-ওয়েংসা প্যাং।”