Yuörö 28 - Bibilia Buk na Ŋun nagon koti luŋu a

Boŋgwat ti koanejin

¹ A kirut do ködyö koruŋdye kaŋo i kiden na Ŋutu ti Yisaraele Arona logon a luŋösur, se ko ŋwajik kanyit i pirit na geleŋ, a joŋdi se konut nyona anyen kitakiŋdya nan a koanejin. Kilo a ko Arona, se ko ŋwajik kanyit logon a ko Nadaba, ko Abiu, ko Elejara, ko Itamar.

² A do tetenakiŋdye luŋösur Arona boŋgwat nake na rurwan a bubulesi ko a tokwele-nyesi.

³ A do ködyö jamakiŋdye Ŋutu liŋ logon a lokoŋ i töilyet, logon nan a tojore ko Mulökötyo lo koŋon kulo, anyen se gwekiŋdya Arona boŋgwat i ’boriarikin na lepeŋ, anyen nye böŋö kitakiŋdya nan a koane.

⁴ boŋgwat nagon se ködyö gwegwe makine, kweja adi, muket na kido, ko eŋoda, ko boŋgo muit najo, ko jölöbiya a gweya a kiliŋgwa, ko ema, ko kamba. Kweja adi kine a boŋgwat nake na rurwan nagon se tetenakin Arona luŋösur, se ko ŋwajik kanyit, anyen se böŋö kitakiŋdya nan a koanejin.

⁵ A se ködyö ’dumuŋdye dakap, ko waro naŋem, ko na ’bule, ko nator, ko boŋgo na tetena ko waro na sirita a namin.

⁶ A se gweji eŋoda ko dakap, ko waro naŋem, ko na ’bule, ko nator, ko boŋgo nagon a tetena ko waro na sirita a namin nagon bodo karipanit lo ribba.

⁷ A nu muket na kido kodyö gweyani ko tomoresi murek ti geliya na tomor a kutusen kanyit murek kune, anyen nye gwon a ŋo geleŋ.

⁸ A kamba nanyit nagon dokorikin lepeŋ na gweyani ko tobodwan jojo a gwe-yari geleŋ ko lepeŋ; kweja adi gweya ko dakap, ko waro naŋem, ko na ’bule, ko nator, ko boŋgo nagon a tetena ko waro na sirita a namin.

⁹ A do ’dumuŋdye ŋurupo murek nakwekwelen nagon a berilo, a do gigirikiŋdye karin ti ŋwajik ti Yisaraele i kine ŋuruŋö,

¹⁰ karin kase buker i ŋurupit geleŋ, ko kunie karin buker na pituŋdyö kune i nene ŋurupit, gwoso i yuŋwe nase.

¹¹ Do gigitikiŋdya karin ti ŋwajik ti Yisaraele i kine ŋurupö murek, gwoso na kitari bodo kaŋigirunit lo ŋurupö, logon gigiŋu jokesi nagon jokaki ’e gwuluet; a do to ’depakiŋdye kine ŋurupö i dakap na gwegweya a ŋuŋukatu.

¹² A do to ’depakiŋdye kine ŋurupö murek i tomoresi ti geliya ti eŋoda, anyen yeyeörikin ŋwajik ti Yisaraele; a Arona gwe ko karin kase kanyit i geliya murek ko MATAT i komor a toyeyeesi.

¹³ A do teteŋdi dakap na gwegweya a ŋuŋukatu,

¹⁴ ko toŋot murek logon a dakap nake a kakalapaji gwoso pata; a do tomorakiŋdye toŋot lo kakalapaji kilo i dakap na ŋuŋukatu kune.

¹⁵ A do teteŋdi muket na kido ’dupet na kulya nagon bodo lo teteŋdya; a do gweji lepeŋ gwoso na gweyari eŋoda na ko dakap, ko waro naŋem, ko na ’bule, ko nator, ko boŋgo nagon a tetena ko waro na sirita a namin.

¹⁶ A nye ködyö gwe a regorego ko a pudula murek; a temet na tojolan nanyit gwe a ’dapanit na könin, a Köti temet na tugalaŋ nanyit gwe a ’dapanit na könin.

¹⁷ A do to ’depakiŋdye kanyit ’dokiŋ Iŋwan ti ŋurupö. A ’doke togeleŋ ködyö gwe ko ŋurupö nagon a sardiö, ko topajo, ko samara-gado;

¹⁸ a ’doke tomurek gwe a antarak, ko sapira, ko yasipidi;

¹⁹ a ’doke tomusala gwe a ligurion, ko akatiso, ko ametisito;

²⁰ a ’doke toiŋwan gwe a krisölitö, ko berilo, ko onukion; a se ködyö to ’depakine i kine dakap na gwegweya a ŋuŋukatu.

²¹ A kine ŋurupö gwe puök wot murek ko karin kase gwoso karin ti ŋwajik ti Yisaraele; a kine ŋurupö ködyö gigiruni gwoso jokesi na jokaki ’e gwuluet, se liŋ geleŋ geleŋ gigiru ko karin kase i kötumitön puök wot murek.

²² A do tetenakiŋdye muket na kido toŋot logon a dakap nake a kakalapaji gwoso patala.

²³ A do tetenakiŋdye ŋina muket re murek nagon a dakap, a do tiŋdi kine re murek i kutusen murek ti ŋina muket.

²⁴ A do sukiŋdye patala murek nagon a dakap i kine re murek lukata i kutusen ti ŋina muket na kido.

²⁵ A do tomorakiŋdye kutusen murek ti patala murek nagon a dakap na kakalapaji kune i to ’depesi ti dakap na gwegweya a ŋuŋukatu, a do tiŋdi se i tomoresi ti geliya ti eŋoda, i ŋerot nanyit.

²⁶ A do teteŋdi re murek nagon a dakap, a do tiŋdi se i kutusen murek ti muket na kido, i kutuk nanyit na lukata, a lo pelela ko eŋoda.

²⁷ A do teteŋdi re murek nagon a dakap, a do tiŋdi se i tomoresi ti geliya murek ti eŋoda kak, i komor nanyit, i nyona na tomoret nanyit, i loki na kamba na gweya ko tobodwan.

²⁸ A muket na kido ködyö tomorakine ko pata naŋem i re kanyit tojo i re ti eŋoda, anyen nye böŋö si ’da i kamba na eŋoda loki na gweya ko tobodwan na, an muket na kido lakaji kaŋo i eŋoda.

²⁹ A Arona ködyö gwe ko karin ti ŋwajik ti Yisaraele i muket na kido ’duŋet na kulya. Kine karin gwon i töili lonyit loki i diŋit nagon nye lupöri i pirit nake na rurwan lukata nu, anyen gwon a toye-yeet ko MATAT i komor ŋupi.

³⁰ a do sukiŋdye Urim ko Tumim i lukata na muket na kido ’duŋet na kulya; a se gwe ko Arona i töili loki na luŋöri nye ko MATAT i komor nu; a Arona ködyö gwe ko ’duŋesi ti kulya ti Ŋutu ti Yisaraele kanyit i töili loki ko MATAT i komor ŋupi.

³¹ A do teteŋdi boŋgo muit najo na eŋoda a naŋem liŋ.

³² a nye ködyö gwe ko dili roset na kwe i kiden nanyit, a nu dili to ’dikiöni ko pata na gwegweya, gwoso i nene roset na boŋgo, an ko kerenya.

³³ a do tetenakiŋdye i kume lonyit lo kak ŋo gwoso ludweki logon a ruman, a gweya ko waro naŋem ko na ’bule, ko nator, loloraddu kume lonyit; a luŋwö logon a dakap gwe-gwelakine kase kiden,

³⁴ kweja adi, luŋutot lo dakap ko ludwe lo ruman, luputöt lo dakap ko ludwe lo ruman, i loloraddu na kume lo nu boŋgo.

³⁵ a nu boŋgo ködyö gwe ko Arona i mugun i diŋit na kitari nye nu, a woŋon nase yiŋani yiŋa na lupöri nye i lukata na pirit nake na rurwan ko MATAT i komor ko na ŋoŋdi nye kaŋo nu, anyen nye gwon ti twan.

³⁶ A do ködyö teteŋdi dakap nake a beleŋ beleŋ, a do gigiŋi lepeŋ gwoso gigirisi ti joket na jokaki ’e gwuluet na. A kulyaesi lo gigiruki nyin kulo gwe adi, A gelwe a loke lo MATAT.

³⁷ A do tomorakiŋdye lepeŋ i pata naŋem loki, a nye ködyö torakine i komor na ema.

³⁸ A nye gwe ko Arona i komor, a Arona ködyö ’doggi lyaŋesi ti ŋo nake nagon Ŋutu ti Yisaraele mo gegeluŋ a ’dokesi kase nake liŋ kune; a ŋina beleŋ beleŋ ködyö gwe kanyit i komor ŋupi, anyen Ŋutu ti Yisaraele böŋö rurukö ko MATAT i komor.

³⁹ A do gweji jölöbiya ko wuresi gweya ko boŋgo nagon a tetena ko waro na sirita a namin, a do teteŋdi ema ko boŋgo nagon a tetena ko waro na sirita a namin, a do teteŋdi kamba nagon karipanit katokwelenyonit lo ribba.

⁴⁰ A do tetenakiŋdye ŋwajik ti Arona jölöbiyajin, ko kambajin, ko töröbusi-jin; a do tetenakiŋdye se a bubulesi ko a tokwelenyesi.

⁴¹ A do ködyo tojubbi Arona luŋösur se ko ŋwajik kanyit i pirit na geleŋ ko kine boŋgwat; a do we ’yi lepeŋat ko welet, a do ’boro-kiŋdye lepeŋat, a geluŋdye lepeŋat a loke, anyen se böŋö kitakiŋdya nan a koanejin.

⁴² a do tetenakiŋdye lepeŋat boŋgwat ti mok nagon a waratat i muggö na mugunya kase nagon a limuö kana kune; kine boŋgwat kodyö suluja i ŋeti tojo i puŋdi;

⁴³ A Arona ko ŋwajik kanyit ködyö jupukiŋdye se na lupöri se i kemia torumet nu, kode na mijuŋdye se nyona ko pirit ’yuret na rubaŋgajin i kita i pirit nake na rurwan; an se ’doggu lyaŋesi anyen se gwon ti twatwa. A ŋilo gwe a saret lo wuröki lepeŋ se ko nyakwariat kanyit lo kikipuŋdyö kulu ŋupi.